а – Kurir.mk

Пиоли: Лигата на шампионите ја забораваме, сега го насочуваме вниманието кон првенството

Тале Кристо — Sun, 23 Apr 2023 13:33:42 +0000

Тренерот на Милан, Стефано Пиоли ги откри своите размислувања за претстојните настапи на неговиот тим. Тој призна дека не е задоволен од моменталната позиција на Милан во Серија А. - Ја забораваме Лигата на шампионите и го насочуваме вниманието кон првенството. Мора да работиме напорно, не сме задоволни од моменталната наша позиција на табелата, изјави Пиоли. Интер ќе се соочи со Милан во полуфиналето на Лигата на шампионите. Средбата ќе се одржи на 9 мај. Во Серија А, Милан се наоѓа на 5.место со 53 бода од 30 натпревари. Денес од 18 часот Милан ќе го пречека Лече.

Притвор и истрага против дилер од Битола

Тале Кристо — Fri, 04 Mar 2022 12:42:16 +0000

Основното јавно обвинителство Битола донесе Наредба за спроведување истражна постапка против 35-годишен битолчанец за кого постои основано сомнение дека сторил кривично дело – Неовластено производство и пуштање во промет наркотични дроги, психотропни супстанции и прекурсори од член 215 став 1 од Кривичниот законик. Осомничениот, во дворното место на куќа во која никој не живеел, а која граничела со неговата куќа, неовластено за продажба чувал 107,46 грама хероин и 33,37 грама марихуана, како и три дигитални ваги наменети за мерење и пакување дрога. Бидејќи постојат околности кои упатуваат дека осомничениот би можел да се даде во бегство или да го повтори делото, надлежниот јавен обвинител до судијата на претходна постапка достави предлог за определување мерка притвор. Основниот суд во Битола донесе решение со кое на осомничениот му определи привор во траење од 30 дена.

Гермнаија ја третира речиси цела Шпанија за ризичен регион од новиот коронавирус

Тале Кристо — Sat, 15 Aug 2020 08:39:39 +0000

Германија ја прогласи речиси цела Шпанија, вклучувајќи го и туристичкиот остров Мајорка, за регион под ризик од коронавирус по зголемувањето на случаи на заразени. Тој потег е удар врз надежите дека брзото закрепнување на масовниот туризам по неколкумесечна пауза ќе го запре ширењето на вирусот, пишува „Гардијан“. Германскиот весник „Билд“ претходно објави дека Мајорка е додадена на списокот со високоризични региони објавен од Институтот за јавно здравје Роберт Кох. Тоа значи дека луѓето кои се враќаат од тие области ги чека тест за коронавирусот и/ или двонеделен задолжителен карантин. Бројот на случаи во Шпанија се зголеми во последните денови откако блокадата на земјата беше укината пред седум недели.