5г – Kurir.mk

АЕК на јавен состанок ќе додели одобренија за 5Г

Ивона Петрова — Mon, 11 Jul 2022 05:41:03 +0000

Агенцијата за електронски комуникации (АЕК) денеска на јавен состанок ќе додели одобренија за петтата мобилна генерација 5Г. На агендата на првиот јавен состанок на АЕК годинава покрај воведувањето на 5Г во државава, се и теми за роамингот во Западен Балкан и напорите за обезбедување поевтин роаминг со ЕУ, сајбер безбедноста како и за заштита на правата на крајните корисници на електронски комуникациски услуги. Според одлуката на АЕК претходно ја утврди најниската висина на еднократниот надомест и начинот на плаќање за добивање одобрение за користење радиофрекфенции од радиофрекфенциксите опсези 700 MHz И 3.x GHZ. Еднократниот надомест за одобренијата А2 и А3 изнесува 5,25 милиони евра, а по 2,9 милиони евра за Б2 и Б3. По 10,8 илјади евра е надоместот за одобренијата Б41, по 5,4 илијади евра за Б44 и Б45, а по 6,3 илјади евра за Б46. Писма за искажување интерес на објавената намера за спроведување постапка на јавен тендер со јавно нададавање до АЕК доставија Неотел, А1 Македонија и Македонски Телеком. На 25 ноември лани АЕК објави тендер за доделување одобренија за користење радиофрекфенции за петтата мобилна генерација 5Г, но беше прекинат по постапката на Комисијата за заштита на конкуренцијата (КЗК) откако беше поднесена претставка на една од заинтересираните страни, во која се тврди дека со дел од понудените услови за влез на нов мрежен оператор се нарушува конкуренцијата на пазарот.

Канада го забрани достапот на „Хуавеј“ до 5Г мрежите

Ивона Петрова — Fri, 20 May 2022 06:34:01 +0000

Владата на канадскиот премиер Џастин Трудо одлучи да го забрани пристапот на кинеската меѓународна корпорација „Хуавеј технолоџис“ – најголемиот светски производител на комуникациска опрема, до следната генерација мобилни мрежи во Канада. Развојот на 5-Г мрежата, тн. мрежи од „петтото поколение“, ќе им овозможи на корисниците побрзи интернет-врски. Тоа ќе обезбеди огромен капацитет за податоци како одговор на сѐ поголемата побарувачка на тоа поле, бидејќи сѐ повеќе работи се поврзани на интернет и се појавуваат иновации како виртуелната реалност, сѐ пософистицирани видеоигри и самоуправувачки возила. Одлуката ја потврди и портпарол на министерот за јавна безбедност на Канада.

13 македонски градови подготвени за 5Г

Тале Кристо — Tue, 18 Jan 2022 10:33:19 +0000

Досега 13 градови во Македонија се подготвени за 5Г, а до крајот на месецов, со опрема од најновата генерација ќе бидат покриени и регионите на Струмица и Радовиш, соопшти денеска компанијата Македонски Телеком. Оттаму наведуваат дека со континуирани инвестиции и интензивна работа на терен, се поставува напредна комуникациска инфраструктура којашто ќе овозможи гигабитни брзини и подобри технолошки капацитети за корисниците. Македонски Телеком најавува дека до средината на оваа година, поголемиот дел од населението во урбаните средини ќе може да користи 5Г услуги, што, како што се посочува, е цела година пред очекувањата запишани во националната стратегија. – Телеком ќе понуди 5Г услуги веднаш по добивањето на одобренијата за користење радиофреквенции од Агенцијата за електронски комуникации. Големите брзини и капацитети на новата 5Г мрежа ќе донесат револуција во корисничкото искуство, молскавично брзо споделување содржини и мала латентност. Оваа технологија ќе биде движечка сила за развојот на нови фукционалности и досега невидени услуги и производи коишто ќе ни го поедностават и подобрат животот во сите сфери. Користењето на сите напредни функционалности од оваа мрежа ќе се одвива постепено во текот на наредните години заедно со растот на можностите на новите технологии, посочуваат од Македонски Телеком.

