аба лига – Kurir.mk

Екипа од Дубаи ќе игра во АБА-лигата и тоа оваа сезона

Бошко Тасиќ — Tue, 31 Oct 2023 05:04:15 +0000

Веќе извесно време се зборува за приклучување на Дубаи во АБА лигата, а сега е направен и првиот конкретен чекор. АБА лигата потврди дека екипата на Дубаи У19 ќе учествува на престојниот јуниорски турнир на АБА лигата кој ќе се игра од 21. до 23. ноември. Тимот од Обединетите Арапски Емирати во првото коло ќе игра против Црвена звезда, а во групата е уште со Студентски центар и Борец.

Клуб од Дубаи влегува во Евролигата и АБА

Бошко Тасиќ — Wed, 25 Oct 2023 16:54:14 +0000

Интересни вести доаѓаат од Шпанија во врска со европската кошарка. Порталот „Енцестандо“ наведува дека Евролигата сака што поскоро да одобри проширување за уште два тима. Станува збор за Париз, но и за целосно нов клуб кој ќе биде со седиште во Дубаи. За таков развој на настаните веќе се зборуваше и претходните години, а сега има конкретни информации. Покрај настапот во Евролигата, клубот од Дубаи би бил член и на АБА лигата, за што регионалното натпреварување би добило голем финансиски надомест, пишува „Енкестандо“. Новинарот Хавиер Маестро се повикува на свои извори и пишува дека тимот веќе избрал тренер. Тоа е познатиот стручњак Светислав Пешиќ, селектор на Србија и вицешампион на светот од последниот Мундобаскет. Како потврда на своето пишување, „Енцестандо“ наведува дека еден од клучните луѓе за формирање на клубот во Дубаи е Дејан Камењашевиќ, син на некогаш познатиот спортски коментатор Мирко Камењашевиќ. Дејан Камењашевиќ пристигна во Жирона како 17-годишник и долго време е во кошарката, а токму во овој каталонски клуб му беше помошник на Пешиќ. Покрај тоа, тој работеше и во стручниот штаб на Басконија а со години работи и во Персискиот залив. Ова не е крајот на информациите - еден од главните луѓе за функционирање на блискоисточниот клуб треба да биде Ѓорѓе Ѓоковиќ, помладиот брат на Новак Ѓоковиќ. Ѓорѓе Ѓоковиќ веќе има искуство во светот на спортот и е организатор на турнирот „Србија опен“ што се одржуваше во Белград и Бања Лука. Останува да видиме како ќе се реши фактот што Дубаи е доста далеку од некои градови од Евролигата, особено оние од Западна и Северна Европа - Мадрид или Каунас, на пример. Тоа е лет од седум или осум часа. Париз моментално учествува во Еврокупот, има голем буџет од над девет милиони евра, а не е тајна дека елитното европско натпреварување сака да се прошири во еден од најголемите европски градови, а со тоа и пазари. Тимот го предводат нови ѕвезди на европската кошарка – финскиот тренер Исало и американскиот плејмејкер со македонски пасош Ти Џеј Шортс

Нов убедлив пораз за ТФТ во АБА2 лигата

Бошко Тасиќ — Thu, 12 Oct 2023 04:06:31 +0000

Екипата на ТФТ доживеа нов убедлив пораз во АБА2 лигата на турнирот што се игра во Суботица. Во првото коло клубот од Тафталиџе беше надигран од Златибор со 93:74, додека пак вечерва поуспешен од нив беше составот на Широки Бријег и тоа со резултат 85:66. Нашиот прволигаш не можеше да смета на неколку важни играчи како Марковски, Симонс и Морган и сето ова придонесе за слабото издание, доминацијата на противникот. Веќе по 10 минути Широки водеше со 32-17, предност која дополнителни ја зголеми до паузата (49-27) по што стана јасно кај кога ќе заршат двата бода. Хотон со 15 бода беше прв стрелец кај ТФТ кој за следен ривал ја има Цедевита Јуниор

