40 години – Kurir.mk

Торта стара 40 години оди на наддавање

Тале Кристо — Thu, 29 Jul 2021 11:28:16 +0000

Парче свадбена торта од свеченоста на принцот и принцезата од Велс ќе биде ставено на аукција – 40 години откако британскиот престолонаследник Чарлс и Лејди Дијана го кажаа нивното судбоносно „да“. Годишнината од „кралската венчавка од бајка“, кога наследникот на британската круна се ожени со срамежливата 20-годишна Дијана Спенсер, на 29 јули 1981 година во лондонската катедрала „Сент Пол“, е денеска. Но, нивната брачна среќа не траеше долго – тие се разделија 11 години подоцна, 1992 година, а официјално се разведоа во 1996 година. Кришката од марципан како основа и со шлаг, е едно од 23-те тогашни свадбени парчиња. Содржи прелив од шеќер што го пресликува кралскиот грб во златно-црвено-сино-сребрена боја.

Атрактивната бразилска супермоделка: Се чувствувам подобро на 40 отколку на 30 години

Тале Кристо — Tue, 25 May 2021 07:17:46 +0000

Жизел Бундшен ги обожава своите 40-ти Лос Анџелес, 25 мај 2021 (МИА) – Жизел Бундшен ги слави своите 40-ти. Бразилската супермоделка, која има две деца со нејзиниот сопруг, бекот на „Тампа Беј бјуканирс“ – Том Брејди, вели дека се чувствува подобро на 40 години отколку во претходното десетлетие од нејзиниот живот. – Се чувствувам подобро на 40 отколку на 30 години, и тоа толку многу подобро, сподели Бундшен во емисијата „Диор“ на Филип Пикарди. Според неа, 40-тите ќе ѝ бидат прекрасни. – За мене, 20-тите ми беа по малку предизвикувачки. Нема да лажам. Во 30-тите, требаше „да се средам и приберам“… Сега, во моите 40-ти, јас обично велам – „Ајде! Одиме!“, раскажува манекенката. Филозофијата на Бундшен вклучува сè – од здрава исхрана до духовност, па таа смета дека сите тие нешта се важни за да изгледа и да се чувствува најдобро што може, секој ден. – Мислам дека сè што правиме, сè што нè крепи, нè храни и ни помага да се чувствуваме добро, природно ни помага и да изгледаме подобро, нели? Јас секогаш велам дека храната е лекот, затоа што храната е многу важна. Како што, ако јадете куп мрсна храна, тешко дека ќе имате навистина добра кожа. Колку повеќе јадете зеленчук, толку поздрава е вашата исхрана – и тоа ќе се одрази на вашата кожа!, објаснува манекенката. Бундшен смета дека домашниот зеленчук треба да ја замени преработената храна во секојдневието. „Кога ја јадеме храната жива (непреработена), хранливите материи и витамини нè одржуваат здрави и им помагаат на нашите тела да функционираат подобро. Една од моите омилени работи е свежа храна и билки од нашата заедничка градина“, напиша таа во една објава на Инстаграм. Во своите мемоари од 2018 година – „Лекции: Мојот пат кон смислен живот“, Бундшен откри дека порано страдала од напади на паника, понекогаш толку силни што довеле до самоубиствени мисли. Така, ѝ биле препишани лекови за справување со нејзината вознемиреност, но таа на крајот открила дека нејзиниот лек се медитацијата, јогата и здравата исхрана.

Ако наскоро полните 40 години, влегувате во најубавиот период од вашиот живот: Ова се 8-те предности

