абба – Kurir.mk

Пејачката на „АББА“ Агнета Фелцког најави соло-песна

Ивона Петрова — Wed, 30 Aug 2023 06:39:26 +0000

Агнета Фелцког, пејачка на шведската поп-група АББА, ја најави својата нова, овојпат соло-песна, под наслов „Where Do We Go From Here?“ (Каде одиме ние одовде?)“. „Светската премиера на песната е на „Би-би-си рaдио 2“. Вклучете се в четврток на 31 август во 8:30 часот“, напиша Фелцког на Инстаграм. „АББА“ е основана 1972 година, а последниве години членовите, по подолга пауза, повторно се обединија и одржаа неколку концерти. Групата се здоби со светска популарност во 1974 година, кога победи на „Евровизија“ со песната „Waterloo“.

Почина гитаристот на групата АББА

Ивона Петрова — Mon, 10 Apr 2023 15:13:58 +0000

Долгогодишниот гитарист на шведската поп група АББА, Ласе Веландер, почина по кратка битка со тешката болест. -Беше фантастичен музичар и скромен како ретко кој друг, но пред се прекрасен сопруг, брат, татко и дедо, се вели во објавата на неговото семејство на социјалните мрежи. Веландер одигра голема улога во повеќето студиски снимки и турнеи на шведскиот бенд во текот на 70-тите и 80-тите години, а беше вклучен и во создавањето на последниот албум на групата, Voyage, кој беше објавен во 2021 година. Тој свиреше на вкупно 24 студиски снимки на бендот, вклучувајќи ги и сите осум нивни студиски албуми, и учествуваше на нивната последна турнеја помеѓу 1979 и 1980 година, на која бендот свиреше распродадени концерти. Покрај АББА, тој свиреше со голем број други бендови и уметници од Шведска, а исто така го издаде својот деби албум во 1981 година, пред да продуцира и издаде уште 11 во текот на годините. Во 2014 година, како член на АББА, Веландер беше примен во шведската музичка куќа на славните.

ТАЖНА ВЕСТ ГО ПОТРЕСЕ СВЕТОТ: Почина легендарниот музичар од групата АББА

Ивана Ефремовски — Fri, 24 Feb 2023 18:29:50 +0000

Карл Едвард Томи Боргуд, попознат по прекарот Слим, познатиот возач на Формула 1 и тапанар на легендарниот бенд АББА, почина на 77-годишна возраст по долго и тешко боледување. За многумина еден од најлудите и најшарените возачи во историјата на „најбрзиот циркус во светот“ успеа да го постигне навидум невозможното - истовремено возеше во Ф1 караван и свиреше со АББА. „Слим“ Боргуд беше и шведски рок-тапанар и возач на Формула 1 во две сезони со името АББА исцртано од страните на неговите болиди.

Членовите на легендарната поп група АББА повторно се собираат во Лондон

Магдалена Андонова — Fri, 27 May 2022 12:54:41 +0000

Легендарната шведска поп група АББА повторно се обедини во Лондон за да го одбележи почетокот на серијата настапи на „ABBA Voyage“. Бендот објави дека ова е досега невиден настап, односно „концерт подготвуван 40 години“, исполнет со хитови, на кој таканаречените „АВБА аватари“ се придружувани од десетчлен бенд во живо во „АББА арена“ во источен Лондон.

ВИДЕО: АББА објавија нов спот за една од нивните најуспешни песни

Ивона Петрова — Mon, 21 Mar 2022 07:50:29 +0000

Шведскиот бенд „АББА“ објави нов спот со стихови – за нивниот хит „Chiquitita“. Песната, инаку, е водечки сингл од албумот „Voulez-Vous“ од 1979 година и е една од најуспешните во историјата на бендот. „Chiquitita“ е еден од ретките синглови на „АББА“ објавени без посебен видеоспот. За видеото е користена телевизиска верзија на песната, снимена од Би-би-си во Швајцарија, 1979 година. Во него бендот ја изведува песната на планинска падина со снешко во позадина. „АББА“ неодамна повторно се обединија за да го издадат „Voyage“ – деветтиот студиски албум на бендот и прв по 40 години. Најавено е и ново концертно искуство – со нивните дигитални аватари, придружени од бенд во живо. Првиот концерт ќе се одржи на 27 мај.

АББА воодушевени, нивниот нов албум е најпродаван во Велика Британија за само седум дена

Ивона Петрова — Sat, 13 Nov 2021 14:51:50 +0000

Шведската поп група АББА го достигна врвот на музичката британска скала со албумот „Voyage“, прв студиски албум од 1981 година. Албумот е продаден во 204.000 примероци за седум дена, што претставува најдобар почеток на некој албум во Велика Британија во период од четири години. Последен албум беше „Divide“ на поп ѕвездата Ед Ширан. Од распадот на бендот кој крајот на 1982 година, само една година по издавањето на последниот албум, женскиот дел од групата никогаш повеќе не објави ниедна песна. Нивниот 10-ти албум „Voyage“ е на прво место во Велика Британија. -Пресреќни сме бидејќи нашите обожаватели уживаат во новиот албум како и ние. Апсолутно сме воодушевени поради тоа што албумот е на врвот на скалата, соопштија членовите на бендот.

