Абдулменаф Беџети – Kurir.mk

Беџети: Универзитетот на ЈИЕ поради техничко административна грешка издавал несоодветни уверенија,темата е полувистина

Тале Кристо — Tue, 29 Nov 2022 13:44:18 +0000

На Универзитетот на Југоисточна Европа поради техничко административна грешка биле издавани уверенија со погрешно наведување на називот односно звање, а не дипломи, објаснуваше денеска на новинарско прашање ректорот Абдулменаф Беџети околу темата дали установата има издавано спорни документи за дипломирање. Според него, станува збор за околу 200 такви уверенија. -Тоа е полувистина, за периодот од 2008 до 2010 година немало регулирано со декрет во државата за квалифицикациите и за звањата во тој дел. Така шро од 2010 ноември донесен е декретот, односно одлуката каде се идентификуваат називите на звањата и разликите во седми степен и шести степен. Меѓутоа тоа не дека се издадени дипломи, да бидеме на јасно, издадени се во кои стои бројот на трансфер европски кредити ЕЦТС каде што пишува 180 ЕЦТС кредити тоа значи е рамно на тригодишни студии (Bachelor). Меѓутоа некој сака да ги толкува така само за да на некој начин внесува забуна. Но пак велам е полувистина, дел се во право затоа што веќе во 2012 кога е регулирано,односно 2011 почнало примена на декретот односно на одлуката, кога е регулирано, меѓу 2011 и 2012 имало такви случаи каде уверенијата се издадени со погрешно наведување на називот односно звање VII-1 . Меѓутоа од 2012 натака се е во ред. Во суштина нема грешка, има техничко административна грешка во нецелиот тој период и не е тој број на дипломи 437 туку е помал од 200. Но колку и да е и две дипломи да се е в ред. Не се дипломи туку се уверенија, изјави Абдулменаф Беџети. УЈИЕ денес беше домаќин на завршна конференција на проект посветен на лажни вести.

Беџети: Платежни картички од Владата добија и членови на семејства на сопственици на компании

Тале Кристо — Wed, 17 Jun 2020 19:01:12 +0000

Економистот и академик Абдулменаф Беџети вели дека платежни картички која Владата ги додели за поддршка за најпогодените граѓани од економската криза која на предизвика пандемијата со корона вирусот, ја добиле и членови на семејства на сопственици на компании. Тој во емисијата „10 минути“ истакна дека бројката на лица кои се дел од семејства на сопственик на компанија и кои добиле платежна картичка од Владата е голем. Тој потенцираше дека сопруги или деца на сопственици на компании се вработени во тие компании со минимална плата само за да имаат здравствено и пензиско осигурување, и по тој основ тие и добиле платежна картичка која за нив е незначителна и со која ги исмеваат институциите. - Има големи пропусти во реализацијата на субвенциите од третиот пакет економски мерки. На пример, една од субвенциите што сега се даваат се платежните картички и главен критериум на картичките е, тие што имаат примања до 14.500 денари. Но и членовите на семејстават на сопственици на компании кои се вработени, кои можеби не се на активна работа, но се вработени за да имаат пензиско и здравствено осигурување, ги земаат тие плати. Дали се членови на семејство како сопруги, деца сопственици на компании и тие имаат добиено платежни картички. Тоа е смешно, траги-комично. Значи во ниту еден случај не требаше да се дозволи, во процесот на селекција, не знам точно колку се, но знам дека се многу. И сега да се случи да земат и тие кои што на еден или на друг начин немаат потреба, не се зависни. За нив тоа не е некоја добивка, апсолутно никаква, дури се и смешни. Се зафркаваат со институциите, рече Беџети. Тој појасни дека сето ова покажува дека планирањето од страна на Владата за третиот пакет економски мерки, не е направено врз основа на анализите. Беџети исто така констатираше дека економските мерки на владата за поддршка на економијта, особено од третиот пакет, заглавија во реализацијата поради тоа што имаме некапацитетни и нефункционални институции.

Беџети: Мора да има темелно разгледување на Енциклопедијата

Предраг Кукиќ — Sun, 07 Apr 2019 18:31:12 +0000

Академикот Абдулменаф Беџети оцени дека Академијата на науки има морална и научна обврска да ги исчисти сите негови изданија кои имаат грешки, особено енциклопедијата. Во интервју за Алсат, Беџети вели дека мора да има темелно разгледување на Енциклопедијата. Академијата вели дека Беџети создава специфичен јазичен културен центар главно за прашања на студии од областа на албанскиот јазик и култура. Во врска со грешките во училишните учебници, Беџети вели дека треба да биде на врвот на главните приоритети на политичката агенда, барајќи разгледување на сите книги на сите нивоа.

Пресинг TВ: Абдулменаф Беџети е еден од кандидатите Албанци кои ги споменува Заев

Ивана Ефремовски — Thu, 24 Jan 2019 11:57:57 +0000

Ректорот на Универзитетот на Југоисточна Европа, Абдулменаф Беџети е еден од кандидатите Албанци на СДСМ и ДУИ за претседател на државата, дознава Пресинг Тв од партиски извори. Беџети бил предложен од страна на СДСМ и од партијата на Али Ахмети начелно немале ништо против. Во моментов раководствата на СДСМ и на ДУИ спроведуваат интерни анкети дали Беџети би бил прифатлив за гласачите, а посебно ова се однесува на СДСМ за тоа како граѓаните би прифатиле предлог за претседател кој би бил Албанец и дали тоа ќе предизвика револт кај дел од членството, но и кај неопределените гласачи, објави порталот. Беџети важи за економски аналитичар и голем критичар на претходната власт за економските политики. Тој има 59 години, член е на МАНУ и поранешен претседател на ФК Шкендија. Премиерот Заев пред неколку дена изјави дека на последната анкета што ја нарачале имало десет имиња со двајца Албанци меѓу нив.

Академик Абдулменаф Беџети нов ректор на УЈИЕ

Ивона Петрова — Fri, 08 Jun 2018 14:27:43 +0000

Академик Абдулменаф Беџети од денеска е нов ректор на Универзитетот на југоисточна Европа во Тетово (УЈИЕ,) информира Службата за односи со јавност на оваа високообразовна институција. Одлуката била донесена на посебна седница и со тајно гласање од страна на Одборот на УЈИЕ, а неговиот мандат ќе трае во наредните четири години. Беџети доаѓа на оваа место по завршувањето на мандатот на досегашниот ректор на УЈИЕ проф. д-р Замир Дика кој ја водеше институцијата во два мандата. Конкурсот за нов ректор на УЈИЕ беше отворен до 19 февруари оваа година. Како дел од барањата за оваа позиција беа наведени академско звање – редовен професор признато од страна на државата, искуство во управување - по можност да е добиено на универзитет и ентузијазам за развивање со специфичната мисијата на УЈИЕ, давајќи приоритет на кандидатите кои ги знаат јазиците кои се користат на овој Универзитет - албанскиот, македонскиот и англискиот.