4 лица – Kurir.mk

Предложени парични казни за 4 лица за непочитување на полицискиот час во Скопје

Тале Кристо — Tue, 15 Jun 2021 08:08:03 +0000

Основното јавно обвинителство Скопје до надлежниот суд поднесе предлози за издавање казнени налози против четири лица за кривично дело – Непостапување според здравствените прописи за време на епидемија согласно член 206 став 1 од Кривичниот законик. Тројца од обвинетите во селото Побожје, а еден во Бутел биле затекнати додека не го почитувале полицискиот час. За време на забраната определена со прописите за спречување на ширењето на заразна болест, без дозвола се движеле надвор од нивните домови. Надлежните јавни обвинители за обвинетите предложија парични казни од по 100 дневни глоби со поединечна висина на дневната глоба од 20 евра.

Постапки против четворица во Скопје за непочитување на полицискиот час

Тале Кристо — Thu, 06 May 2021 11:10:48 +0000

Против четири лица Основното јавно обвинителство Скопје денеска до надлежниот суд поднесе предлози за издавање казнени налози за кривично дело – Непостапување според здравствените прописи за време на епидемија од член 206 став 1 од Кривичниот законик. Обвинетите, во одвоени кривично-правни настани, не го почитувале важечкиот полициски час и за време на забраната определена како мерка за спречување на ширењето на коронавирусот биле затекнати како се движат на различни локации. Притоа, не поседувале дозвола за движење, па биле запрени и легитимирани од полициски службеници. Јавните обвинители за обвинетите му предложија на Основниот кривичен суд Скопје да определи парични казни од по 100 дневни глоби при што висината на една дневна глоба да ја одреди на 20 евра во денарска противвредност.

Битолското обвинителство предложи парични казни за четворица заради непочитување на здравствените прописи

Тале Кристо — Tue, 27 Apr 2021 15:50:16 +0000

Основното јавно обвинителство Битола до Основниот суд Битола поднесе Предлог за издавање казнен налог против четири лица кои за време на пандемија прогласена од страна на Генералниот директор на Светската здравствена организација поради опасна заразна болест COVID-19, не постапиле според прописите и наредбите со кои се определуваат мерки за нејзино сузбивање или спречување. Иако со донесена одлука на Владата на Република Северна Македонија било забрането движење на населението и на возилата од јавен превоз на територијата на државата во временски период од 20:00 часот до 05:00 часот наредниот ден, обвинетите на 12.4.2021 година, биле затекнати како пеш или со возила се движат без дозвола на различни места во градот. Обвинителството утврди дека обвинетите го сториле кривично дело Непостапување според здравствени прописи за време на епидемија од чл. 206 ст. 1 од Кривичниот законик, за што го поднесе предлогот со кој на надлежниот суд му предложи на обвинетите да им изрече парични казни, во висина од по 100 дневни глоби, при што вредноста на една дневна глоба да се определи на 10 евра во денарска противвредност.

Франција: Притвор за четворица поранешни раководители на Мекдоналдс

Тале Кристо — Wed, 24 Mar 2021 13:36:27 +0000

Четворица поранешни раководители на Мекдоналдс во Франција се во притвор под сомнение за затајување данок. Француските даночни власти се надеваат дека ќе вратат „од 300 до 600 милиони евра, па дури и милијарда“ евра данок, јави дописникот на МИА. Четворица поранешни високи раководители на Мекдоналдс беа приведени во полиција деенска, како дел од прелиминарната истрага на Националното финансиско обвинителство за сомневање за затајување данок, соопшти извор запознат со ова прашање. Француските даночни власти се надеваат дека ќе успеат да добијат „од 300 до 600 милиони евра, па дури и милијарда“ на неплатен данок, јавија француски медиуми. Поранешните раководители се во полициски притвор во просториите на Канцеларијата посветена на борбата против финансиските и фискалните престапи.

Четворица загинати во експлозијата во Бристол

Тале Кристо — Thu, 03 Dec 2020 18:08:07 +0000

Четири лица загинаа, а една е повредена во експлозијата што се случи во Станица за прочистување на вода во Ејвонмаут, индустриска област во близина на Бристол. Британскиот весник „Тајмс“ објави дека несреќата се случила кога експлодирал резервоар со хемикалии, а работниците биле во него. Засега е непознато што ја предизвикало експлозијата.

Куќен притвор за четири лица и мерки на претпазливост за едно лице за незаконско приватизирано земјиште

Тале Кристо — Mon, 30 Dec 2019 19:39:37 +0000

Судија на претходна постапка од Основниот кривичен суд Скопје на четири лица им определи мерка куќен притвор, а на едно лице мерки на претпазливост за злоупотреба на службена положба и овластување во врска со противправна легализација на градежно земјиште во Тетово. -Во Основниот кривичен суд Скопје, пред судија на претходна постапка, денеска, беа спроведени пет лица опфатени во предлог на Основното јавно обвинителство за гонење организиран криминал и корупција за определување мерка притвор против шест лица и мерки за претпазливост против две други лица, информираат од Судот. По произнесување на спроведените лица во однос на предлогот, како и ценење на фактите и доказите во предлогот, судија на претходна постапка донел решение со кое на четири лица им определил мерка куќен притвор, додека на едно лице му определил мерки на претпазливост односно – забрана за напуштање на живеалиштето односно престојувалиштето, привремено одземање на патна и друга исправа за преминување на државната граница и обврска за јавување на службено лице во судот. Од Судот информираат дека против овие решенија странките имаат право на жалба пред Кривичниот совет. -Едно лице опфатено со предлогот за определување мерка притвор сè уште не е обезбедено од органите на прогон додека другите две лица за кои се предлагаат мерки за претпазливост, повикани се во текот на утрешниот ден да се јават пред судија на претходна постапка за нивно произнесување во однос на предлогот на Обвинителството, информираат од Основниот кривичен суд Скопје. Надлежен обвинител при Основното јавно обвинителство за гонење на организиран криминал и корупција донесе – наредба за спроведување на истражна постапка против осум лица за кои постои основано сомнение дека сториле кривично дело „злоупотреба на службена положба и овластување“, за противправна легализација на градежно земјиште со површина од 4.410 метри квадратни во Тетово, нанесувајќи штета на Буџетот на РСМ во висина од околу 860 илјади евра.

Приведени 4 лица кај кои е пронајдена марихуана

Дарко Андоновски — Sat, 31 Aug 2019 06:46:23 +0000

Полицијата приведе четири лица од Скопје кај кои е пронајдена марихуана. Според МВР, се работи за К.Б.(26), А.И.(23), Е.Г.(20) и С.Т.(19). При контролата, сите се пресретнати на различни локации во градот и против нив ќе биде поднесена соодветна пријава. Полициски службеници од СВР Скопје на 29 август во 00:40 часот го привеле К.Б. на кејот „Димитар Влахов“ зашто при извршениот преглед кај него пронашле пакувања со прашкаста материја и екстази, додека А.И. е приведен истиот ден, но во 13.30 часот на улицата „Босна и Херцеговина“ зашто поседувал марихуана. На 29 август се приведени и Е.Г., како и С.Т., едниот во 17.55 часот на улицата „Февруарски поход“, а другиот во 22.40 часот на улицата „Лихнида“. Кај двајцата е пронајдена марихуана.