Магдалена Андонова — Mon, 05 Apr 2021 12:20:33 +0000

Четириесеттите се, според научниците, еден од најдобрите периоди во животот на луѓето - сè уште сте млади и со добро здравје, имате повеќе искуство, самодоверба и знаете што сакате и како да го добиете. Сите сме навикнати да слушаме дека нашите дваесетти години се најдобрите години во нашите животи, но можеби тоа не е баш точно. Имено, четириесеттите години имаат тенденција да бидат едни од најдобрите години во нашите животи, бидејќи тие можат да бидат посреќни, па дури и побогати. Можеме да најдеме повеќе време за хоби и да ги работиме работите што ги сакаме, а негативните страни на животот ги прифаќаме помирни и помудри, пишува Bright Side. 1. Подобра финансиска состојба Парите можат да бидат причина за голем стрес и проблеми кај луѓето, но за среќа, обично во староста луѓето имаат помалку проблеми. Според податоците на банката, најмногу штедат луѓе на возраст меѓу 45 и 54 години. Според PayScale (американска компанија за компензација на софтвер и податоци што им помага на работодавците да управуваат со приходите на вработените), жените почнуваат да го достигнуваат врвот на својата заработка на 44-годишна возраст, додека кај мажите е на 55-годишна возраст. 2. Поминувате помалку време на социјалните мрежи и го користите времето подобро Секој знае колку влијание можат да имаат социјалните мрежи и колку е лесно да се поминат часови на прелистување низ истите неколку апликации. Сепак, луѓето во четириесеттите години го прават тоа многу помалку и можат подобро да управуваат со своето време. Според истражувачкиот центар „Пев“, луѓето во петтата деценија користат социјални мрежи многу помалку од помладите, а 56 проценти од нив велат дека би можеле да се откажат од нив без никаков проблем. 3. Имате подобра рамнотежа помеѓу деловниот и приватниот живот Додека помладите луѓе се посветени на работата и кариерата и ќе бидат повеќе подготвени да го жртвуваат своето слободно време, на возраст од 34 до 44 години, 57 проценти од вработените велат дека конечно се задоволни со рамнотежата на нивната работа и личен живот во петтата декада. 4. Потребен ви е помалку сон Според студијата објавена во списанието Спиј, возрасните на возраст од 40 до 55 години спијат околу 23 минути помалку од возрасните на дваесет и триесет години. 5. Посреќна врска Бракот е голем чекор за многу луѓе, и секако, често постои страв од тоа каков ќе биде брачниот живот на млада возраст. Сепак, спротивно на популарното верување, никогаш не е доцна за брак. Всушност, според оваа студија, доцниот брак е најдобар за трајна среќа. Резултатите од студијата покажаа дека луѓето кои се венчале подоцна од своите врсници имале поголема самодоверба кон партнерот. Од друга страна, ако сте биле во брак претходно, постои голема шанса во вашата долгогодишна врска што досега издржуваше препреки и проблеми, да пронајдете оптимален начин да функционирате и да бидете задоволни. 6. Имате поголема самодоверба Истражувањето од Харвард сугерира дека нашето ниво на самодоверба се приближува до својот врв откако ќе наполниме 40 години. Тоа е една од најдобрите предности на четириесеттите, бидејќи задоволството со она што го имаме е најголемиот благослов и предуслов за среќа. 7. Имате подобра концентрација Според истражувањето објавено во списанието „Психолошка наука“, обемот на вашето внимание го достигнува својот врв кога имате околу 43 години. Помалку се грижиме за бесмислените работи и повеќе се фокусираме на работите што ни се важни, што нè прави попродуктивни. 8. Продолжувате да се развивате ментално Според Бирото за статистика на трудот, постарите возрасни лица поминуваат повеќе време на читање отколку помладите. И читањето има бројни придобивки и значително го развива нашиот речник.

Федерер нема да замине во пензија дури и кога ќе наполни 40 години

Тале Кристо — Sat, 18 Jul 2020 12:13:19 +0000

Роџер Федерер нема да замине во пензија во 2021 година, тврди неговиот долгогодишен тренер и пријател, Северин Лути. Во интервјуто за швајцарскиот магазин „Смаш“, тој најави дека освојувачот на 20 Гренд-слем титули ќе продолжи да игра со несмалена желба, но тој прво мора да се опорави. Федерер во последните неколку месеци имаше две операции на коленото и нема да игра до крајот на сезоната. – Повредата пристигна во најдобар можен час и уште подобро кога имате предвид што се случува со рангирањето, иако тоа не влијае многу врз него во емотивна смисла. Тој не е некој што се чувствува фрустриран. Ден по операцијата, тој веќе планираше како ќе го помине времето со семејството. Тој ја има оваа уникатна карактеристика да одржува големи амбиции без да биде опседнат или фрустриран кога се случуваат несакани работи, вели Лути. Швајцарскиот стручњак, кој долги години е на чело на националниот Дејвис Куп тим, гледа одредена паралела со повредата на Федерер од 2016 година. – Има одредени паралели. И двапат поминал на операција и во двата случаи се влошуваше состојбата, па практично моравме да започнеме од почеток, а му требаше повеќе време за рехабилитација. Од првиот момент, тој погледна кон иднината со оптимизам и ентузијазам, пристапи кон сè на многу позитивен начин. Мислам дека ќе биде многу корисно за него тоа што го помина во 2016 година, смета Северин. На прашањето кога Роџер би можел да замине во пензија, бидејќи спомна одредена можност дека тоа ќе се случи во блиска иднина, Лути рече дека не мисли дека тоа нема да се случи наскоро. – Чувството ми е дека тој нема брзо да се повлече. Тој сè уште сака да игра тенис, никогаш не сум го чул како вели дека сака да запре и да си го смени животот или дека е уморен од патувањето. Не можете ништо да отфрлите 100%, но гледајќи како тој продолжува да ужива во тенисот и со пријателите насекаде, не мислам дека ќе замине во пензија во 2021 година, заклучи Лути.