Четири компании искажале интерес за учество на тендерот за 5Г

Ивона Петрова — Mon, 12 Jul 2021 05:49:52 +0000

Компаниите Неотел, Битстрим Мобиле, Македонски телеком и А1 Македонија до Агенцијата за електронски комуникации (АЕК) испратиле писма за искажување интерес за учество на тендерот за доделување одобренија за користење радиофрекфенции за петтата мобилна генерација 5Г, што треба да го објави регулаторното тело. Неотел искажува интерес за одобренија: В41, В44, В45 и В46, Битстрим Мобиле за одобренија А1 и В1, А1 Македонија за Одобренија: А2, А3, В2 и В3, а Македонски Телеком за одобренија: В2, А2 и/или А3. Во прилог на писмата за искажување интерес, заинтересираните страни доставиле и предлози и коментари по однос на јавната расправа https://aek.mk/wp-content/uploads/2021/07/20210708-Rezultati-od-javna-rasprava.pdf -Имајќи ги во предвид Резултатите од јавната расправа по објавената Намера и пројавениот интерес за Одобренијата кои треба да се доделат, а во согласност со член 134 став (6) АЕК ќе објави јавен тендер со јавно наддавање, најавува АЕК. Регулаторното тело на 1 јуни годинава објави намера за спроведување постапка на јавен тендер со јавно наддавање за издавање ограничен број одобренија за користење на радиофреквенции и отвори јавна расправа која траеше до 5-ти месецов. Операторите што ќе добијат одобрение за национално покривање се должни со новоиздадените и постоечките одобренија за користење на радиофреквенции да обезбедат покриеност, согласно Националниот оперативен бродбенд план. Конкретно, до крајот на 2023 година најмалку еден град да биде покриен со 5G сигнал, а до крајот на 2025 година, главните коридори согласно Договорот за основање на транспортна заедница на основната и сеопфатна патна мрежа во државата да бидат покриени со непрекинат 5G сигнал. До крајот на 2027 година сите градови во државата да бидат покриени со непрекинат 5G сигнал, а до крајот на 2029 година, секој граѓанин да има можност за пристап до интернет преку 5G со минимална брзина на пристап до интернет од најмалку 100 Mbps

Кина започна со изградба на најголемата 5Г мобилна мрежа во светот

Магдалена Андонова — Mon, 19 Apr 2021 20:15:22 +0000

Кина започна со изградба на најголемата 5Г мобилна мрежа во светот, соопшти денеска кинеското Министерство за индустрија и информатичка технологија (МИИТ). Државата изгради вкупно 792.000 5Г базни станици до крајот на февруари годинава, а бројот на мобилни терминали приклучени на мрежата достигна 260 милиони, рече на прес-конференција Лиу Лиехонг, заменик министер на МИИТ, пренесе Xinhuanet.com Министерството, исто така, процени дека испораките на 5Г мобилни телефони во Кина ќе учествуваат со 80 проценти од вкупните пратки во втората половина на оваа година. Кинеската брзина на мобилна мрежа е рангирана на четвртото место меѓу 139 земји и региони, рече Лиу, повикувајќи се на податоци на Меѓународната агенција за брзина. Кина има намера да изгради повеќе од 600.000 5Г базни станици во 2021 година.

Кина ќе изгради повеќе од 600.000 базни станици за 5Г

Тале Кристо — Tue, 29 Dec 2020 08:05:01 +0000

Кина ќе изгради повеќе од 600.000 базни станици во 2021 година, соопшти кинеското Министерство за индустрија и информатичка технологија. – Кинеското Министерство за индустрија и информатичка технологија ќе ја подобри изградбата, покриеноста и спроведувањето на мрежата 5Г низ Кина во текот на 2021 година, изјави Ксијао Јакинг на прес-конференција. Тој доаде дека Министерството ќе работи на оптимизирање и надградба на мрежата, зголемување на бројот на корисници на повеќе од 200 милиони и борба против кршењето на правата и интересите на корисниците на апликациите.

