АБА 2 – Kurir.mk

МЗТ Скопје Аеродром го совлада Пелистер во македонската пресметка во АБА 2

Тале Кристо — Fri, 13 Oct 2023 18:03:45 +0000

МЗТ Скопје Аеродром го совлада попладнево Пелистер со 91-78 (45-40) во македонската пресметка во регионалната кошаркарска АБА 2 лига. Војдан Стојановски со 20 поени беше најефикасен во редовите на МЗТ Скопје, додека неговиот брат Дамјан, како и српскиот интернационалец Душан Танасковиќ придонесоа во триумфот со по 16 кошеви. Актуелниот македонски шампион ја забележа првата победа на воведниот „балон“ чиј домаќин е Суботица, откако во првото коло загуби од Цедевита јуниор со 79-92. Кошаркарите на Пелистер, пак, го претрпеа првиот пораз во новата сезона по стартната победа над Шенчур од 78-72 по продолжение. МЗТ Скопје, Пелистер, како и третиот македонски претставник ТФТ Мцарт натпреварите во АБА 2 лига ги продолжуваат во ноември.

Словенечка пресметка во финалето од АБА2 лигата

Бошко Тасиќ — Sat, 15 Apr 2023 04:03:37 +0000

Словенечките екипи Крка и Хелиос ќе играат во финале на завршницата од регионалната кошаркарска АБА2 лига, по победите што ги забележаа во денешните полуфинални пресметки на завршниот турнир во Домжале. Крка за противник во првото полуфинале го имаше тимот на Подгорица, меч на кој тимот од Словенија рутински славеше со 86:74. Домаќинот Хелиос по убедливиот триумф над Пелистер во четвртфиналето, денеска повторно славеше со импресивна игра, декласирајќи го составот на Широки бријег со убедливи 91:79.

Пелистер против Хелиос во доигрувањето од АБА 2 лигата

Бошко Тасиќ — Sun, 12 Mar 2023 20:12:38 +0000

Кошаркарите на Пелистер од последното осмо место влегуваат во плеј-офот во АБА2-лигата и во првата рунда ќе се сретнат со словенечкиот Хелиос, најдобриот тим сезонава кој ќе биде и домаќин на завршниот турнир. По вчерашниот пораз од Подгорица, Пелистер како шанса за избегнување на најтешкиот ривал чекаше пораз на Сутјеска од Слога, но тоа не се случи. Завршниот турнир од АБА 2 лигата ќе се игра во Домжале во периодот помеѓу 12. и 16. април.

АБА 2: Пелистер прокоцка двоцифрена предност против Подгорица

Бошко Тасиќ — Sat, 11 Mar 2023 19:00:04 +0000

Кошаркарскиот клун Пелистер оствари пласман на завршниот турнир во АБА2 лигата со победата над Слога, но денеска пропушти шанса со уште поголема самодоверба да влезе во пресметките на топ 8 друштвото. Битолчани имаа извонреден старт на мечот против Подготица и победоа со 12 поени предност во втората четвртина, но потоа дозволија серија од 11:0 на противникот и се влезе во егал ситуација до крајот на првиот дел. Пелистер замина на пауза со предност од 47:43, но почна да паѓа во третата четвртина во која Подгорица наметна ритам, што направи да влезе со предност во четвртата четвртина. Во последните 10 минути, подгоричани успеаја да се одлепат со двоцифрена предност и го решија прашањето околу победникот, па на крајот славеа со 97:84. Карпентер со 24 поени беше најефикасен во тимот на Пелистер, додека во победничкиот тим се истакна Кљајевиќ во 19.

Шенчур го оддалечи ТФТ од плејофот во АБА 2

Тале Кристо — Wed, 25 Jan 2023 07:48:38 +0000

Кошаркарите на ТФТ синоќа загубија од Шенчур со 91:74 на првиот натпревар на турнирот во Бања Лука. Досега Шенчур немаше ниту една победа во регионалната АБА 2 лига. По осум одиграни натпрвари, ТФТ има скор од две победи и шест порази. Во наредното, 9. коло, клубот од скопско Тафталиџе ќе се соочи со Широки. Овој натпревар е закажан за утре од 15.часот, исто така во слата „Борик“ во Бања Лука. Вториот македонски претставник, Пелистер, денес ќе го одигра својот натпревар од ова осмо коло во АБА 2 лигата. Од 15 часот, битолчани за противник го имаат сараевски Спарс. Пелистер досега има четири победи и три порази.

Пелистер со убедлив пораз од Хелиос на Златибор

Бошко Тасиќ — Fri, 23 Dec 2022 19:30:28 +0000

Кошаркарскиот вицепрвак Пелистер со два порази го заокружи учеството на Златибор во „балонот“ од АБА 2 лигата. Избраниците на Марјан Илиевски вечерва беа поразени од Хелиос со 88:70 во рамките на седмото коло од регионалното натпреварување. Кошаркарите на Хелиос првата четвртина ја завршија со предност од четири поени (27:23), а на полувреме имаа двоцифрена разлика, 49:39.На крајот, поразот на Пелистер беше убедлив. Карутерс со 20 и Хаџифезовиќ со 17 поени беа најефикасни во таборот на Пелистер на овој меч.

