Британија обезбеди 60 милиони дози вакцина против коронавирус од Санофи и ГСК

Магдалена Андонова — Wed, 29 Jul 2020 10:16:32 +0000

Велика Британија потпиша договор за набавка на 60 милиони дози на можна вакцина за Ковид-19 која ја развиваат Санофи и ГлаксоСмитКлајн и тоа е четврт ваков аранжман од страна на британската Влада. Досега не е одобрена вакцина за Ковид-19, респираторно заболување предизвикано од новиот коронавирус САРС-КоВ-2, од кој досега починаа повеќе од 659.000 луѓе. Финансиските точки од договорот не се објавени, Санови и ГСК велат дека во случај клиничките резултати да бидат позитивни, очекуваат одобрување од регулаторното тело за нивната вакцина во првата половина од 2021 година. Ова е прв договор на Санофи и ГСК за испорака на експериментална вакцина за Ковид-19 во некоја земја. Британските министри ја потенцираат важноста на време да се обезбедат залихи од повеќе различни кандидати за ефективна вакцина иако, како што велат, „нема гаранции“. Велика Британија минатата недела обезбеди 30 милиони дози на експерименталната вакцина од БиоНТех/Фајзер и во принцип постигна договор за 60 милиони дози на вакцината Валнева, со можност за набавка на дополнителни 40 милиони дози, доколку вакцините се покажат безбедни, ефективни и соодветни. (MИА)

Трамп и Бајден собрале по 60 милиони долари донации во април

Тале Кристо — Tue, 12 May 2020 07:57:38 +0000

Американскиот претседател Доналд Трамп и неговиот најверојатен противник на претседателските избори, Џо Бајден, собрале по повеќе од 60 милиони долари донации во април, соопштија штабовите на двајцата кандидати. Сумата на Трамп и републиканците малку ја надминува онаа на Бајден – 61,7 милиони долари наспроти 60,5 милиони долари. Во исто време, Трамп требаше да одржи голема предност пред Бајден во собрани пари. До март, сегашниот претседател имаше речиси 190 милиони долари повеќе од Бајден и демократите. Според резултатите од април, Бајден не соопштува колку пари му останале во кампањата. Трамп и републиканците сега собрале 255 милиони долари. И покрај постојаната финансиска предност на Трамп, во април се покажаа предностите на Бајден, коментираат американските медиуми. Април е првиот месец кога Џо Бајден нема ривали во првичните избори на демократите. Тој, како и Трамп, мора да биде официјално одобрен како кандидат на партискиот конгрес во август. Бајден особено им се заблагодари на своите приврзаници што продолжиле да донираат пари за него, и покрај економската криза предизвикана од пандемијата на коронавирусот.

60 милиони – Kurir.mk

Британија обезбеди 60 милиони дози вакцина против коронавирус од Санофи и ГСК

Трамп и Бајден собрале по 60 милиони долари донации во април