АЕК распиша тендер за научна студија за влијанието на 4Г и 5Г мрежите врз здравјето и околината

Ивона Петрова — Fri, 27 Nov 2020 11:38:45 +0000

Агенцијата за електронски комуникации (АЕК) распиша меѓународен тендер за избор на компанија која ќе изработи научна студија „Влијанието на зрачењата од телекомуникациските уреди и технологии врз здравјето на луѓето и околината – животната средина која не опкружува (4Г, 5Г)“. Тендерот е објавен во Бирото за јавни набавки, а заинтересираните компании кои ќе ги исполнат бараните критериуми врзани за стручноста, искуството и експертизата, своите понуди ќе можат да ги доставуваат до 22 декември. Избраната компанија со која ќе биде склучен договор ќе има обврска во рок од шест месеци да ја изработи бараната студија која ќе биде и основа за понатамошните чекори кои ќе ги презема АЕК врзани за развој на безжичните телекомуникациски мрежи во земјава. -Веројатно ниту една технолошка револуција не поминала без да предизвика страв кај одредена категорија луѓе. Иако, реално, 5Г за обичниот граѓанин ќе значи само надградба на 4Г мрежата којашто сега е во функција, сепак во АЕК постојано пристигнуваат поплаки кои се мотивирани од страв од новата генерација 5Г мрежи и барања да се отстранат антени за кои граѓаните сметаа дека се од новата генерација, изјави Сашо Димитријоски, директор на АЕК. И мобилните оператори, додаде, имаат проблеми во поставувањето на антени за 4Г мрежа кои се инсталираат за подобра покриеност и подобри услуги. -Денес веќе е дојдена ситуација дотаму што секој нов предавател се смета дека е антена за 5Г мрежа. Па дури имавме ситуација каде две антени без запалени, веројатно од оние кои веруваат во опасноста од 5Г мрежата, кои сметале дека станува збор за такви антени. Затоа и решивме да распишеме меѓународен тендер за избор на компанија која ќе направи сеопфатно истражување, мерење и анализа за влијанието на 5Г мрежата врз здравјето на граѓаните. Веруваме дека со неа ќе имаме документ каде точно ќе се знае што е во интерес на граѓаните и како стојат работите со 5Г мрежата, посочи Димитријоски. Научната студија, како што е наведено во тендерската документација, треба да даде јасна слика за моменталната ситуација со влијанието на зрачењата од телекомуникациските алатки поткрепена со факти, да разработи методологија за мерење, лоцирање и спроведување на мерењата, да содржи анализи и извештаи врз база на добиените информации и извршените мерења. Со неа треба да бидат објаснети зрачењата кои ги создаваат телекомуникациските уреди, нивните гранични вредности на дозволена јачина на зрачење, дефинирано како максимално дозволено, за да не се премине прагот од нештетно во штетно зрачење по здравјето на луѓето како и заштита на околината. -Територијата на Македонија е покриена со 2Г ,3Г и 4Г мрежа, а операторите се во фаза на подготивкин за изградба на 5Г, понатаму и 6Г и други генерации на мрежи. Во јавноста се отвора дебата поврзана за влијанието на овие технологии врз здравјето и животната средина. Имајќи предив растот на создадениот страв во јавноста, потребно е да се покаже теоретски и практично дека изложеноста на радиофреквентни електромагнетни полиња (RF RFM) во различни микрооколини на постојните мобилни мрежи, вклучително и на новата 5Г мрежа, се во согласност со сите светски препораки, стои во документацијата. Научната студија треба да докаже и прикаже дали до денес постојат или се докажани некакви здравствени ризици од изложување на RF EMF зрачења, од јавните здравствени агенции и СЗО. Таа треба да опфати и теоретски објаснувања и видови на зрачења, европската регулатива, директивите од меѓународни организации за телекомуникации, приказ на развој на мобилните технологии, научни стандардизации како и примери од земји кои имаат 3,4 и 5Г режи и друго. Исто така, се очекува таа да даде и препорака за употреба и изградба на постојната и идната 5Г мобилна мрежа, каде да се изгради, растојание меѓу нив, како и проценка на ризик по здравјето како резултат на изложеност на EMF во различни микросредини.