Мустафица: Нè очекуваат исклучително тешки натпревари во АБА-2 лигата

Бошко Тасиќ — Wed, 21 Dec 2022 06:01:43 +0000

Кошаркарите на Пелистер ќе се сретнат со Борац Бања Лука во шестото коло на АБА2 лигата. Во уште еден „балон-систем“ во Златибор, битолчани ќе ја бркаат петтата победа сезонава. Пред натпреварот со босанскиот ривал, своите очекувања ги изнесе Недим Мустафица. „Нè очекуваат два исклучително тешки натпревари против Борац и Хелиос. За нас во ист момент тоа се важни дуели, бидејќи со победа би направиле важен исчекор во битката за пласман меѓу најдобрите осум. Нашиот прв противник, Борац Бања Лука, е една многу сериозна и млада екипа, полна со елан и брзина. Мора да воведеме свој систем, со долги напади и имаме подготвена тактика. Од поразот со ТФТ излеговме само посилни, нè стигна уморот, меѓутоа продолживме да работиме со исто темпо“, кажа Мустафица. Пелистерци веќе в среда ќе се судрат со Борац во терминот од 15:00 часот, додека в петок се игра против Хелиос три часа подоцна.

Завршниот турнир од АБА 2 лигата во Скопје ќе има хуманитарен карактер

Тале Кристо — Wed, 06 Apr 2022 17:14:54 +0000

Завршниот турнир од НЛБ АБА2 лигата, чиј домаќин од 13 до 17 април ќе биде МЗТ Скопје Аеродром, ќе има хуманитарен карактер, а продажбата на влезниците за сите средби ќе оди преку фондацијата „Марко Божиновски“, која потоа ќе ги пренасочи собраните средства онаму каде што е најпотребно. -На тој начин нашиот клуб, заедно со општина Аеродром, уште еднаш ќе му оддадеме почит на нашиот голем навивач и кадетски и јуниорски ракометен репрезентативец на Македонија, кој неочекувано почина пред 10 месеци, соопшти попладнево МЗТ Скопје Аеродром. Планирано е да има блок билет, кој ќе чини 300 денари со важност за целиот турнир, како и поединечен билет за секој натпревар по цена од 100 денари. Цените се симболични, но доволни од целиот турнир да се собере солидна вкупна сума, која и тоа како ќе биде помош за тие на кои им е неопходно, а на кои ќе им биде пренасочена од луѓето од фондацијата „Марко Божиновски“, се посочува во клупското соопштение на актуелниот кошаркарски првак. Продажбата на билетите почнува в четврток, а ќе можат да се купат преку интернет-сајтот www.mktickets.mk, продажните места на МК Тикетс, како и на билетарницата пред спортскиот центар „Јане Сандански“. Поранешниот македонски кадетски и младински ракометен репрезентативец Марко Божиновски почина во сон на 3 јуни минатата година, кратко време по прволигашкиот натпревар на кој настапи во дресот на Бутел против Еурофарм Пелистер 2.

Пелистер со победа ги заврши настапите во АБА 2 лигата

Ивана Ефремовски — Sat, 26 Mar 2022 15:37:06 +0000

Кошаркарите на Пелистер попладнево во Широки Брег го совладаа тимот на Спарс од Сараево со 97:90 во последниот свој настап во регионалната кошаркарска АБА 2 лига. Битолчани беа поуспешни во сите четири периоди (29:27, 25:24, 23:20 и 20:19) и заслужено стигнаа до четвртата победа во второто по квалитет регионално натпреварување. Игор Кесар со 24 и Никола Малешевиќ со 23 поени беа најефикасни во победничкиот состав. Пелистер и покрај победата не успеа да се пласира на завршниот турнир, на којшто ќе игра вториот македонски претставник и во моментов лидер во лигата, МЗТ Скопје Аеродром. (МИА)

МЗТ Скопје со нова победа во АБА 2 лигата

Бошко Тасиќ — Sun, 19 Dec 2021 21:07:59 +0000

Македонскиот кошаркарски шампион МЗТ Скопје турнирот во Сараево го завршија со максимален ефект, победен е и Ловќен (100:81), за второ место на табелата по три турнири. Најдобар кај македонскиот шампион беше Американецот Ваер со 19 поени, пред Мекиќ со 15 поени, осум скока и осум асистенции, додека третото место го делат Крстевски и Рикиќ со по 11 поени. Кај Ловќен, Хаџибеговиќ реализира 20 поени. МЗТ Скопје со трите победи во Сараево е на второто место во АБА-2. Нашиот претставник има скор 6-1 и се наоѓа веднаш зад лидерот Борац Бања Лука кој има седум победи на седум натпревари.