Плејофот во АБА лигата стартува на 28 април

Тале Кристо — Mon, 24 Apr 2023 19:34:59 +0000

Со натпреварот меѓу Будуќност и Мега в петок ќе почне разврската за титулата во АБА лигата, соопшти денеска регионалното кошаркарско натпреварување. Дуелот во Подгорица е закажан со почеток во 18 часот, а два часа подоцна во одбрана на титулата ќе тргнат кошаркарите на Црвена ѕвезда против Задар. Првиот натпревар од четвртфиналето во плејофот меѓу Цедевита Олимпија и ФМП ќе се игра в сабота, додека датумите за четвртфиналните пресметки меѓу Партизан и Студентски центар, како што е соопштено, ќе бидат објавени веднаш по завршувањето на четвртфиналната серија на „црно – белите‘ против Реал Мадрид во Евролигата. Четвртфиналето во АБА лигата се игра во две победи.

Новата сезона во АБА ќе почне на 19 септември

Тале Кристо — Mon, 29 Jun 2020 19:14:42 +0000

На денешното Собрание на клубовите од регионалната кошаркарска АБА лига одржано преку видео-врска, донесена е одлука новата сезона да започне на 19 септември. Основниот дел од сезоната ќе трае до 28 март 2021 година, додека плеј-офот треба да започне на 4 април 2021 година. Собранието донесе одлука дека и АБА Лигата и АБА Лига 2 ќе бидат составени од 14 клуба до сезоната 2024/25. Во согласност со потврдениот систем на натпреварување, последнопласираниот тим на АБА-лига нема да има право да учествува на ова ниво на натпреварувањето во наредната сезона, додека 13-пласираниот тим на АБА-лигата и финалистот на АБА Лига 2 ќе се соочат едни со други во баражот за АБА-лигата. Поради пандемијата на коронавирус откажан е Суперкупот на АБА 2020/21 година. Доколку Приморска, која има финансиски проблеми не се откаже од натпреварувањето, МЗТ Скопје Аеродром ќе остане во АБА 2, каде во новата сезона, од македонските клубови ќе игра и Работнички.

АБА – Kurir.mk

Плејофот во АБА лигата стартува на 28 април

Новата сезона во АБА ќе почне на 19 септември