50 нијанси сиво – Kurir.mk

Од 14 години се бори со овој проблем: Ѕвездата на „50 нијанси на сиво“ до крајот на животот ќе оди на овие терапии

Дарко Андоновски — Mon, 01 Feb 2021 13:22:12 +0000

Американската глумица Дакота Џонсон, која се прослави со улогата на Анастасија Стил во филмот „50 нијанси сиво“ во книга на британската авторка Е.Л. Џејмс, искрено говори за нејзината долгогодишна борба со депресијата. Дакота е ќерка на познатите глумци-ветерани Дон Џонсон и Мелани Грифит. Во ТВ-емисијата на Дру Баримор, таа открива дека уште на 14-годишна возраст пошла на психотерапија поради тој нејзин проблем. „Веројатно ќе треба да одам на терапија до крајот на мојот живот, но тоа е добро затоа што учењето за еден човек никогаш не престанува. Благодарна сум ѝ на психологијата затоа што тоа навистина ми помага. Јас сум среќна што сум опкружена со луѓе кои постојано ме поттикнуваат да се отворам кон светот, да ги разберам своите проблеми и да се истражувам себеси подлабоко, вели младата глумица. Таа натаму вели и дека за време на карантинот поради пандемијата, таа интензивно ѝ се посветила и на интернет-психологијата за да се справи со својата депресија. Актерката во мигов е актуелна со новиот филм „Наш пријател“, во кој глумеше заедно со Кејси Афлек. Таа, покрај тоа, е во среќна врска со Крис Мартин – пејачот на поп-групата „Колдплеј“ и поранешен сопруг на Гвинет Палтроу.

Оваа убавица требало да глуми во „50 нијанси сива“, но еве зошто одбила

Ивана Ефремовски — Fri, 31 May 2019 08:33:08 +0000

Телевизиската и филмска ѕвезда Емилија Кларк ја одбила главната улога во филмот „50 нијанси сива“ поради сцените со голотија и секс. -Последен пат кога бев гола пред камера (како Денерис во „Игра на престоли“) беше пред неколку години, и тоа е сè уште едно од главните нешта по кои сум позната и ме прашуваат, и тоа само затоа што сум жена. Многу ме нервира. Јас го направив тоа поради ликот што го толкував, а не за мажите да ги гледаат моите гради!, изјави Кларк за НМЕ. Таа натаму додава и дека глумењето во филм каде што фокусот е на сексот и голотијата само би го пренагласил нејзиниот надворешен изглед и би ги засенил другите квалитети, кои нејзе и се побитни. (МИА)

ВИДЕО: Смешната страна на „50 нијанси сиво“, еве ги нивните грешки

Ивана Ефремовски — Fri, 09 Feb 2018 18:01:23 +0000

Џејми Дорнан и Дакота Џонсон се враќаат како Кристијан Греј и Анастасија Стил во „Педесет нијанси ослободени“, базиран на светскиот феномен – бестселерот „Педесет нијанси“. На последното поглавје, му претходат блокбастерите од 2015 и 2017 година, филмови кои надминаа заработка од 950 милиони долари на светските благајни. Филмот ни пристигнува во очи Денот на вљубените. На големото платно ќе ги видиме најубавите сцени од ова продолжение, но пред да пристигне истото, погледнете колку им е забавно на актерите. Во видеото во продолжение се прикажани дел од грешките на сет.

Бременост, љубов и борба за живот: Бура од емоции во филмот кој сите жени го очекуваат

Ивана Ефремовски — Wed, 03 Jan 2018 13:58:36 +0000

Новиот трејлер за „Fifty Shades Freed“ најавува свадба, меден месец, нов дом, борба за живот и бременост во љубовната приказна на Анастастија Стил (Дакота Џонсон) и Кристијан Греј (Џејми Дорнан). Премиерата на последното продолжение од трилогијата „Fifty Shades“ е закажана за 8 февруари. Адреналинот, страста и стравот се кренати на највисоко ниво. Жените ширум светот со нетрпение го очекуваат моментот, а во видеото во продолжение погледнете што може да очекувате.