Србија ќе и донира на Македонија нови 40 илијади дози од руската вакцина „Спутник V“, половина пристигнуваат денеска

Тале Кристо — Thu, 01 Apr 2021 11:52:27 +0000

Владите на Македонија и на Србија постигнаа договор за донација на 40.000 вакцини „Спутник V“ од кои првата количина од 20.000 дози од компонентата 1 пристигнуваат денеска, соопштија од македонската Влада. -Владата на Република Македонија на денешната 60-та седница ја разгледа и ја усвои Информацијата за донација од Република Србија на 40.000 дози „Спутник V“ вакцини против КОВИД-19 и го прифати текстот на договорот меѓу Владата на Република Македонија и Владата на Република Србија за соработка во областа на здравството за имунизација на населението против КОВИД-19. Со овој договор е обезбедена донацијата од вкупно 40.000 дози „Спутник В“, од кои 20.000 дози од компонента 1 ќе бидат испорачани денеска, а останатите 20.000 дози од компонента 2 во наредниот период, стои во соопштението на Владата испратено до медиумите.

За четири месеци во Грција пристигнаа околу 40 илјади бегалци и мигранти

Тале Кристо — Sun, 03 Nov 2019 13:04:53 +0000

Во последните четири месеци имавме околу 40 илјади пристигнувања, вели алтернативниот министер за цивилна заштита на Грција, надлежен за миграциска политика, Јоргос Кумуцакос во интервјуто за утринската информативна емисија на грчката телевизија „Скај“, јави дописничката на МИА од Атина. Кумуцакос истакна дека мигрантското/бегалското прашање е големо, а во овој момент постои „експлозивна мешавина“ на околности што ги зголемува пристигнувањата во Грција. -Од 15 јули Турција ја смени политиката во мигрантското прашање, станува многу потврда особено кон оние 500-600 илјади што се во Истанбул, кои сака да ги префрли во областите каде што беа. Овие луѓе не се прилагодуваат, не ја следат оваа политика и побрзаа кон западното турско крајбрежје. Ова е еден извор. Сирија продолжи да праќа. Авганистан што е во ужасна ситуација, продолжи да праќа луѓе и преку Иран, а во исто време, односите на Ердоган со Европа беа многу лоши. Беше експлозивна мешавина, останува експлозивна и затоа, како што имаме сите кажано, а и премиерот, прашањето е големо, тука е и ќе остане тука, рече Кумицакос и порача дека е потребна издржливост и обединетост за прашањето, за кое рече дека има национална димензија. Алтернативниот министер за миграциска политика изрази надеж дека со новиот закон за азил што Парламентот во четвртокот го изгласа и тоа со зголемено мнозинство „ќе има многу повеќе враќања кон Турција и други земји“. Паралелно, во интервјуто говореше и за тоа на каква ситуација наишле кога дојдоа на власт пред четири месеци. -Владата на почетокот на јули кога дојде на власт презеде систем во апсолутно хаотична ситуација, што се однесува на мигрантското/ бегалското прашање. Знаевме дека е така, но никој не можеше да ја знае големината на проблемот и дека постојат десетици илјади, 70 илјади неразгледани барања за азил. Ова не го знаевме. Затворена е нашата северна граница, затворена е балканската рута, а од исток влегуваат луѓе. Хаотична ситуација, рече Кумуцакос во интервјуто за ТВ „Скај“.

40 илјади – Kurir.mk

Србија ќе и донира на Македонија нови 40 илијади дози од руската вакцина „Спутник V“, половина пристигнуваат денеска

За четири месеци во Грција пристигнаа околу 40 илјади бегалци и мигранти