А репрезентација – Kurir.mk

Бабунски и Тотре повикани во А репрезентацијата

Ивона Петрова — Mon, 08 Nov 2021 08:25:42 +0000

Македонските репрезентативци, Ердал Ракип (Малме) и Адис Јаховиќ (Гестепе) поради повреда нема да се стават на располагање на тимот за подготовките и натпреварите на македонската А репрезентација против Ерменија (11. ноември) и Исланд (14. ноември) од квалификациите за Светското првенство 2023, соопшти ФФМ. Фудбалерот на шведски Малме има болка во коленото и денешниот извештај од магнетната резонанца ќе потврди колку време Ракип ќе отсуствува од терените. Адис Јаховиќ поради повреда излезе во 16. минута во вчерашниот настап за својот тим Гезтепе против Конјаспор од турското првенство. Селекторот на нашата најдобра репрезентација, Благоја Милевски дополнително ги повика Енур Тотре од Тирана и напаѓачот на Ботев Враца, Доријан Бабунски. Двајцата фудбалери ќе бидат на првиот тренинг на репрезентацијата. Денеска во 12:00 часот во хотел „Хилтон“, националниот тим го има првиот собир спроти последните два меча од мундијалските квалификации. Првиот тренинг е денеска од 17:00 часот на тренинг центарот „Петар Милошевски“.

ФФМ ги одреди цените за мечот на Македонија и Исланд и младите репрезентации на Македонија и Франција

Бошко Тасиќ — Sat, 23 Oct 2021 05:44:30 +0000

На седницата на Управниот Одбор, ФФМ донесе неколку одлуки, меѓу кои и цените за натпревари на македонските фудбалски репрезентации. Македонија прво гостува кај Ерменија, а потоа на 14. ноември го пречекува Исланд на Националната арена „Тодор Проески“, а мечот почнува од 18 часот. Билетитиее ќе бидат по 150 и 300 денари за јужната и северната трибинан. За натпреварот меѓу селекциите Македонија и Франција до 21 година, билетите ќе бидат по 100, 150 и 200 денари за јужната и северна трибина. Тој меч се игра на 16. ноември од 18:30 часот на Националната арена „Тодор Проески“ во Скопје. Претходно, на 26. октомври играат женските репрезентации на Македонија и Луксембург, билетите за овој дуел се 100 денари. Мечот се игра во Охрид на стадионот „Билјанини извори“. Капацитетот на Националната арена „Тодор Проески“ и стадионот „Билјанини Извори“ во Охрид е ограничен согласно мерките на Владата на Република С. Македонија утврдени за заштита од коронавирусот за присуство на гледачи на трибините. - У.О. на ФФМ донесе одлука за измени на правилникот за регистрација, статус и трансфер на фудбалери на ФФМ поврзани со права на фудбалери во женска конкуренција; - У.О. на ФФМ донесе одлука за реконструкција (поставување нова тревна подлога со вештачка трева) на теренот со вештачка трева на стадионот во Ѓорче Петров; - У.О. на ФФМ го усвои календарот за натпреварување во Втора футсал лига и делегатската листа за футсал натпреварувањето.

Спировски: Мора да ја одиграме нашата игра

Бошко Тасиќ — Thu, 07 Oct 2021 18:15:33 +0000

Македонскиот фудбалски репрезентативец Стефан Спировски смета дека во модерниот фудбал повеќе однапред впишани бодови за фаворитите. „Фаворитската улога е на наша страна, не бегаме од неа. Наше е да дадеме максимум на теренот. Ако го исполниме тоа, сметам дека нема од што да се плашиме.Во модерниот фудбал сметам дека не постојат апсолутни фаворити. Мора да ја одиграме нашата игра, а ако тоа го исполниме ќе победиме на овој дуел“, рече играчот од средниот ред на македонската фудбалска репрезентацијс. На претходните три натпревари Македонија одигра три ремија иако беше подобриот тим во дуелите со Ерменија, Исланд и Романија. „Во септемвриските дуели ни недостигаше малку среќа, направивме доволно шанси за голови, ама факторот на среќа не нè посака. На тие три дуели можевме да освоиме сигурно четири бода повеќе“, додаде Спировски.

