50 загинати – Kurir.mk

Се урна патнички авион близу Џакарта, најмалку 50 загинати

Тале Кристо — Sat, 09 Jan 2021 11:51:35 +0000

Повеќе од 50 патници загинаа во авионска несреќа близу Џакарта, јавија локалните медиуми. Авион на авиокомпанијата Сривиџава ер се урна неколку минути по полетувањето од аеродромот во Џакарта. Авионот се урнал од висина од околу три километри за помалку од една минута. Станува збор за авион Боинг 737-500, а властите најавија дополнителни информации за несреќата.

Најмалку 50 луѓе настрадаа во монсунско невреме во Пакистан

Дарко Андоновски — Sun, 09 Aug 2020 12:42:09 +0000

Најмалку 50 луѓе настрадаа во текот на тридневните обилни врнежи од дожд, поплави и лизгање на земјиштето во Пакистан, соопштија властите на земјата. Како што пренесуваат странските агенции, секоја година многу пакистански градови се обидуваат да се справат со монсунските поплави, што ги става пакистанските власти под постојани критики за лошо планирање на инфраструктурата. Сезоната на монсуните трае од јуни до септември, а во овој период поплавите предизвикуваат голема штета на земјоделството и инфраструктурата. Дождовите оштетија околу 100 домови и предизвикаа поплави во провинцијата Синд, поради што премиерот Имра Кан нареди војската да се вклучи во спасувачките операции, која од неодамна ги користи бродовите на морнарицата за спасување и евакуација на загрозените. Според прогнозата на метеоролозите, обилните врнежи од дожд ќе продолжат и во текот на следната недела.

Најмалку 50 лица загинаа во пожарите во Калифорнија

Дарко Андоновски — Wed, 14 Nov 2018 10:25:43 +0000

Неколку илјади американски пожарникари седми ден се борат со големите шумски пожари во Калифорнија, додека спасувачките тимови се обидуваат да ги пронајдат телата на евентуално новите жртви од огнената стихија, која веќе зеде најмалку 50 животи.

Откриени се тела на уште шест лица во Парадајз, град кој е речиси целосно изгорен и од каде се 48 од 50 жртви.

На северот на државата, пожарот наречен „Камп Фајр“ уништи 50.600 хектари, а совладен е само во ниво на 35 отсто, покажуваат податоците на калифорниските пожарникари. Повеќе од 6.500 куќи и 260 продавници изгореа од минатиот четврток, кога почна да се шири пожарот. Повеќе од 5.100 пожарникари се распоредени за гаснење на тој пожар, најсмртоносен во историјата на Калифорнија. Неколку стотици километри појужно, пожарот „Вулси фајр“ уништи 39.300 хектари во близина на Лос Анџелес, каде загинаа најмалку две лица. До вчера беше угасен само во ниво од 40 отсто. Речиси 3.600 пожарникари се борат со огнената стихија која ги уништи домовите и на неколку славни личности. Повеќе од 250 илјади лица добија наредба да ги напуштат своите домови во поширокото подрачје на сакраменто, како и во Малибу и околината. Засега не се утврдени причините за двата пожари.