Почнува новата сезона во АБА лигата

Ивона Петрова — Fri, 29 Sep 2023 11:05:35 +0000

Со дуелот меѓу Сплит и СЦ Дерби денеска почнува натпреварувачкиот дел во регионалната кошаркарска АБА лига во која по испаѓањето на МЗТ Скопје Аеродром сезонава нема да има претставник на македонската клупска кошарка. Титулата ја брани белградски Партизан кој минатата сезона во финалето го совлада градскиот ривал Црвена ѕвезда со 3-2. Преостанатите двојки од воведното коло кое ќе финишира в понеделник се Цедевита – Мега, Будуќност – Задар, Игокеа – Црвена ѕвезда, Борац – Цибона, ФМП – Крка и Партизан – Морнар. Пласман во плејофот ќе обезбедат првите осум пласирани екипи. Четвртфиналните и полуфиналните серии ќе се играат до две победи, а финалната серија до три победи.

АБА-лигата воведе ново правило

Бошко Тасиќ — Fri, 29 Sep 2023 04:06:03 +0000

Непосредно пред стартот на сезоната во кошаркаската АБА лига,челниците на оваа натпреварување промовираа едно ново правило поврзано со челинџот. Тренерот нема да го загуби правото за челинџ доколку биде во право и е потребна корекција на судиската одлука, нешто што не беше пракса досега. Тоа не е единствена добра новина кога се работи за челинџот од страна на тренерите и играчите. Сега, секој тим ќе има право на два челинџа, а не како што беше досега, само со еден предизвик да се побара корекција на судиска одлука. Во последните две минути од средбата, секој тим ќе има можност само по еднаш да побара челинџ, дури и во ситуација ако се останати двата челинџа неискористени.

КК Партизан остана без трофејот во Суперкупот на АБА

Бошко Тасиќ — Thu, 21 Sep 2023 04:21:45 +0000

Кошаркарите на Студентски Центар направија големо изненадување и славеа над Партизан со 83:81 во вечерашното финале на Суперкупот во АБА лигата. „Црно-белите“ беа апсолутни фаворити против популарните студенти, но црногорскиот тим максимално се бореше на средбата во Подгорица, даде се од себе и се доведе во ситуација да решава една топка. Во последниот напад за Студентски Центар одговорноста ја презема Капуста кој успеа да даде тројка за големо задоволство на домашните навивачи. Доукинс со 18 поени беше прв стрелец кај победникот, додека за гостите од Белград залудни беа 23 коша на Пантер.

АБА лигата во хаос поради српските клубови

Бошко Тасиќ — Sun, 17 Sep 2023 05:43:55 +0000

Директорот на кошаркарската лига на Србија, Александар Грујин најави дека српските клубови, вклучувајќи ги и Црвена ѕвезда и Партизан, постигнале договор нивната лига од сезоната 2025/26 да биде професионална и со резултатите од тоа натпреварување, да се избодува место во Европа. Ако ова се случи, најмногу ќе настрада регионалната АБА лига која сигурно ќе престане да постои во актуелниот облик. „Се договоривме дека од сезоната 2025/26, нашата лига ќе стане професионална. Во неа би играле и Црвена ѕвезда и Партизан, па сите екипи кои ќе бараат излез во меѓународни натпреварувања, тоа ќе гоправат со резултати од домашната лига. Со тоа ќе се формира силна српска лига во која би играле најсилните клубови и нема да има потреба да учествуваат во регионална лига“, вели Грујин. Во новата сезона од АБА лигата, од вкупно 14 клубови, дури пет се од Србија и тоа Црвена ѕвезда, Партизан, Мега, ФМП и Борац. Од 2014 година кога првак беше Цибона, во следните девет години, дури осум пати шампионот во АБА лигата беше српски тим. Само во 2018 година, доминацијата ја прекина Будуќност. По оваа одлука на челниците во српската лига, со реакција се јавија од Партизан, каде Црно-белите преку соопштение како да објаснија дека повеќе сакаат да останат во АБА лига, отколку да влезат во Српска лига.