Милевски: Уверен сум дека ќе ја оправдаме фаворитската улога

Бошко Тасиќ — Thu, 07 Oct 2021 18:12:48 +0000

Фудбалската репрезентација на Македонија гостува кај Лихтенштајн во седмиот меч од овој мундијалски циклус во битка за прва победа на Благоја Милевски како селектор, но и за прв триумф после половина година и шест меча на официјалните мечеви, но никој во македонската селекција не размислува дека само формално утревечер ќе се истрча на теренот и ќе се освојат трите бода.

„Нема никаква формалност, мора да бидеме на највисоко ниво за успешен резултат. Овој меч ќе биде поинаков од сите претходни, не треба да се базираме на стадистиката. Нема притисок за тоа што сме фаворити, ама од тоа што го видов на тренинзите од концентрацијата и мотивацијата кај фудбалерите, уверен сум и верувам дека ќе ја оправдаме фаворитската улога на утрешниот меч“, вели Милевски. Македонија во март го победи Лихтенштајн со 5-0, но оттогаш аутсајдерот во групата ги измачи и Романија и Германија, а на Ерменија ѝ зема бод со ремито 1-1. „Лихтенштајн на последните мечеви, како со Германија и Романија, а посебно со Ерменија покажа дека е селекција која е цврста, која има исклучително тактичка дисциплина. Станува збор за квалитетен тим и тоа го покажа, па сето ова ни наметнува дека треба да бидеме на највисокото ниво за да победиме. Јас ќе бидам задоволен со три бода, а за тоа ќе ни треба и многу концентрација и многу труд на теренот, за да бидеме на највисокото ниво и со најголем квалитет да се избориме за тие три бода“, додаде Милевски.

Муслиу: Добро се познаваме со Милевски од младата репрезентација

Бошко Тасиќ — Mon, 30 Aug 2021 16:52:10 +0000

Репрезентацијата на Македонија во фудбал се подготвува за натпреварот против Ерменија. Висар Муслиу вели дека е среќен што е дел од репрезентацијата и вели дека се оди според планот. „Треба да се прилагодиме на идеите на новиот струшен штаб, но тоа мислам дека многумина од нас знаат како бидејќи работеле во У-21 репрезентацијата и мислам дека за брзо време ќе бидеме со чиста глава за што точно мислит и се надеваме дека ќе биде подобро на наша страна“, вели Муслиу. Тој додава дека ја знаат репрезентацијата на Ерменија и дека неколку пати досега се анализирани нивните добри страни, но тоа треба да се покаже и на терен.

Александар Трајковски ќе го засили дански Алборг

Бошко Тасиќ — Mon, 30 Aug 2021 16:08:10 +0000

Данскиот фудбалски тим Алборг ќе се засили со македонскиот репрезентативец Александар Трајковски, открива „Nordjyske.dk“ повикувајќи се на изјавата на спортскиот директор на клубот Инге Андре Олсен кој изјави дека клубот е многу блиску до потпис на нов фудбалер од нападот но истовремено одби да го открие името. А изданието открива дека се работи за Трајковски од Мајорка и тој треба да биде четвртото засилување на екипата ова лето по Андрес Хагелскјер, Лука Прип и Милан Макариќ. Ако трансферот се реализира Трајковски ќе биде само вториот македонски фудбалер кој заиграл за Алборг по Артим Шаќири кој ги бранеше боите на овој клуб во 2005-2006 година.

Селекторот Милевски го одработи првиот тренинг со националниот тим (ФОТОГАЛЕРИЈА)

Бошко Тасиќ — Mon, 30 Aug 2021 16:01:27 +0000

Благоја Милевски од денеска означи старт на својот мандат како селектор на А-тимот, откако од почеток на месецов официјално го презема кормилото од досегашниот селектор Игор Ангеловски. Милевски означи старт на новата ера на македонската фудбалска репрезентација, која после две децении продолжува без својата икона и капитен Горан Пандев. Македонија ја чекаат три тешки пресметки со директните ривали за најмалку второто место и бараж во квалификациите за Мундијалот во катар догодина, а прв е дуелот со Ерменија во четврток на Националната Арена „Тодор Проески“, по што следи гостување во Рејкјавик кај Исланд во недела од 18 часот, па уште еден домашен меч со должникот Романија идната среда (20.45 часот), која не победи во мартовските квалификации.

