АБА 2 лига – Kurir.mk

Цедевита Јуниор до историски триумф против македонскиот шампион

Бошко Тасиќ — Wed, 11 Oct 2023 05:17:42 +0000

Македонскиот кошаркарски шампион МЗТ Скопје Аеродром загуби од дебитантот во АБА 2, Цедевита Јуниор со 79-92 и му овозможија на хрватскиот тим да ја запише својата прва победа во историјата на оваа лига. Македонскиот првак го диктираше темпото во првите осум минути, водеше и со 12-6, а последен пат беше во водство со 22-20. Цедевита Јуниор потоа направи серија од 10-0 за да го преземе водството кое не го испушти до крајот на мечот. На средина од втората четвртина првпат имаше двоцифрена разлика во своја корист (42-30), а на две минути пред крајот на полувремето, Хрватите поведоа со 55-34. Во натамошниот дел од мечот, МЗТ Скопје ниеднаш не ја симна негативата на едноцифрена вредност. Војдан Стојановски со 16 поени беше најефикасен во редовите на македонскиот шампион, Расел постигна 14, а Ворку 12. Шанса да го заборави овој меч, МЗТ Скопје ќе има в петок во првото македонско дерби оваа сезона во АБА 2 лигата, против Пелистер.

Три македонски екипи следната сезона ќе играат во АБА2 лигата

Бошко Тасиќ — Tue, 25 Jul 2023 04:15:36 +0000

Потврдени се 13 од 14 екипи учесници за новата натпреварувачка сезона во АБА2 лигата, а Македонија ќе има три претставници. Од регионалното натпреварување информираа дека за последното 14 место ќе се играат квалификации и во истите ќе бидат Спарс, Војводина, Илирија и Восна Меридианбет. Нашата земја ќе ја претставуваат актуелниот шампион МЗТ Скопје Аеродром, кој лани не успеа да обезбеди опстанок во првата АБА лига, потоа Пелистер Битола и ТФТ Моцарт Скопје.

Познат терминот во кој Пелистер ќе се бори за полуфинале во АБА 2 лигата

Бошко Тасиќ — Fri, 07 Apr 2023 04:57:53 +0000

Македонскиот кошаркарски вицешампион Пелистер веќе оствари историски успех со пласманот на завршниот турнир од АБА 2 лигата, но идната недела во Домжале ќе се обиде да го подобри тој резултат, па дури и да се пласира во елитната дивизија. Веќе е познат распоред на натпреварите, на турнирот што ќе се одржи од 12 до 16 април. Пелистер ќе игра со домаќинот Хелиос кој основниот дел од сезоната го заврши на челната позиција и е најголем фаворит за трофејот иако ќе има голема конкуренција во словенечкиот ривал Крка. Дуелот меѓу Пелистер и Хелиос ќе се игра на 12 април од 18 часот и тоа ќе биде трет натпревар од четвртфиналната програма тој ден. Победникот од дуелот меѓу Хелиос и Пелистер, во полуфиналето ќе се сретне со подобриот од босанската пресметка меѓу Борац и Широки. РАСПОРЕД НА НАТПРЕВАРИТЕ СРЕДА – 12. АПРИЛ Подгорица – Златибор 12:00 Крка – Сутјеска 15:00 Хелиос – Пелистер 18:00 Борац – Широки 21:00

Пелистер си поигра со босански Спарс

Бошко Тасиќ — Wed, 25 Jan 2023 20:16:49 +0000

Кошаркарите на Пелистер остварија убедлива победа над Спарс Илиџа (99-71) во мечот од осмото коло од АБА2 лигата. Босанскиот претставник ја доби првата четвртина со 28-23, но потоа се изгуби или поточно македонскиот прволигаш одигра фантастично како во одбраната така и во нападот за конечни на крајот плус 28. Пет играчи кај нашиот вицешампион беа двоцифрени, најефикасен беше Карпентер со 23 кошеви, Караџовски пак имаше еден помалку. Мајсторовиќ и Хауард за поразените искомбинираа 30 поени. Во наредната рунда избраниците на Илиевски ќе се соочат со Сутјеска.

ТФТ убедливо против Спарс за втора победа во АБА 2 лигата

Бошко Тасиќ — Thu, 22 Dec 2022 16:16:27 +0000

Кошаркарите на ТФТ Скопје ја запишаа и втората победа во АБА 2 лигата триумфирајќи во 7. коло од регионалното натпреварување против Спарс Илиџа со 102-78. Пресудна за триумфот на македонските кошаркари беше третата четвртина која ТФТ ја доби убедливо со 26-15. Откако претходно на полувремето беше 55-49, веќе по три периоди игра се создаде недостижна предност за противникот. Во последната четвртина ТФТ дополнително ја зголеми предноста за конечна убедлива победа од 102-78. Најдобар во редовите на ТФТ беше Бишоп со 18 поени и пет асистенции, а уште пет кошаркари завршија со двоцифрен ефект. Ташовски и Мекбраер постигнаа по 16 поени, Андерсон заврши со 15 поени, а по 12 поени постигнаа Николов и Батрик. ТФТ со овој триумф дојде до десеттата позиција на табелата, од вкупно 14 екипи колку што се натпреваруваат во второто по квалитет регионално кошаркарско натпреварување. Спарс Илиџа, пак, остана на претпоследната позиција со само една победа од седум одиграни натпревари.

