Во Шпанија откриени над 1,4 тони кокаин и уапсени 14 лица

Тале Кристо — Mon, 10 Feb 2020 15:07:46 +0000

Во заедничка операција на Европол со Централната единица за наркотици и Централната единица против перење пари на регионалната каталонска полиција уапсени се 14 членови на меѓународна криминална организација која шверцувала кокаин и перела пари. Како што соопшти Европол, осуммина од членовите на криминалната група веќе се во затвор. Истрагата почнала во декември 2018 година, кога во компанија во близина на Барселона пронајдени се 1.413 килограми кокаин. Дрогата била скриена во 800 кутии со А4 хартија, што пристигнала од Бразил. Кокаинот бил случајно откриен откако на вработен во компанијата му паднала една кутија со хартија. Две лица се уапсени во Шпанија, а истрагата открила дека 10 луѓе се вмешани во шверцот на кокаин од Бразил. Групата парите од кокаинот ги перела преку инвестициски компании за недвижен имот и бутици во Барселона. За перење на парите биле користени и луѓе кои периодично вршеле уплати на помали износи во неколку банкарски филијали. Регионалната каталонска полиција на 4 февруари извршила претрес во 13 куќи и компании при што се запленети пари, мобилни телефони, оружје, три автомобили, два мотори и неколку објекти, а уништени се две плантажи со марихуана.

Италија: Запленети околу четири тони пиротехнички средства

Дарко Андоновски — Mon, 30 Dec 2019 15:17:33 +0000

Италијанската полиција денеска во одвоени операции ширум земјата заплени неколку тони пиротехнички средства. Операциите беа спроведени со цел да се намали ризикот од повреди. Над 1,5 тони огномети се запленети во Рим и во околните провинции, а против пет лица се поднесени кривични пријави. Во другите делови од земјата запленети се над 2,5 тони пиротехника, а во Милано е уапсено едно лице.

4 тони – Kurir.mk

Во Шпанија откриени над 1,4 тони кокаин и уапсени 14 лица

Италија: Запленети околу четири тони пиротехнички средства