5 – Kurir.mk

ВМРО-ДПМНЕ: СДСМ да ги прифати амандманите на ВМРО-ДПМНЕ со цел трајно намалување на ДДВ – то за струја од 18% на 5%

Тале Кристо — Tue, 06 Jul 2021 06:54:53 +0000

СДСМ манипулира со намалувањето на ДДВ – то за струја од 18% на 5%, мерка која е планирана да трае една година. Наместо половични решенија, а имајќи ги во предвид се полошите економски услови на граѓаните и инфлацијата, ВМРО-ДПМНЕ предлага намалувањето на ДДВ – то за струјата од 18% на 5% да биде од траен карактер, а не 1 година како што предлага СДСМ, велат во партиското соопштение од ВМРО-ДПМНЕ. Граѓаните ќе бидат погодени од зголемувањето на цената на струјата и едногодишно намалување на ДДВ нема да им помогне многу, затоа што веќе од догодина ќе го почувствуваат ударот на поскапувањето. Дополнително мерката треба да важи и за компаниите, односно за индустријата, а не само за домаќинствата. СДСМ ја доведе целата држава во егзистенцијална криза и затоа мерките мора да бидат општи и инклузивни за сите. ВМРО-ДПМНЕ апелира амандманите на ВМРО-ДПМНЕ во насока на трајно намалување на ДДВ – то за струја од 18% на 5% да бидат прифатени, бидејќи тоа е од интерес на граѓаните. Време е за Македонија за сите луѓе!, се вели во соопштението на ВМРО-ДПМНЕ.

Се очекува поскапување на струјата, ВМРО-ДПМНЕ нуди намалување на ДДВ-то од 18 на 5% на електричната енергија

Тале Кристо — Wed, 26 May 2021 11:16:06 +0000

Се очекува поскапување на електричната енергија во Република Македонија, а причината за тоа АД ЕЛЕМ и АД МЕПСО станаа загубари и натрупаа милионски долгови. Имено, државните електрани на крајот на март годинава должеле кон сите доверители, каде влегуваат и приватни фирми, но и институции од јавниот сектор, односно во бројки 6.079.544 евра. Во 2017 година АД ЕЛЕМ беше во одлична техничка и финансиска состојба, со реновирана главна опрема во термо и хидро централите, со финансиска резерва од 20 милиони ЕВРА, без долгови кон никого и сите финансиски обврски према странски и домашни доверители исполнети, а во моментов оваа компанија ги истрошила сите ресурси и затоа се очекува и поскапување на електричната енергија, со што власта како и секогаш порано ќе удри врз грбот на граѓаните. Дека се очекува поскапување на струјата неодамна во едно интервју потврди и премиерот Зоран Заев. Тој нагласи дека граѓаните треба да знаат дека сите инвестиции кои државата ќе ги прави во фотоволтаици, ветерници, гасни централи ќе чинат пари. -Сакаме зелена енергија, ќе поскапува и цената на струјата. Развиваме програми во кој што ќе создадеме фонд за обновливи извори. Следуваат сериозни предизвици, климатските промени си го носат своето, мора да бидеме составен дел од светот, имаме амбиција рамо до рамо со ЕУ, па дури и да бидеме порано од нив во делот на затворењето на РЕК Битола, Осломеј – рече Заев. ВМРО-ДПМНЕ исто така во 2017 година на новата Влада предводена од СДСМ и Зоран Заев му остави готови и спремни проекти за реализација на санација на електростатските филтри во РЕК Битола со затворена финансиска конструкција, готови проекти за решавање на проблемот со десулфуризација на издувните гасови, објавен тендер за помошна рударска механизација за РЕК Битола, модернизирани генератори, турбини и два котли во РЕК Битола, откриен јаглен за непречена работа на РЕК Битола за следните 7 месеци, одобрена физибилити студија и средства за рехабилитација на трета фаза на големите хидроцентрали, завидна резерва на вода во акумулациите за работа на хидроцентралите и многу други проекти, но недомаќинското работење на власта државните електани станаа загубари, а цената за неодговорноста на надлежните и одговорни лица треба да ја плаќаат граѓаните на Република Македонија. Опозициската ВМРО-ДПМНЕ и овој пат нуди друго решение, односно намалување на ДДВ-то од 18% на 5%, а на сметка на електричната енергија, а со цел да да се намали и ценовниот шок од поскапување на струјата, од која најмногу ќе бидат засегнати граѓаните.

Ново поскапување на дел од цигарите од 5 до 10 денари

Тале Кристо — Wed, 03 Mar 2021 12:36:04 +0000

Дел од цигарите во продавниците поскапеа од 5 до 10 денари. Така цигарите „жаде“ и „лаки страјк“ од 95 денари за кутија, сега се продаваат по 100 денари, а цената на „ротманс“ се зголеми од 100 на 110 денари. Дистрибутерите на цигари велат дека зголемувањето на цените на домашниот пазар се должи на тоа што производителите ги зголемиле цените. – Цигарите со кои ние работиме поскапеа 5 денари, како резултата на зголемената цена од добавувачите и ова поскапување не се должи на зголемена акциза, таква нова корекција може да се очекува во јули – велат од „Еуротабак“. Според Законот за акцизи, акците за цигарите постепено се зголемуват во периодот од 2013 година до 2023 година. Акцизата на цигари сега изнесува 2,453 денари по парче (тежина по парче е просечната тежина на 1.000 парчиња без филтер и додаток) и 9 проценти од малопродажната цена по кутија. На 1 јули, ќе има ново зголемување на цените на сите цигари, и тоа ќе биде резултат на зголемувањето на акцизата. „Од 1 јули 2016 година заклучно со 1 јули 2023 година стапките на наспецифичната и на минималната акциза на цигарите се зголемуваат за 0,20 денари по парче на 1 јули во секоја година“, информират од Министерството за финансии.

