48 часа – Kurir.mk

СКСЗМ: Граѓаните да се известат најмалку 48 часови пред одлуките за ограничување на движењето да стапат во сила

Тале Кристо — Sat, 04 Apr 2020 09:32:16 +0000

За Стопанската Комора на Северо-Западна Македонија (СКСЗМ) неприфатлива е одлуката за ограничување на движењето на граѓаните на Куманово во текот на целиот викенд, бидејќи сметаат дека е неопходно граѓаните да се известат најмалку 48 часови пред слични одлуки да стапат во сила. -Оваа одлука е неприфатлива од фактот што е донесена само неколку часа пред да почне ограничувањето на слободното движење од 21:00 часот и еден ден пред да започне викендот, со што граѓаните на Република Северна Македонија се информираат само неколку часа порано. Оваа ситуација создава заблуда и паника кај граѓаните од таа зона, кои од недоволно снабдување со основна храна се собираат во толпа од луѓе за да ги извршат потребните набавки. Ваквата состојба го зголемува нивото на ризик од ширење на коронавирусот уште повеќе, факт што е во ничиј интерес за време на овој период на пандемијата COVID19, порачуваат од СКСЗМ. Апелираат до релевантните институции за каква било слична одлука што ќе се донесе, да се известат граѓаните најмалку 48 часа пред таа да влезе во сила. -Стопанската Комора на Северо-Западна Македонија секогаш настојува да ја одржи соработката со државните институции на највисоко ниво и високо го цени воспоставеното партнерство со истите институции. СКСЗМ секогаш ќе придонесува да се создаде поволно опкружување за бизнисите во земјата и за таа цел ќе реагира за сите избрзани и погрешни одлуки на Владата, како што е примерот со одлуката на Владата за ограничување на движењето во градот Куманово т.е се ограничува движењето на граѓаните почнувајќи од петок (03.04.2020) од 21:00 часот до понеделник (06.04.2020) до 05:00 часот, велат од СКСЗМ.

Тачи му даде на Курти рок од 48 часа да предложи кандидат за премиер

Тале Кристо — Tue, 07 Jan 2020 08:48:34 +0000

Претседателот на Косово Хашим Тачи се сретна вчера со лидерот на Движењето Самоопределување (ВВ) Албин Курти, кому, како на лидер на партијата победничка на октомвриските парламентарни избори, му даде рок од 48 часа да номинира кандидат за премиер на новата косовска влада, јави дописникот на МИА од Приштина. Во објава на неговата страница на Фејсбук по денешната 15-минутна средба со Курти, Тачи порача дека „потребата од формирање Влада е од витален интерес за државата и граѓаните на Косово“, но дека Курти „не беше спремен да понуди предлог за мандатар“ за идната влада. – Штотуку остварив кратка средба со лидерот на ВВ Албин Курти, во обид да се имплементираат резултатите од Општите избори од 6 октомври минатата година. (…) Потребата од формирање Влада е од витален интерес за државата и граѓаните на Косово. Г. Курти денеска не беше спремен да понуди предлог за мандатар од Движењето Самоопределување, напиша Тачи. Тој порача дека, како претседател на државата, ќе го употреби „уставниот и законски авторитет за зачувување и негување на политичкото и граѓанското единство и евроатлантската ориентација на косовската држава“. – Затоа решив да му понудам на г. Курти дополнително време од 48 часа за номинирање на кандидатот/кандидатката за иден премиер на Владата на Република Косово, пред да ги преземам следните уставни и законски дејствија, порача Тачи. Курти по состанокот во кабинетот на Тачи изјави за медиумите дека имале „кратка консултативна средба без правни ефекти“. – Ова беше кратка консултативна средба без правни ефекти во врска со наредната фаза на формирањето на институциите. Претседателот побара ние да изнесеме предлог и за ова негово барање јас ќе го известам Претседателството на ВВ, изјави Курти. Тој порача дека ќе се сретне со Демократскиот сојуз на Косово (ЛДК), како единствен можен партнер за формирање на новата влада, кога и да се согласи таа партија. Курти изјави дека во моментов ја исклучува опцијата на нови парламентарни избори и дека негова примарна цел е да го направи Косово со нова Влада. Сепак, порача тој, „ВВ е во секое време подготвено да влезе во нов изборен натпревар“.

Ова открива дали некој имал секс: На лицето се познава и 48 часа по сексуалниот однос

Дарко Андоновски — Sun, 14 Jan 2018 20:40:42 +0000

Општо познат факт е дека после добар секс блескаме, и тоа буквално. Тоа е природен сјај кој тешко може да се објасни со зборови, но еден поглед е доволен за да се забележи таква личност и сите колеги и пријатели знаат што се случило синоќа. Тоа не е ни малку случајно, затоа што најновото истражување објавено во списанието „Psychological Science“ покажало дека по добар секс сјајот трае 48 часа. Покрај добариот секс, овој израз на лицето сведочи и на општото ниво на среќа во врската. Научниците потврдиле и дека може да сјаат луѓето кои се во врска а немаат секс секој ден, но имаат исполнета врска и искрено се сакаат.