а1 – Kurir.mk

Утре целосно затворен автопатот А1 кај клучката Демир Капија

Тале Кристо — Tue, 25 Apr 2023 17:20:26 +0000

Од утре почнуваат градежни активности на Државен пат А1, од Демир Капија кон Неготино, за што ќе се изврши промена на режимот на сообраќај со целосно затворање на автопатот на клучката Демир Капија. Сообраќајот ќе биде пренасочен на Регионалниот пат Р1102, соопшти АМСМ. Сообраќајот на државните патишта се одвива непречено, по наместа влажни коловози. Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата. АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Во Минск уапсен портпаролот на „А1“

Тале Кристо — Sat, 11 Dec 2021 15:00:11 +0000

Портпаролот на телекомуникацискиот оператор „А1“ во Белорусија, Никлај Бределев е уапсен, поради што Телеком Австрија и Министерството за надворешни работи во Виена реагираа со голема загриженост. Според Телеком Австрија, кој е сопственик на „А1“ во Белорусија, нивниот тамошен портпарол е уапсен под обвинение за ширење незгодни информации за компанијата. – Покрај тоа, објавено е и понижувачко видео со лични податоци за неговиот приватен живот, соопшти концернот во Виена. Групацијата А1 Телеком Австрија жестоко го осуди мешањето во приватната сфера на своите вработени. – А1 Белорусија има строги правила и процедури за спречување на нелегални прекршувања на безбедноста на податоците и ги истражува сите сомнежи. Ќе ги искористиме сите расположливи средства преку правни и дипломатски средства за да ги поддржиме нашите вработени во таа земја и да ги заштитиме, се наведува во соопштението. Австриското Министерство за надворешни работи изрази длабока загриженост поради апсењето на портпаролот на „А1“ во Белорусија. – Ги осудуваме понижувачките постапки на белоруските власти. Основните права и правото на слобода на сите луѓе мора секогаш да бидат гарантирани, се вели во соопштението.

Објектите на МНР, А1 и МНТ без вода поради уличен дефект

Ивана Ефремовски — Fri, 19 Feb 2021 09:35:59 +0000

Корисниците на дел од улицата „Филип Втори“ и дел од булеварот „Гоце Делчев“, вклучително објектите на А1, МНТ и МНР, имаат прекинато водоснабсување поради уличен дефект на цевка со пречник од 150 милиметри на улицата „Филип Втори“ во близина на МНР. Водоснабдувањето, како што информираат од ЈП „Водовод иканализација“ Скопје е прекинато од 10:00 часот, а вода ќе немаат до завршувањето на санацијата на дефектот.

А1: 10GB мобилен интернет и дополнителни бесплатни TВ канали, за сите

Катерина Бојаџиева — Mon, 16 Mar 2020 12:59:56 +0000

Соочени со предизвикот кој е пред сите нас поради состојбата со COVID–19, А1 Македонија во знак на поддршка на сите свои корисници, со цел да го исполни со содржини секојдневието, кое е многу поразлично од она на кое сме навикнати, овозможува: • дополнителни 10GB интернет на сите мобилни корисници • 7 филмски и детски ТВ канали, достапни бесплатно за сите корисници на телевизиските услуги Kорисниците ќе можат да го активираат мобилниот интернет преку апликацијата Мојот А1, која можат да ја преземат од Play Store или App Store доколку сè уште ја немаат инсталирано. Постпејд корисниците имаат можност доделениот интернет да го користат 30 дена од денот на активирањето, додека припејд корисниците 7 дена. Интернетот е достапен преку мобилната мрежа на А1 Македонија и може да се активира до 31.03.2020. Сите наши телевизиски корисници до крајот на месец март ќе можат бесплатно да ги гледаат најдобрите филмски ТВ канали: CinestarTV Premiere 1 и CinestarTV Premiere 2, како и детските ТВ канали Nickelodeon, Nickelodeon Jr, Cartoon Network, Boomerang и Baby TV. А1 Македонија како компанија која го поттикнува дигиталниот начин на живеење, им овозможува на своите корисници непречено управување со сите телекомуникациски услуги преку дигитални платформи: Mојот A1, електронска сметка, електронско надополнување на кредит за припејд, 24/7 часа online поддршка и нашите профили на социјалните мрежи. Повеќе информации можете да најдете на www.a1.mkили со јавување во Контакт центар на 077 1234. #ЗаедноСмесоВас

СЕ ОГЛАСИ А1: Граѓаните можат само да воспоставуваат повици, но овој голем проблем компанијата допрва ќе го решава!

Дарко Андоновски — Wed, 04 Mar 2020 17:32:49 +0000

Телекомуникациската компанија А1 соопшти дека корисниците можат да воспоставуваат телефонски повици, бидејќи по брзата интервенција на стручните екипи техничките проблеми се надминати. – Во моментов се работи на надминување на проблемот со испраќање на СМС пораки, истакнаа од Компанијата.

Прекин во мрежата на мобилната телефонија на А1- ова е причината за хаосот кој настана попладнево

Дарко Андоновски — Wed, 04 Mar 2020 15:55:11 +0000

Попладнево дојде до прекин на услугите од телекомуникациската компанија А1. Корисниците на мобилната телефонија не се во можност да реализираат ниту додјовни, ниту појдовни повици кон било која мрежа во земјата. Од компанијата А1 велат дека нивните тимови интензивно работат со цел што поскоро решавање на проблемот. Во моментов се соочуваме со техничка потешкотија со воспоставување на повици во мобилната телефонија. Во поголем дел потешкотијата е надмината, а техничките служби работат на целосно решавање во најбрз можен рок, велат од компанијата А1.