50 милиони евра – Kurir.mk

Милан нема намера да го продаде Лео за помалку од 50 милиони евра

Тале Кристо — Mon, 12 Apr 2021 08:36:17 +0000

За напаѓачот на Милан, Рафаел Лео, се заинтересирани неколку екипи пренесува „Калчомеркато“. Според италијанскиот медиум, 21-годишниот Португалец најмногу го бараат Евертон и Јувентус. Во исто време се известува дека Милан нема намера да се раздели од играчот за помалку од 50 милиони евра. Во тековната сезона, Ле има одиграно 33 натпревари на сите турнири, на кои постигна 7 гола и направи 5 асистенции. По 30 кола, Милан е втор на табелата во Серија А со големи шанси по подолго време да обезбеди учество во Лигата на шампионите.

„Гугл“ во Франција казнет со 50 милиони евра

Тале Кристо — Fri, 19 Jun 2020 18:54:55 +0000

Највисокиот суд во Франција, Државниот совет ја потврди пресудата на понизок суд со која му нареди на „Гугл“ да плати казна од 50 милиони евра поради тоа што не бил „доволно јасен и транспарентен“ во однос на правата на корисниците на „Андроид“ за заштита на податоците. Гугл беше казнет за првпат во јануари 2019 година, веднаш по влегувањето во сила на новата европска политика за приватност донесена во 2018 година, но американската компанија ја обжали оваа пресуда до Државниот совет, највисокото судско тело во Франција, кој донесе конечна одлука дека Националната комисија за заштита на податоците има право да го санкционира американскиот гигант и да го казни 50 милиони евра. Во образложението се наведува дека казната „не е непропорционална со оглед на посебната тежина на повредата и одложувањето на плаќањето од страна на Гугл“. Американската компанија објави дека ќе се вклучи во промени во политиката на корисници.

Во Италија запленет хашиш во вредност од 50 милиони евра

Дарко Андоновски — Sat, 18 May 2019 07:24:11 +0000

Италијанската полиција во близина на островот Маретимо, западно од Сицилија, заплени 5.474 килограми хашиш, чија вредност е проценета на 50 милиони евра. Дрогата била откриена на 12-метарска едрилица, што пловела под турско знаме. Акцијата е спроведена по дојава од француската полиција, која ги информирала италијанските колеги дека едрилицата испловила од алжирското пристаниште Оран. Ова е шест брод кој превезува дрога, што италијанската полиција од минатото лето го запленува во Средоземното Море во реонот на Сицилија.

Јувентус е подготвен да плати за Ковачиќ 50 милиони евра

Дарко Андоновски — Tue, 29 May 2018 12:03:29 +0000

Хрватот од Реал, Матео Ковачиќ може да се врати во Италија. Според „Газета дело Спорт“ сериозен интерес за Ковачиќ пројавил Јувентус. Според изворот, италијанскиот шампион е подготвен да плати за Ковачиќ 50 милиони евра. Останува да се почека одговорот од Реал, дали ќе ја прифати оваа сума за превремен раскин на договорот со својот фудбалер. И самиот Ковачиќ е подготвен да ја разгледа можноста да се пресели во друг клуб, бидејќи во Реал не доби поголема минутажа.

Ајакс бара 50 милиони евра од Дортмунд за младиот Нерес

Дарко Андоновски — Fri, 11 May 2018 07:14:31 +0000

Напаѓачот на Ајакс, Давид Нерес, е предмет на сериозен интерес на Борусија Дортмунд, но германскиот клуб ќе мора да извади огромна сума, ако сака да го добие неговиот потпис. Според информациите, од „Сигнал Идуна Парк“ направиле понуда од 30 милиони евра за Бразилецот, но Ајакс нема да го продаде за помалку од 50 милиони. Дваесет и едно-годишниот Нерес имаше одлична сезона. Тој постигна 14 гола и даде 11 асистенции во 32 натпревари одиграни во Ередивизи. Ајакс го привлече Нерис во почетокот на 2017 година од Сао Паоло за 12 милиони евра.