Во Охрид за едно попладне казни 91 возач за пребрзо возење

Тале Кристо — Mon, 26 Apr 2021 14:49:38 +0000

Сообраќајната полиција што работи во рамки на Секторот за внатрешни работи од Охрид вчера попладнето поднесе прекршочни пријави против 91 учесници во сообраќајот кои управувале моторно возило со брзина поголема од пропишаната. Од казнетите возачи дури 59 возеле пребрзо во населено место. Од СВР – Охрид појаснуваат дека согласно законските измени и членот 344 од Законот за безбедност на сообраќајот на патиштата, поради изминат рок на важност на возачки и сообраќајни документи од шест или повеќе месеци во периодот од 26 декември минатата година до 22-ри овој месец има одземено 16 возила од кои 15 нерегистрирани подолго од 6 месеци и едно возило упатено на проверка на техничка исправност. Согласно новата легислатива ако биде утврдена техничка неисправност на возилото која се однесува на предизвикување на голема бучава или во случај кога сообраќајната дозвола за возилото е со изминат рок на важност од шест или повеќе месеци, возилото се одзема во времетраење од 90 дена. Полицијата ќе може на лице место да одзема регистарски таблички од возилата и да ги отстранува од сообраќај доколку постои сомневање за нивна техничка неисправност. Таквите возила може да бидат задржувани до 90 дена. Законот предвидува и трајно губење на возачката дозвола за возачи кои почесто се јавуваат како сторители на посериозни прекршоци во сообраќајот или на сообраќајни незгоди со потешки последици.

Казнети 91 возач во Скопје, 30 од нив за брзо возење

Тале Кристо — Sat, 27 Mar 2021 09:09:56 +0000

Министерството за внатрешни работи во текот на вчерашниот ден (26.03.) продолжи со засилените акциски контроли во областа на сообраќајот. На територијата на град Скопје изречена е вкупно 91 мерка, меѓу кои за возење повеќе од дозволената брзина 30, шест санкции за возење без возачка дозвола, две за технички неисправни и нерегистрирани возила. Изречени се две санкции за користење мобилен телефон, четири за некористење сигурносен појас и 31 за непрописно паркирани возила. Засилените сообраќајни контроли продолжуваат и во наредните денови. Апелираме до граѓаните да ги почитуваат сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта.

91 возач – Kurir.mk

Во Охрид за едно попладне казни 91 возач за пребрзо возење

Казнети 91 возач во Скопје, 30 од нив за брзо возење