аба лига 2 – Kurir.mk

ТФТ со пораз ја отвори новата сезона во АБА2 лигата

Бошко Тасиќ — Tue, 10 Oct 2023 04:07:37 +0000

Македонскиот кошаркарски прволигаш ТФТ доживеа пораз од Златибор од 93:74 во првата средба од новата сезона во АБА2 лигата. Скопскиот тим не одигра добро во првата и последната четвртина што придонесе на крајот да доживеаа и убедлив пораз од српскиот тим. Златибор првите десет минути ги реши со 33-22, па таа предност потоа ја задржа по 20 и по 30 минути игра за да во завршниот период дополнително ја зголеми и на најдобар можен начин го отвори турнирот во Суботица. Најефикасен играч кај ТФТ беше Николов со 17 поени на кои придодаде 5 скока и 1 асистенција. Ковачевиќ пак со 22 кошеви беше прво име кај победникот. ТФТ во второто коло се соочува со Широки Бријег.

Пелистер загуби во последниот меч во „балонот“ во Бања Лука

Бошко Тасиќ — Sun, 29 Jan 2023 15:29:48 +0000

Кошаркарите на Пелистер загубија од Златибор Чајетина со 75-69 во последниот меч од АБА2 лигата кога е во прашање „балонот“ во Бања Лука. Македонскиот прволигаш имаше добри и лоши моменти на овој меч, успеа да се врати од минус 17 и да поведе во последниот период, меѓутоа завршницата му припадна на српскиот претставник за кого ова беше седма победа во актуелнава кампања. Карутерс со 22 и Карпентер со 18 поени беше најефикасни кај клубот од Битола, додека предводникот го предводеше поранешниот играч на МЗТ Скопје, Протиќ со 23 кошеви. Пелистер има учинок 6-4 по 10 кола во АБА 2 лигата и во моментов е на местата кои водат во плејофот.

Победнички старт на МЗТ Скопје Аеродром во АБА 2 лигата

Тале Кристо — Tue, 12 Oct 2021 18:58:05 +0000

Македонскиот кошаркарски првак МЗТ Скопје Аеродром со победа ја отвори новата сезона во регионалната АБА 2 лига, откако триумфираше вечерва во воведното коло на турнирот во Златибор над Младост Земун со 97:90 (50:45) Дамјан Робев со 28 поени и Немања Милошевиќ со 20 кошеви беа најефикасни во редовите на МЗТ Скопје, кој во второто коло за противник ќе ја има екипата на Рогашка од Словенија, в четврток со почеток во 21 часот. Вториот македонски претставник во АБА 2 лигата, дебитантот во регионалното натпреварување Пелистер, во првото коло на турнирот во Златибор се среќава со црногорскиот тим Сутјеска утре со почеток од 15 часот.

МЗТ Скопје убедливо поразен од Младост во првиот четвртфинален натпревар во плејофот на АБА 2

Тале Кристо — Tue, 20 Apr 2021 12:28:18 +0000

Младост Максбет е многу близу до пласман во полуфиналето од плејофот во регионалната кошаркарска АБА 2 лига, откако попладнево во првиот меч од четвртфиналето го совлада македонскиот претставник МЗТ Скопје Аеродром со 95:75. Победникот се наѕираше уште по првата четвртина која екипата од Земун ја доби со 28:19, а разликата во текот на втората четвртина достигна двоцифрени 21 поен. „Сино-белите“ од Аеродром успеаја да одиграат нешто подобро во третата четвртина која ја решија во своја полза со 19:18, но во последниот период српскиот тим повтоно беше подобар за конечна убедлива победа. Треј Дречсел со 24 поени, Душан Танасковиќ со 19 и Стефан Гомбаулд со 18 беа најдобри во победничкиот тим. Кај МЗТ Скопје прв стрелец беше Иван Карачиќ со 15 поени. Двата тима в четврток ќе одиграат уште еден меѓусебен натпревар по кој ќе бид епознат учесникот во полуфиналето.

Тренерот на МЗТ после победата над Хелиос во АБА лигата: Правевме невидени грешки

Тале Кристо — Wed, 20 Jan 2021 08:56:16 +0000

Тренерот на МЗТ Скопје Аеродром, Ѓорѓи Кочов упати критики на адреса на своите кошаркари, и покрај триумфот над екипата на Хелиос од 70:69 во АБА 2 лигата. Македонскиот првак синоќа со многу среќа во драматична завршница стигна до својот четврти триумф во регионалната лига, откако словенечкиот тим се врати од негатива од 12 поени во последната четвртина и испушти шанса за победа во завршните секунди од натпреварот. -Ваква неодговорност и грешки, какви што ние ги правевме во финишот, досега немам видено. Единствена добра работа е што тие го промашија тој последен шут и што ние стигнавме до победата. Среќа е што сме овде сите заедно, па уште веднаш ќе почнеме со корекција на сите грешки што ги направивме, изјави Кочов по натпреварот. Феми Олуџоби со 16 поени беше најпрецизен во македонскиот тим, додека Андрија Бојиќ постигна 12, а Андреј Магдевски 10 поени, додавајќи шест скокови и седум асистенции. МЗТ Скопје Аеродром има ефект од четири победи и еден пораз во пресрет на следниот дуел на турнирот во Бања Лука против Слобода Ужице, закажан за в петок.