Епл планира производство на 75 милиони 5-Г ајфони до крајот на годинава

Магдалена Андонова — Tue, 01 Sep 2020 10:20:41 +0000

Компанија Епл побара од своите ограноци да произведат најмалку 75 милиони 5Г ајфони во втората половина од оваа година, како и нови модели паметни рачни часовници, нови ајпад „Ер“ и помалиот „Хоум-под“. Американскиот технолошки гигант предвидува дека со тоа, испораките ќе достигнат до 80 милиони единици оваа 2020 година. Епл се подготвува за пуштање во продажба на две нови верзии „Епл воч“ и првите слушалки од брендот „Битс“. (MИА)

Измислените претпоставки околу 5Г создаваат вистински проблем

Тале Кристо — Tue, 30 Jun 2020 09:36:37 +0000

Нешто пред два часот по полноќ, в недела, минатиот месец, полицијата во британскиот град Дерби беше повикана на место каде што е поставена 5Г-кула. Велика Британија беше во карантин со цел да се бори против пандемијата, па и криминалците седеа дома. Но, некој ја запалил новопоставената телекомуникациска кула. Низ Велика Британија и низ други европски држави, 5Г кулите се цел на бизарен криминален бран, пишува „Форин полиси“. Сторителите се луѓе кои добиваа дезинформации преку Јутуб, Тик-ток, Фејсбук и Твитер, од страна на други корисници нои и на славн личности, и кои беа убедени дека технологијата 5Г предизвикува коронавирус и други опасности. Нападите ги наведуваат градските власти да се запрашаат дали воопшто да постават 5Г антени. Дезинформациите веќе не претставуваат само непријатност, туку и реален проблем. 5Г пироманите делуваат поради дезинформациите кои се доволно уверливи за да поттикнат повеќе луѓе низ Европа да ги напаѓаат кулите и работниците кои ги поставуваат. Според Европската асоцијација на оператори на телекомуникациски мрежи (ЕТНО) и според Глобалната асоцијација на мобилни оператори (ГСМА) биле подметнати 87 пожари во Обединетото Кралство, 30 пожари во Холандија, три пожари во Република Ирска и два во Шведска, додека слични инциденти имало и во Франција, Германија, Белгија, Италија и во Кипар, покажуаат податоците за перидот од јануари до јуни годинава. Теориите на заговор за 5Г главно промовираат дека технологијата го ослабува имунолошкиот систем што доведува до ризик од коронавирусот, како и дека вирусот се шири преку 5Г сигналот, или пак дека пандемијата служи за да се прикријат ефектите од изложеноста на 5Г. Ниедна од овие теории не е вистинита, но тоа не ги спречи славните личности, меѓу кои е и американскиот актер Вуди Харелсон, да ги шират. Лесно е да се отфрлат дезинформациите како непријатност, наместо како закана за националната безбедност. Движењето против вакцинацијата, кое исто така е поттикнато од дезинформациите ширени од страна на славните личности и социјалните медиуми, имаше удел во избивањето на заразата на морбили во САД минатата година, а се стравува и дека антиваксерите би можеле да предизвикаат ново избивање на коронавирусот ако се убедат себеси и другите дека евентуалната вакцина против ковид-19 е штетна. Но, ефектот од антикампањата за 5Г е поинаков. Штетата е видлива веднаш.

Американски фирми можат да соработуваат со Хуавеи на стандарди за 5Г

Ристе Здравков — Tue, 16 Jun 2020 09:14:47 +0000

Американските компании можат да соработуваат со Хуавеи за да воспостават стандарди за технологии од следната генерација, соопшти Министерството за трговија на САД. „Ова е важна одлука затоа што тоа значи дека американските компании ќе можат да учествуваат во формирањето стандарди, односно дефинирањето на технички детали и правила со кои се уредува работата на критичните технологии“, информира Си Ен Би Си.. Во мај 2019 година, Хуавеи беше ставен на американската таканаречена црна листа на компании, со што им се ограничува соработување на американски фирми со таа кинеска компанија и кои мораат да побараат дозвола за да ги продаваат своите производи на Хуавеи. Но, црната листа создаде забуна околу тоа дали американските фирми можат да се вклучат во разговорите за воспоставување стандарди и да учествуваат во организации, каде е присутен и Хуавеи.