Црвена Звезда одби да игра во Супер-купот на АБА лигата

Бошко Тасиќ — Wed, 09 Aug 2023 04:00:06 +0000

Кошаркарската АБА-лига неодамна објави дека ќе го врати Суперкуп натпреварувањето како „загревање“ за новата сезона во регионалното натпреварување, но веќе стана јасно дека не може да биде донесена едногласна одлука во АБА. Според пропозициите, дел од ова натпреварување требаше да биде најдобрите осум тима од ланската сезона, но Суперкупот ќе мора да се одржи без второпласираната Црвена Звезда, откако „црвено-белите“ објавиле дека немаат намера да бидат дел од ова натпреварување. Црвена Звезда веќе подолго време е во конфликт со бројни клубови, како и со највисокото раководство на АБА, што резултираше дел од тимовите да бараат и српскиот гигант да биде исфрлен од натпреварувањето за наредната сезона. Очекувано, тоа не се случи но страстите се разгореа, а Црвена Звезда се одлучи со неиграњето да го намали кредибилитетот на овој турнир. Местото на „црвено-белите“ го зазеде тимот на Мега, а донесена е одлука Суперкупот на АБА да се одржи во Подгорица од 18 до 20 септември. Притоа, познати се и четвртфиналните двојки: Будуќност – Задар, ФМП – Студентски Центар, Партизан – Мега и Цедевита Олимпија – Игокеа.

Кошаркарската АБА лига го враќа Супер купот

Бошко Тасиќ — Fri, 21 Jul 2023 04:15:17 +0000

АБА лигата за оваа сезона планира враќање на Супер купот кој треба да биде вовед во новото издание од регионалното кошаркарско натпреварување. Турнирот најверојатно ќе се одигра во Подгорица, а на него ќе настапат осумте најдобри тимови во последната сезона и според тоа покрај домаќинот Будуќност ќе партиципираат шампионот Партизан, финалистот во разигрувањето Црвена Звезда и Цедевита Олимпија, ФМП Железник, Мега, Задар и Студентски Центар. Се очекува пред да се играат решавачките дуели за пласман во првата секоја од екипите ќе игра по три натпревари што значи дека учесниците ќе бидат поделени во две групи по четири. До сега одржани се три АБА Супер купа и тоа во периодот од 2017 до 2019 година кога следуваше прекин поради пандемијата, а трофеите ги освојуваа Цедевита, Црвена Звезда и Партизан.

Партизан и неколку клубови побарале Црвена звезда да биде исфрлена од АБА лигата?

Бошко Тасиќ — Tue, 18 Jul 2023 03:34:56 +0000

На последото собрание на кошаркарската АБА лига на кое наводно било побарано исфрлање на Црвена звезда од регионалното натпреварување. Имено, неколку клубови, меѓу кои и Партизан, побарале „црвено-белите“ да бидат исклучени од натпреварувањето поради непочитување на социјалниот договор на лигата. Ц.Звезда е единствената која не сака да даде согласност СЦ Дерби да стане еден од косопствениците на лигата, исто како и другите клубови кои учествуваат во АБА-лигата 1. СЦ Дерби има право, врз основа на споменатиот социјален договор, да стане косопственик на лигата бидејќи ја освои АБА2 лигата. Потоа, дојдоа нови информации дека на Собранието во Загреб немало ниту збор за исфрлање на ниту еден клуб од највисокото ниво на регионалното натпреварување. Имено, бидејќи АБА лигата како организација е во сопственост на клубовите учесници, тема на седницата пред новата сезона беа статутите на клубовите и расправата за социјалните договори на лигата. Сите учесници во натпреварувањето поседуваат и удел во сопственоста на истото. Според сегашните правила, секој тим што ќе испадне во понизок ранг (АБА 2) го губи својот дел од сопственоста, додека неговата улога ја презема шампионот на АБА2 лигата.