Филипче тврди дека се вакцинирани околу 60.000 граѓани, од МЗ не го откриваат бројот на досега пристигнати вакцини

Тале Кристо — Thu, 29 Apr 2021 15:45:10 +0000

Министерот за здравство Венко Филипче денеска информираше дека во Република Македонија досега наводно биле вакцинирани околу 60 илјади граѓани против Ковид-19, а во меѓувреме од министерството со кое токму раководи одбиваат да дадат одговор за тоа „колку дози на вкцини против коронавирус до овој момент вкупно од сите производители се пристигнати во Македонија?“. Имено, министерот Филипче денеска по настан за донација од Словачка за Клиниката за детски болести, на новинарско прашање истакна дека во земјата досега биле вакцинирани околу 60 илијади граѓани. -Досега вкупно се вакцинирани околу 60 илјади граѓани, а во таа бројка се и постарите лица над 70 години и вработените во критичната инфраструктура, изјави Филипче. Од ваквите изјави на Филипче и со оглед на фактот дека секојдневно се информира дека вакцинацијата продолжува секој ден, единствено може да се заклучи дека во земјата пристигнати се повеќе од 60-70 илјади вакцини против Ковид-19. Но, доколку се направи една мала пресметка на сите досега пристигнати дози на вакцини против Ковид-19 во Македонија, со бројот вакцинирани граѓани за кој што тврди министерот Венко Филипче, не се совпаѓа. Односно, бројот на вакцини со кој што располага до овој момент Република Македонија е помал, освен ако Филипче во оваа бројка на вакцинирани ги внесува и граѓаните кои што се вакцинирале во соседна Србија. Бидејќи станува збор за јавен интерес од кој најмногу се засегнати граѓаните, Курир на двапати побара одговор од Министерството за здравство за тоа „Колкава е вкупната бројка на пристигнати вакцини против Ковид-19 (од сите производители) во Република Македонија?“, но одговор на ова прашање до овој момент нема, на што останува сомнежот дека министерот Венко Филипче свесно манипулира со бројот на вакцинирани лица или пак во вкупната бројка ги вбројува и граѓаните кои што се вакцинирале надвор од Македонија. Инаку, пред малку само што пристигна информација од МЗ дека утре ќе пристигнат 200 илјади дози на вакцина на кинеската „Синофарм“ за што е предвидено да се оддржи и настан во Поликлиниката Јане Сандански во општина Аеродром.

Над 60 илјади лица останаа без работа, граѓаните едвај врзуваат крај со крај, а функционерите по одмори

Тале Кристо — Thu, 18 Mar 2021 11:03:41 +0000

Во јавноста вчера излезе информација дека поранешниот генерален секретар и советник во владата Драги Рашковски дека отишол на одмор во Мексико додека Љупчо Николовски првиот човек во владата за борба против корупцијата и вице премиер заминал за Дубаи да се одмори. И додека граѓаните секојдневно ги губат своите работни места и своите животи заради неспосбноста на власта да обезбеди вакцини и да спроведе структурни мерки за спас на економијата и работните места првите луѓе од власта одат на одмори по рајски острови. Има голем дел на негативни коментари на социјалните мрежи поради несовесносста и ноншалантоста со која се однесуваат првите луѓе на власта кога треба да се во државата и да се борат за секое работно место и за секој загрозен живот. Имено, над 60.000 граѓани ги изгубија своите работни места додека секој трет во државата нема основни средства за основна егзистенција. Македонија е земја која има над 500.000 граѓани кои живеат на работ на сиромаштијата додека според сите реномирани финансиски институции овој број ќе расте. Дополнително застрашувачки е дека огромен број на луѓе ги загубија своите животи како резултат на короната и неспособноста на власта да обезбеди навремено вакцини и соодветна помош и капацитети за лекување на граѓаните. Инаку, Рашковски во своја изјава кажа дека отишол на одмор во Мексико додека Николовски летал за Дубаи заедно со директорот на ТЕЦ Неготино, Небојша Станковиќ, кој исто така е придружуван од сопругата.

60 илјади граѓани – Kurir.mk

Филипче тврди дека се вакцинирани околу 60.000 граѓани, од МЗ не го откриваат бројот на досега пристигнати вакцини

Над 60 илјади лица останаа без работа, граѓаните едвај врзуваат крај со крај, а функционерите по одмори