абу даби – Kurir.mk

Американците ја растурија Грција во Абу Даби

Бошко Тасиќ — Sat, 19 Aug 2023 04:57:40 +0000

Кошаркарската репрезентација на САД покажа дека пак е фаворит за златото на Светското првенство, декласирајќи ја Грција со 108:86 на пријателскиот меч во „Етихад арената“ во Абу Даби. Ентони Едвардс блесна за САД со 21 поен, 4 скока и 1 асистенција, Камерон Џонсон додаде 13 поени, а Џерен Џексон и Остин Ривс завршија со по 11 поени. Кај Грците, селекторот Димитрис Итудис не можеше да смета на Костас Папаниколау, а најдобри на теренот беа Никос Рогавопулос и Панајотис Калаицакис со по 12 поени.

Почнува најголемиот саем за воена опрема во Абу Даби

Тале Кристо — Mon, 20 Feb 2023 06:44:10 +0000

Од 20 до 24 февруари Обединетите Арапски Емирати и градот Абу Даби ќе бидат домаќини на шеснаесеттата меѓународна изложба на оружје и воена опрема „IDEX 2023“ и седмото издание на Поморската воена изложба“ NAVDEX 2023“ - најголемите настани од таков вид во светот, каде се прикажуваат најновите иновации и технологии во меѓународниот одбранбен сектор, како и најновите технологии и опрема развиени од одбранбените сектори ширум светот. Во петте саемски дена ќе бидат претставени експонати на 165.000 квадратни метри отворен и затворен простор во рамките на Националниот изложбен простор. Ќе учествуваат 1.350 излагачи од 65 земји, како и 82 старт-ап компании од 25 земји, најавија организаторите. На настанот ќе присуствуваат 350 делегации на високо ниво од целиот свет, како и бројни лидери, претставници од меѓународни одбранбени и безбедносни компании и експерти од целиот свет. Организаторите проценуваат дека ќе има повеќе од 130.000 посетители, со што ќе се урне рекордот од претходното издание на саемот. Повеќе од 30 земји ќе имаат свои национални павилјони, а традиционално најголем павилјон ќе бидат Обединетите Арапски Емирати, додека Турција е веднаш зад нив.

Експлозија во ресторан во Абу Даби, неколкумина повредени

Ивана Ефремовски — Mon, 23 May 2022 15:37:30 +0000

Неколку лица се повредени при експлозија на плинска боца во ресторан во Абу Даби, објави локалната полиција на Твитер. Како што наведе полицијата, во експлозијата биле оштетени и неколку продавници. Екипите за цивилна одбрана работат на гаснење на пожарот. Засега не е прецизирано колку луѓе се повредени во пожарот, ниту колку објекти се оштетени. (МИА)

Експлозија во Абу Даби: Одекнуваат сирени, американската амбасада објави предупредување (ВИДЕО)

Ивона Петрова — Wed, 09 Feb 2022 06:48:36 +0000

Тимови на цивилната одбрана го изгаснале пожарот кој бил предизвикан од експлозија на плинска боца во една зграда во Абу Даби, објави државната агенција. Во пожарот, како што јавува Ројтерс, нема повредени. Се наведува дека експлозијата се случила на улицата Хамдам каде се одржува Светското клупско првенство во фудбал. На снимки објавени на социјалните мрежи се забележува моментот на експлозијата.

Reports of various explosions in #AbuDhabi. Heavy presence of police & emergency response teams outside a tower that may have been hit by a rocket. This comes after a time the Houthi leader Abdul Malik Al-Houthi warned that UAE isn't safe anymore.#Dubai #UAE #Yemen #Houthi pic.twitter.com/LHl5e2KjbO
— Dr. Khayre (@HSKhayre) February 8, 2022

АП потсетува дека движењето Хути изведе неколку напади на Абу Даби и дека неодамна во еден од тие напади загинаа три лица, а шест беа ранети. Американската амабасада објави предупредување по повод „извештај за можен ракетен напад или напад со дрон“.

