500 евра – Kurir.mk

„Гатачка“ измамила кумановка за 500 евра

Тале Кристо — Tue, 08 Dec 2020 15:57:19 +0000

На 07.12.2020 во 18.00 часот во СВР Куманово, 24-годишна жена од Куманово пријавила дека била измамена од С.Н. од Штип за сума од околу 30.000 денари. Според пријавеното, таа во октомври на социјалната мрежа „Фејсбук“ прочитала објава „жена што помага на луѓе“ и стапила во контакт со неа. Исто така, според пријавеното, 24-годишната жена во повеќе наврати по брза пошта ѝ праќала пари и златен накит на штипјанката, но по некое време С.Н. не била достапна, по што пријавителката заклучила дека била измамена. Се работи на расчистување на случајот.

Предлог казни од по 500 евра за девет лица кои не го почитувале полицискиот час во Штип

Дарко Андоновски — Tue, 09 Jun 2020 09:29:22 +0000

Основното јавно обвинителство Штип до судот поднесе предлози за издавање казнени налози во висина од по 500 евра против девет лица кои не го почитувале полицискиот час. Обвинетите во одделни кривично правни настани за време на полицискиот час биле затекнати како недозволено се движат на различни локации. – Обвинителството со нив достави предлог до Основниот суд Штип на обвинетите да им биде изречена парична казна од по 50 дневни глоби, секоја од нив во висина од 10 евра во денарска противвредност, стои во соопштението од ОЈО. Сите се товарат дека го сториле кривичното дело – Непостапување според здравствените прописи за време на епидемија од член 206 став 1 од Кривичниот законик.

ОЈО Струмица предложи казни од по 500 евра за 25 лица за непочитување на полицискиот час

Тале Кристо — Mon, 04 May 2020 13:57:17 +0000

Основното јавно обвинителство Струмица до струмичкиот Основен суд поднесе предлози за издавање казни во висина од по 500 евра за 25 лица кои непостапувале според здравствени прописи за време на епидемија. – Обвинетите не ги почитувале одлуките и мерките на Владата на Република Северна Македонија со кои се забранува движење на населението на територијата на државата. Со тоа, секој од нив, во одделни кривично правни настани, не постапил согласно прописите за сузбивање или спречување на опасната заразна болест предизвикана од коронавирусот, поради која е прогласена пандемија, се вели во соопштението од ОЈО. Сите се товарат за сторено кривично дело „непостапување според здравствени прописи за време на епидемија“ од член 206 став 1 од Кривичниот законик. Основното јавно обвинителство Струмица за секој од обвинетите предложи судот да изрече парична казна во висина од по 50 дневни глоби, а секоја дневна глоба да е во висина од по 10 евра во денарска противвредност.

Заев заборави да ги облече железните опинци, граѓаните се уште чекаат 500 евра просечна плата

Ивона Петрова — Mon, 21 Oct 2019 09:31:59 +0000

Ниту ветувањата, ниту железните опинци не му помогнаа на премиерот Зоран Заев да го оствари зборот даден кон граѓаните за 500 евра просечна плата во Македонија. Чести милионски задолжувања, најави за раст на јавниот долг, најниска просечна плата во регионот станаа реалност, наместо „подобар живот за граѓаните“ кој Заев ветуваше дека ќе го донесе. Според податоците од Државниот завод за статистика на Македонија, објавени минатиот месец, македонската просечна нето плата во мај изнесува 25.270 денари односно 410 евра. Во јануари годинава премиерот Заев на трибина беше дециден дека ако е потребно и железни опинци ќе облече, ама просечна плата од 500 евра во Македонија, ќе има. Очигледно има само лажно ветување. -Дојдовме до просечна плата од 400 евра. Железни опинци ќе облечам, 500 евра плата просечна во Македонија ќе има, истакна Заев. Просечната месечна нето плата во Словенија изнесува 1.108 евра и тоа е единствена плата во земјите во регионот која го надминува „магичниот износ“ од 1.000 евра. Во Хрватска просечната плата изнесува 886 евра, потоа следат Црногорците со 516 евра месечно, и Босна и Херцеговина со 472 евра месечно, а Србија има просечен приход од 471 евра. И Косово, која во 2008 година ја усвои декларацијата за независност, исплаќа повисока просечна плата од Македонија - 442 евра. Просечната плата во Албанија е 378 евра.