Барди и Алиоски се приклучија на националниот тим

Бошко Тасиќ — Mon, 30 Aug 2021 15:12:07 +0000

Фудбалската репрезентација на Македонија полека се комплетира на стартот на подготовките за квалификациските натпревари во септември во рамки на циклусот за Светското првенство (СП) кое во 2022 година ќе се игра во Катар. Интернационалците полека присигнуваат во Скопје каде е „базата“ на тимот, а последни кои застанаа во стројот и се ставија на располагање на новиот селектор Благоја Милевски се Езџан алиоски и Енис Барди. Македонија во следните денови ќе тренира и работи на тренинг-центарот „Петар Милошевски“ при Фудбалската федерација на Македонија, а првиот предизвик ќе биде домашен натпревар против Ерменија закажан на втори септември.

Собир на фудбалската репрезентација под водство на новиот селектор (ФОТОГАЛЕРИЈА)

Бошко Тасиќ — Sun, 29 Aug 2021 20:15:08 +0000

Фудбалската репрезентација на Македонија го имаше првиот собир пред продолжението од натпреварите во квалификациите за Светското првенство (СП) кое се игра во 2022 година, три на програмата во месец септември. Благоја Милевски го имаше првиот собир со играчите како селектор. Секако дека не се сите присутни поради клупските обврски, но почнаа да се појавуваат во хотелот еден по еден.Се појави Бобан Николов, Александар Трајковски, Дарко Чурлинов,Кире Ристевски , а в наредните денови селекторот Милевски ќе треба да ги има сите повикани фудбалери во пресрет на натпреварите.

Милевски: Стојам зад репрезентацијата и фудбалерите и имам мотив и енергија да работиме квалитетно, максимално и професионално

Бошко Тасиќ — Sun, 29 Aug 2021 11:07:50 +0000

Селекторот на македонската фудбалска репрезентација, Благоја Милевски верува дека промените кои се случуваат во селекцијата ќе се одразат позитивно на резултатите во квалификациите.

„Започнуваме нов репрезентативен предизвик и се радувам на собирот и деновите кои ни следуваат. Подготовките се кратки и мора да ги искористиме максимално. Ја знаеме нашата цел, знаеме со што располагаме и одиме да го потврдиме квалитетот”, вели Милевски.

„Некои промени се неизбежни, но не стравувам. Напротив, јас стојам зад репрезентацијата и фудбалерите и имам мотив и енергија да работиме квалитетно, максимално професионални и да бидеме конкурентни. Јас сум селектор и притисокот е врз мене. Фудбалерите мора да продолжат да веруваат во себе и во својот квалитет. Нашата заедничка цел е борба до крај во тековните квалификации, создавање група во која тимот, а не индивидуалци ќе биде најбитен и крајно да направиме се за да бидеме конкурентни за настап на следното Европско првенство”.

„Резултатот е секогаш важен. Затоа во пресрет на подготовките за натпреварот со Ерменија велам дека сакаме победа бидејќи тој резултат ќе ни донесе дополнителна самодоверба”.

„Сите го сакаме најдоброто и ќе се обидеме така и да изгледаме да натпреварите кои ни следуваат. Го познавам тимот, знам дека имаме амбициозни и талентирани фудбалери, но и играчи со квалитет и искуство кои сеуште се гладни за нов, голем резултат. Освен тоа, имаме неколкумина репрезентативци кои влегуваат во најдобрите фудбалски години од своите кариери, а нивниот пристап ми говори дека македонската репрезентација ќе биде во одлични раце по повлекувањето на неколкумина фудбалери”.

„Го сакаме предизвикот и сакаме да покажеме дека заслужуваме да бидеме меѓу најдобрите. Се надевам дека сите ќе бидеме здрави и подготвени за тоа”. - заврши во своето обраќање новиот селектор на националниот тим.