„АББА“ денеска го објавува новиот албум

Тале Кристо — Fri, 05 Nov 2021 07:42:42 +0000

Легендарната шведска поп-група „АББА“ денеска се враќа на музичката сцена со објавувањето на новиот албум „Voyage“, по речиси 40 години од првото распуштање на познатиот состав. Бендот го најави новиот албум на почетокот на септември во Лондон, претставувајќи една од новите песни „I Still Have Faith in You“. Пред објавувањето на албумот, на јавноста ѝ беа претставени уште две песни – „Don’t Shut Me Down“ и модернизирана верзија на песната „Just A Notion“, снимена 1978 година, но која не се нашла на ниту еден албум сѐ досега. Составот најави и турнеја, но виртуелна – со холограми на членовите. Шведскиот квартет беше активен од 1972 до 1982 година. Последниот албум на групата „The Visitors“ беше објавен 1982 година. Групата ја сочинуваат Бјорн Улвеус (76), Бени Андерсон (74), Ани-Фрид Лингстад (75) и Агнета Фалцког (71). Со песната „Waterloo“ од 1974 година, „АББА“ победи на Евровизија, а остана запомнета и по хитовите „Dancing Queen“, „Mamma Mia“, „Money, Money, Money“, „Take A Chance On Me“ „The Winner Takes It All“ и други.

Трагедија на концерт посветен на групата АББА

Ивона Петрова — Wed, 03 Nov 2021 07:49:16 +0000

Две лица загинаа, а едно е повредено пред почеток на концерт посветен на групата АБАА во Шведска. Концертот е организиран во сала во предградието на Стокхолм на кој присутни биле околу 1.000 лица. Триесетина минути пред концертот едно лице паднало од висина во фоајето на приземјето. Лицето паднало врз маж кој се наоѓал во приземјето, по што двете лица починале. Третото лице се здобило со повреди кои не се опасни по живот и било пренесено во болница. Полицијата засега не го соопштија идентитетот на жртвите.

Ова е дефинитивно крај, еве кога ќе се распушти групата АББА

Ивона Петрова — Thu, 28 Oct 2021 08:18:10 +0000

И покрај новиот албум и турнеја, поп-групата „АББА“ објавија дека се распуштаат. Но, тоа по виртуелниот настап со свои т.н. „Абатари“ и другите планирани настапи. – Тоа е тоа! Ова, второ распуштање, е различно од она во 1982 година. Тогаш одамна не реков дека „АББА“ никогаш повеќе нема да се повтори. Но сега можам да ви кажам: Овој пат е дефинитивно крајот!, изјави за „Гардијан“ познатиот член на бендот Бени Андерсон (74). Сепак, светот има уште на што да очекува бидејќи нивниот нов албум со 10 песни, „Voyage“ (Патување), ќе биде објавен на 5 ноември, а во продажба се и билетите за турнејата со истото име, закажана за 2022 година. Песната „Don’t Shut Me Down“ е веќе преслушана над 25 милиони пати на Спотифај, а „I Still Have Faith in You“ – повеќе од 15 милиони пати. Светските хитови, пак, како „Dancing Queen“, „Gimme!“ и „Mamma Mia“ сега имаат деветцифрен број на преслушувања на стрим-платформите.

„АББА“ објавија и трета песна од претстојниот албум

Катерина Бојаџиева — Tue, 26 Oct 2021 12:26:36 +0000

Помалку од два месеци по објавувањето на првите две песни од новиот албум на „АББА“, што се случи четири децении по нивната последна плоча, бендот сега ја објави и третата песна од новата компилација. Нумерата е насловена „Just a Notion“ и го носи добро познатиот звук на шведскиот легендарен состав. На почетокот на септември, превезот на мистеријата околу проектот, на кој членовите на групата работеа три години, беше отстранет. Публиката дозна дека албумот се вика „Voyage“ и тоа беше проследено со две песни – „I Still Have Faith in You“ и „Don’t Shut Me Down“. Албумот ќе излезе на 5 ноември и ќе биде првиот студиски албум на бендот по 40 години откако претходниот „The Visitors“ беше објавен во 1981 година. Групата разви и концертна програма со дигитални инкарнации за секој член на групата. Доколку нема дополнителни изненадувања, следната година, концертот ќе се одржи во специјално изградената арена во Лондон.