Пет затворени угостителски објекти во изминатата недела, два од нив во новогодишната ноќ

Тале Кристо — Tue, 05 Jan 2021 13:53:57 +0000

Споредено со периодот од 21 до 27 декември, кога беа затворени 13 угостителски објекти, за повеќе од 60 проценти е намален бројот на угостителски објекти кои биле затворени во минатата недела, од 28 декември до 3 јануари. Затворени се пет, а два од нив за време на новогодишната ноќ – еден во Струмица и еден во Битола. Државниот пазарен инспекторат ги спровел контролите во соработка со МВР. Претседателката на Инспекцискиот совет Магдалена Грашковска на прес-конференција соопшти дека во наведениот период (28 декември – 3 јануари), ДПИ извршил 4652 контроли и 278 надзори поврзани со почитување на протоколите за работа на угостителските објекти и со законите по кои постапува овој инспекторат. -Изречени биле 35 прекршочни пријави, 24 решенија за констатирани неправилнсти и 16 прекршочни платни налози. Од 24-те решенија, пет се донесени за непочитување на Законот за заштита на населението од заразни болести и протоколот за работа на угостителските објекти – по два во Битола и Тетово и за еден во Струмица, каде што не се почитувало работното време и ограничувањето за четири лица на една маса. Во сите случаи е изречена забрана за вршење дејност, тие се затворени за работа на самото место и дополнително се изречени соодветни прекршочни платни налози, рече Грашковска. Директорот на ДПИ Стојко Пауновски во одговор на новинарско прашање соопшти дека двата угосителски објекта во Битола се затворени – едниот, на 3 јануари, поради пречекорување на работното време по 18 часот, и ќе биде затворен десет дена. Другиот објект е казнет 30 работни дена зашто во него на новогодишната ноќ имало забава со многу повеќе луѓе отколку што би собирал во нормални услови. Согласно Закон за прекршоци, ќе биде изречена и глоба. Пауновски во одговор на новинарско прашање рече дека очекува оваа година Инспекторатот да има нови вработувања зашто според договорот со Владата и во рамки на дозволениот буџет за плати, ќе вработат инспектори на местото на тие што се пензионираат. -Нашето барање беше околу 20 луѓе да примиме во 2020 и 2021. За оваа година имаме најавени 32-33 пензионирања, што значи бројката од 20 нови примања ќе ја спроведеме. Дел од кусокот на вработени инспектори во ДПИ во овој период го пополнивме со преземање други административни службеници, рече Пауновски во одговор на новинарско прашање на прес-конференцијата на Инспекцискиот совет.

Пронајдена бомба тешка 5,5 тони од Втората светска војна, планирана е евакуација на околу 42.000 жители

Дарко Андоновски — Sun, 22 Sep 2019 08:08:05 +0000

Властите во северозападниот дел на Полска планираат евакуација на околу 42.000 луѓе откако е пронајдена огромна сеизмичка британска бомба од Втората светска војна. Бомбата е пронајдена во близина на пристаништето Шчечин. Бомбата „толбој“ тешка 5,5 тони и долга шест метри била пронајдена за време на работа на водовод кој води до Шчечин.

Не доаѓале на работа, а примале плата: Штета од 5,6 милиони евра

Дарко Андоновски — Fri, 15 Feb 2019 17:09:16 +0000

Против 45 вработени во локалната управа на Будва и јавните претпријатија ќе биде покрената дисциплинска постапка и ќе им биде даден отказ, бидејќи подолг период не доаѓале на работа. – Тој проблем го наследивме од претходната власт, а во екстремни примери трае од 2005 година, што општинската каса ја чинело многу пари. Ако се направи пресметка на заработувачката во последните 10 години, општината со јавните претпријатија недоаѓањето на работа ги чинело досега најмалку 5,6 милиони евра, изјави потпретседателот на Општина Будва, Владимир Булатовиќ. Станува збор за вработени, кои просечно имаат по седум години работен стаж, а отсуството од работа не го оправдале на било кој од пропишаните начини. Булатовиќ истакна дека неговиот мотив да се занимава со неоправданото отсуство од работа е со цел да се заштити големиот број вработени кои совесно, одговорно и професионално ја извршуваат својата работа. – Според некои податоци, најмалку случаи за отсуство од работа има во општината, а најмногу во јавните претпријатија. Одговорноста за организација на работата е на секретарите, шефовите на служби и другите одговорни лица, нагласи потпретседателот на општината Будва. Тој побара од вработените, кои, според него, од некакви причини не можат адекватно и одговорно да ја извршуваат својата работа, да ја искористат можноста и да добијат отпремнина.