9 часот – Kurir.mk

Излезноста во Куманово 6,32, во Липково 1,81, во Старо Нагоричане 6,29 проценти, според ДИК за првите два часа

Тале Кристо — Wed, 15 Jul 2020 08:57:17 +0000

Според податоците на Државната изборна комисија во Куманово излезноста до 9:00 часот e 6,32, во Липково 1,81, а во Старо Нагоричане 6, 29 проценти. Право на глас во Куманово имаат 92.167 гласачи, информираше денеска претседателот на ОИК Куманово Драган Јовановски. Вкупно 167-те избирачки одбори се подготвени за спроведување на изборите. Претседателот на ОИК Липково Лирим Јашари информираше дека во Општината, право на глас имаат 25.632 гласачи кои ќе гласаат на 36 избирачки места. Од ОИК Старо Нагоричане право на глас имаат 3.322 лица кои гласаат на 36 избирачки места, а процесот ќе го спроведуваат 38 избирачки одбори.

До девет часот во Дебар и Центар Жупа гласале по околу два отсто од гласачите

Тале Кристо — Wed, 15 Jul 2020 08:53:47 +0000

Текот на гласањето во општините Дебар и Центар Жупа минува без проблеми, со почтување на протоколите, но со слаб одѕив на гласачи. -Од вкупно 18.764 избирачи, кои гласаат на 27 избирачки места, до девет часот во нашата општина своето граѓанско право го оствариле 535 граѓани или околу два отсто. Вообичаено поголема излезност очекуваме во попладневните часови, изјави Елмира Бакали, претседателка на Општинската избoрна комисија. Во општина Центар Жупа излезеноста е речиси идентична како и во Дебар. -До девет часот гласаа 134 лица или 1,9 отсто од вкупно запишаните 7.061 со право на глас.Изборниот тек се одвиваво најдобар ред и се разбра со почитување на протоколите за заштита од Ковид-19, изјави Еран Зубер, претседател на ОИК за оваа општина. Процентот на излезност во првите часови на претходните избори вообичаено во двете општини се движел до три отсто.

Во Кавадарци до 9 часот гласале 8,76 отсто, а во Демир Капија 10,25 отсто од избирачите

Тале Кристо — Wed, 15 Jul 2020 08:06:13 +0000

Во Кавадарци до 9 часот гласале 8,76 отсто, а во Демир Капија 10,25 отсто од избирачите, информираа претседателите на општинските изборни комисии, Зоран Костов и Стојна Топчиева. Тие нагласија дека засега гласањето на парламентарните избори се одвива без проблеми.