Пелистер немоќен против Борац во АБА 2

Бошко Тасиќ — Wed, 21 Dec 2022 19:30:42 +0000

Тежок пораз на Пелистер со 89-67 во АБА2-лигата, и тоа од екипата на Борац Бања Лука.

Бањалучани уште на стартот направија предност од шест поени (22-16), која беше зголемена на 16 за да крајот заврши со убедлив пораз откако во еден момент противникот водеше со 29 поени.

Карутерс со 19 поени и Хаџифејзовиќ со 15 беа најефикасни кај Пелистер, даде девет поени.

Следен меч за Пелистер кој во петок од 18 часот игра против словенечки Хелиос.

Пелистер го победи Осијек во АБА 2 лигата

Бошко Тасиќ — Fri, 25 Nov 2022 19:23:39 +0000

Пелистер се врати на победите во АБА2 лигата запишувајќи ја и четвртата победа во петтата рунда натпревари, овој пат со 83-71 славејќи против Осијек. Најдобар кај пелистерци беше Сеад Хаџифејзовиќ со 20 поени, пред Димитар Караџовски со 17 поени, а солиден беше и Недим Мустафица со „дабл-дабл“ од 14 поени и 10 скока. Кај хрватскиот тим, Врањеш заврши со 22 поени. Пелистер во следното коло игра со словенечка Горица која е последна на табелата со скор 0-4.

Крка го совлада ТФТ, прв пораз и за Пелистер во АБА2-лигата

Бошко Тасиќ — Wed, 23 Nov 2022 19:11:32 +0000

Македонскиот тим Пелистер го запиша првиот пораз во АБА2-лигата, откако загуби на гостувањето кај Широки бријег со 73-83, додека ТФТ Скопје беше поразен и по четврти пат во натпреварувањето, и тоа овој пат од Крка со 83-93. Најдобар во победничкиот тим беше Брзоја со 27 поени, додека кај Пелистер блесна Хаџифејзовиќ со 20 поени. Најефикасен во тимот на Крка беше Спан со 13 поени, три скокови и една асистенција, додека Андерсон постигна 20 поени и шест скокови за ТФТ.

Кошаркарите на ТФТ го претрпеа и третиот пораз во АБА2 лигата

Бошко Тасиќ — Tue, 22 Nov 2022 06:01:03 +0000

Македонскиот кошаркарски клуб ТФТ го отворија вториот „балон“ во АБА 2 лигата, во Сараево (Босна и Херцеговина), со пораз од актуелниот првак Златибор од Србија (76:90). Првото полувреме протекна во постојано водство на Златибор, во осмата поведе со 21:13, а со тројката на искусниот Костоски, ТФТ го затвори првиот период со минус од еден поен, (24:25). Израмнето се играше и во најголем дел од втората четвртина. Дел од играта во кој Златибор одново се одвои на плус од осум поени разлика (40:32), како што беше резултатот во 16 минута од играта. Серија која со тројка ја прекина Бишоп (35:40). Но „црно-белите“ немаа доволно добри решенија за шутерски расположениот противник кој стигна и до својата седма тројка (од 17 обиди) за ново „бегство“, сега на исто така солидни 43:35 со кои се влезе во последната минута од првото полувреме, кое заврши со истиот резултат. Слично беше и во второто полувреме, со таа разлика што српската екипа за прв пат на средбата се стекна со двоцифрено водство (53:42), како што беше во 24 минута. Но, новите две тројки на Костоски, го вратија тимот од Тафталиџе кон егал-резултат, за преполување на високата негатива (48:53). Но, за кратко, не можеа да се одбранат од тројките на Ѓуран (пет од тимските 10), кој ја врати предноста, онаа двоцифрената (54:64) на истекот на третиот период. Во оној последниот, ТФТ не го направи она што го бараше во претходните три. Таа негатива остана недостижна за тимот на Боро Смилковски, кој го запиша третиот пораз на дебито во ова натпреварување. Костоски реализираше 12 поени (4/5 во шутот за три поени), а Ташовски еден кош помалку. Нашиот втор претставник во регионалното натпреварување, екипата на Пелистер, својот натпревар од третото коло на турнирот во Сараево ќе го одигра на 23 ноември (среда). Противник на „пелистерци“ во обид да стигнат до својата трета победа ќе им биде екипата на Широки од БиХ. Овој меч Пелистер-Широки ќе стартува од 15.00 часот

Пелистер и ТФТ ќе се судрат во прво коло во АБА2 лигата

Бошко Тасиќ — Wed, 05 Oct 2022 05:40:19 +0000

Новата сезона во второлигашката конкуренција во регионалната кошаркарска АБА лига ќе стартува на 17 октомври, а домаќин на првиот од петте турнирски натпреварувања, како и во изминатите две години, ќе биде Златибор. Жрепката на натпреварувачките броеви одлучи на првиот од петте „балони“ да се сретнат двата македонски претставници во АБА 2 лигата, екипите на Пелистер и на ТФТ. Средбата е закажана за воведното коло, на 17 октомври, со почеток во 21 часот. За разлика од последните сезони на првиот собир на Златибор (од пет планирани во текот на регуларниот дел) ќе бидат одиграни само две рунди од планираните 13. Во второто, дебитантот во оваа конкуренција, екипата на ТФТ, на 19 октомври (од 18 часот), ќе ги одмери силите со црногорска Сутјеска, а три часа подоцна (21 часот) битолски Пелистер ќе игра против словенечкиот Шентјур, кој исто така е нов учесник во оваа конкуренција.