Грчки остров ви нуди бесплатна куќа, храна, земја и 500 евра месечно

Дарко Андоновски — Mon, 24 Jun 2019 08:30:49 +0000

Прекрасниот грчки остров во јужниот дел на Пелопонез – Антикитера официјално има само 20 жители. Поради фактот што се намалува бројот на луѓе и фактот дека сè ќе биде уништено без нив, Грците нудат куќа, парче земја и 500 евра за сите што ќе сакаат да се преселат во него. Високи карпи со поглед кон морето, скриени заливи и пештери што треба да се откријат, малото село има бујна вегетација која шири мириси на рузмарин и лаванда. Во близина е Крит од кој со траект може да стигнете за два часа. Антикилера е прилично дива, со недопрена природа, а морето е кристално чисто и совршено за нуркање. На островот има само три села во кои доминираат претежно бели куќи и тесни улици, но има и неколку таверни и продавници.

Хајредини: Високи владини функционери на СДСМ не знаат како да стигнат до 500 евра плата

Дарко Андоновски — Tue, 05 Feb 2019 09:03:02 +0000

Поранешниот министер за финансии Џевдет Хајредини во емисијата Топ Тема на Ваша страна откри дека ниту на високи партиски функционери од СДСМ не им било јасно како ќе ја зголемат платата на 500 евра која што толку долго ја најавува премиерот Зоран Заев. Како што рече Хајредини, во предизборниот период кога бил на неформална средба со двајца високи функционери од кој едниот заменик министер во владата а другиот советник, не откривајќи ги нивните имиња ги прашал како ќе се постигне тоа плата од 500 евра, на што и двајцата му одговориле дека не знаат. -Имав прилика со двајца мои колеги, другари кои се во СДСМ, кои се функционери, едниот е заменик министер, а другиот советник, пишуваа програма на СДСМ и им реков абе што ви треба ова 500 евра плата во капиталистичко-приватно стопанство. Како ќе обезбедите вие и како прогнозирате колку ќе биде платат? Може ќе биде и 600, но тоа е работа на капиталистот. Капиталистот и кога заработува не им ја дава на работниците. На работниците им даваш колку е цената на трудот на пазарот, а не колку е твојата добивка, објаснува Хајредини. Па види чудо, еве ова ќе го кажам иако ми се налутат, тие двајца се погледнаа еден со друг и едниот вели јас не знам, другиот вели ни јас не знам. Ги прашав па кој знае, добјаснува тој. Со ова уште еднаш се докажува дека граѓаните нема да ја добијат ветената плата од 500 евра од страна на Владата на СДСМ и премиерот Заев, односно дека нивната програма е само празно слово на хартија и големо предизборна лага.

Банкнотата од 500 евра заминува во историјата

Дарко Андоновски — Thu, 03 Jan 2019 15:11:11 +0000

Седумнаесет од 19 централни банки во еврозоната од 27 јануари повеќе нема да издаваат банкнота од 500 евра, соопшти Европската централна банка (ЕЦБ). За да се обезбеди непречена транзиција, но и од логистички причини, Централната банка на Германија (Бундесбанка) и Централната банка на Австрија ќе продолжат до 26 април оваа година да ја издаваат таа банкнота. Постоечките банкноти во апоени од 500 евра ќе продолжат да бидат законско платежно средство, што значи дека граѓаните и понатаму ќе можат да ги користат за плаќање или за штедење. Банките, менувачниците и другите комерцијални странки, како што соопшти ЕЦБ, ќе можат да ги зачуваат во оптек постоечките банкноти од 500 евра. Банкнотата од 500 евра секогаш ќе ја задржи својата вредност и ќе може во секој момент да се замени во која било банка во еврозоната.

За пукање петарди на Нова година казна до 500 евра

Дарко Андоновски — Thu, 13 Dec 2018 18:17:11 +0000

Министерството за внатрешни работи апелира до граѓаните за време на празниците да не употребуваат петарди и други пиротехнички средства. Согласно Законот за прекршоци, против јавниот ред и мир на лице кои неовластено пука од огнено оружје, употребува пиротехнички средства или сличен експлозивен или лесно запалив материјал, или на сличен начин го нарушува мирот и безбедноста на граѓаните ќе му биде изречена глоба во износ од 200 до 500 евра во денарска противвредност. – Нема да се толерира и најстрого ќе се казнува препродавањето и употребата на пиротехничките средства, извести полицијата. Согласно Кривичниот законик, тој што неовластено изработува, држи, продава, набавува или врши размена со огнено оружје, муниција или експлозивни материи, ќе се казни со затвор од три до десет години.