Шведска затвори реактор по 40 години работење

Тале Кристо — Mon, 30 Dec 2019 18:03:08 +0000

Шведска денеска затвори еден од четирите нуклеарни реактори на својата најголема електрана по повеќе од 40 години работење поради, како што тврдат операторите, непрофитабилност и големите трошоци за одржување. Реакторот Рингхалс 2 во југозападниот дел на Шведска е трајно затворен согласно одлуката од 2015 година на сопствениците на шведската државна енергетска група Ватенфал и на германското комунално претпријатие Унипер. Ватенфал и Унипер, исто така, одлучиле затворање на реакторот Рингхалс 1 кон крајот на следната година, додека Рингхалс 3 и Рингхалс 4 ќе продолжат да работат до 2040 година. Електраната Рингхалс, која се наоѓа на околу 65 километри јужно од шведскиот град Гетеборг, е една од трите нуклеарни централи во Шведска и досега произведувала меѓу 15 и 20 проценти од вкупната потрошувачка на електрична енергија во земјата. Изминатите години во Шведска меѓу политичарите и граѓаните се водела долготрајна расправа за предностите и недостатоците на нуклеарната енергија.

„Меси ќе игра фудбал до 40 години“

Тале Кристо — Sat, 14 Dec 2019 14:18:07 +0000

Играчот од средниот ред на Монако, Сеск Фабрегас е убеден дека неговиот поранешен соиграч на „Ноу Камп“, Лионел Меси, може да игра најмалку до 40 години. – Меси е брутален фудбалер. Ова значи дека доколку е задоволен од неговиот настап, тој ќе продолжи да игра. И со оглед на неговите расположливи вештини, тој лесно може да игра до 40-годишна возраст. Многу добро се сеќавам на денот кога Меси дојде во „Ла Масија“. Тој не зборуваше многу, но дури и тогаш играше како што тоа го прави денес – никој не можеше да го спречи, додаде Фабрегас. Како што знаете, двајцата се блиски пријатели, а освен тоа, нивните сопруги редовно се „уловувани“ заедно од папараците.

На 40 години, Новицки потпиша нов договор со Далас

Дарко Андоновски — Fri, 20 Jul 2018 08:46:14 +0000

Германското тешко крило на Далас Маверикс Дирк Новицки потпиша нов едногодишен договор, соопштија од клубот. Четириесет-годишниот Новицки ќе ја игра 21-вата сезона во дресот на „телињата“, со кои ја освои титулата во 2011 година. Ако запише барeм еден натпревар во новата сезона, Новицки ќе го собори рекордот на Коби Брајант и ќе стане првиот играч во историјата на НБА со повеќе од 20 сезони за еден тим. Минатата сезона, Новицки играше во 77 натпревари и постигнуваше во просек по 12,0 поени и 5,7 скока по натпревар. Германецот висок 213 сантиметри се наоѓа на шестото место на вечната листа на стрелците во НБА, со 232 поени зад Вилт Чембрлен, а 149 пред Леброн Џејмс.

Нема шанси да го препознаете: Вака изгледал Жељко Самарџиќ пред 40 години кога прв пат станал татко (ФОТО)

Дарко Андоновски — Sun, 27 May 2018 16:47:34 +0000

Пејачот Жељко Јоксимовиќ веќе со години наназад е еден од најпопуларните пејачи на овие простори. Освен што тој е успешен во музиката, тој може да се пофали и со тоа дека е семеен човек, оженет е и има три деца, а прв пат стана татко пред 40 години. По тој повод тој на својот Инстаграм профил објави приватни семејни фотографии со што јавноста се збуни од неговиот изглед пред четири децении. -На денешен ден пред 40 години прв пат станав татко. Сјајно, здрава и среќна целиот живот да е, напиша пејачот.