Во општините Битола, Ресен и Демир Хисар активни 82 случаи со корона вирус

Тале Кристо — Mon, 24 Aug 2020 07:40:57 +0000

Во општините Битола, Ресен и во Демир Хисар во моментов активни се 82 случаи со Ковид-19. Според податоци од центрите за јавно здравје и надлежни служби што водат евиденција, најголем број активни лица, вкупно 54 има во Битола, 27 во Демир Хисар и eдно лице во Ресен. По подолго време вчера во Битола беа евидентирани седум новозаразени лица со што вкупниот број на дијагностицирани во градот од почетокот на епидемијата изнесува 195, во Демир Хисар вкупниот број на дијагностицирани е 60, а во Ресен 146. Со отворањето на лабараторија за тестирање од Ковид-19 која се наоѓа во ЈЗУ Центар за јавно здравје-Битола, општините од пелагонискиот регион ја зголемија ефикасноста во здравствените услуги, а наскоро ќе бидат во функција и монтажни болници. Инаку, во моментов на инфективното одделение во Клиничка болница-Битола хосипитализирани се 13 лица заразени со Ковид-19.

Анкета: За задолжителна вакцинација 82 отсто од Европејците

Тале Кристо — Wed, 17 Jun 2020 12:51:33 +0000

Задолжителното вакцинирање е поддржано од 82 проценти од Европејците, најмногу во Шпанија (94 проценти), а најмалку во Швајцарија (70 проценти), покажува истражувањето објавено денеска од германската фармацевтска група „Стада“.

Истражувањето е спроведено од февруари до март 2020 година, во кое се опфатени 2.000 испитаници од Австрија, Белгија, Германија, Финска, Франција, Италија, Полска, Русија, Србија, Шпанија, Швајцарија и Велика Британија.

Вкупно 42 отсто од испитаниците во Европа изразиле загриженост поради немање вакција за Ковид-19, а 50 отсто се плашат дека некој од нивните блиски ќе се зарази од вирусот или ќе почине.

Резултатите од анкетата, исто така, покажаа дека 61 процент од испитаниците во Европа сметаат дека медицинската нега за време на актуелната криза во нивната земја е позитивна или многу позитивна, наспроти 15 проценти кои ги критикуваат условите за лекување. Највисоки стапки на одобрување се постигнати во Шпанија и Велика Британија.

82% – Kurir.mk

Во општините Битола, Ресен и Демир Хисар активни 82 случаи со корона вирус

Анкета: За задолжителна вакцинација 82 отсто од Европејците