Yerel kaynakların aktardığı bilgilere göre #AbuDhabi'de yaşanan patlamanın Hussiler tarafından yapılmış bir füze saldırısı olabileceği yönünde. pic.twitter.com/Qsh6lF9DPN
— Erhan Akbaş (@akbaserhan) February 8, 2022

ОАЕ уништи две ракети насочени кон Абу Даби

Тале Кристо — Mon, 24 Jan 2022 06:52:11 +0000

Министерството за одбрана на Обединетите Арапски Емирати соопшти дека се уништени два проектила истрелани кон Абу Даби, пренесе Бгнес. – Силите за воздушна одбрана на Обединетите Арапски Емирати (ОАЕ) пресретнаа два проектили истрелани од бунтовниците Хуси од јеменското движење Ансар Алах кон главниот град Абу Даби, објави новинската агенција ВАМ, цитирајќи го Министерството за одбрана на ОАЕ. Според Министерството, остатоци од проектилите паднале во неколку области на емиратот Абу Даби без жртви или повредени.

НБА планира да одржи два претсезонски натпревари во Абу Даби

Магдалена Андонова — Tue, 16 Nov 2021 16:20:30 +0000

Раководството на најсилната кошаркарска лига на светот – НБА има намера да биде организира ревијални натпревари во Абу Даби. Првите натпревари од НБА во Обединетите Арапски Емирати ќе се одржат следната година пред почетокот на сезоната 2022/23, објави „ЕСПН“. НБА и Одделот за култура и туризам во Абу Даби претходно се договорија за повеќегодишно партнерство кое ќе започне со два претсезонски натпревари. Составот на НБА тимовите-учеснички и ќе бидат објавени подоцна. (МИА)

Абу Даби им дозволи на немуслиманите да се венчаат

Ивана Ефремовски — Sun, 07 Nov 2021 18:51:02 +0000

Најновиот декрет на владетелот на Абу Даби им дозволува на немуслиманите да го регулираат својот брачен статус поинаку од претходно, а од денеска ќе можат да се венчаат, да се разведуваат и да имаат заедничко старателство над децата според одредбите на граѓанскиот закон, објави државната новинска агенција. Тоа е еден од последните потези на Обединетите Арапски Емирати, земја во која брачниот статус е регулиран според строгите шеријатски принципи, за одржување на конкурентноста како регионален трговски центар. Според декретот на владетелот на Абу Даби, шеикот Калифа Зајед ал Нахаџан, кој е и претседател на федерацијата на седум емирати на ОАЕ, новиот закон опфаќа граѓански брак, развод, алиментација, заедничко старателство над децата, доказ за татковство и наследство. Целта на законот е „да се зајакне позицијата и глобалната конкурентност на Емиратите како една од најатрактивните дестинации за таленти и луѓе со вештини“. Граѓанскиот закон за немуслиманите е прв од ваков вид во светот што е „согласно најдобрата меѓународна практика“. Во Абу Даби ќе се формира нов суд кој ќе се занимава со немуслимански семејни прашања, а сите прашања ќе се решаваат на арапски и англиски јазик. Обединетите Арапски Емирати воведоа голем број законски измени на федерално ниво минатата година, вклучително и декриминализација на предбрачниот сексуален однос и консумирање алкохол, а исто така беше укинато одредбата за благи казни во случаите „убиства од чест“. Таа земја од Персискиот Залив се обидува да привлече странски инвестиции преку законски измени и да се направи себеси попожелна за долгорочен престој. (МИА)

Абу Даби се затвора

Ивона Петрова — Fri, 16 Jul 2021 05:35:36 +0000

Канцеларијата за итни случаи на Обеиднетите Арапски Емирати соопшти дека Абу Даби оди делумен локдаун. Како што е соопштено, градот се затвора делумно од 19 јули, односно нови мерки ќе бидат воведени во полноќ до 5 часот наутро. -Движењето на јавноста ќе биде ограничено и нема да се користат услугите за превоз. Граѓаните не смеат да ги напуштаат домовите, освен во итни случаи и за набавка на основните намирници, пренесува Ројтерс.

Забранет влез на јавни места за невакцинирани против коронавирус во Абу Даби

Тале Кристо — Mon, 28 Jun 2021 20:32:45 +0000

Главниот град на Обединетите Арапски Емирати, Абу Даби, објави голем број јавни места кои наскоро ќе бидат отворени само за лица вакцинирани против коронавирусот, во обид да се вакцинираат повеќе луѓе. Владата на Емиратот денес објави дека од 20 август, властите ќе започнат со ограничување на пристапот до трговски центри, ресторани, кафулиња, спортски активности, музеи, спортски сали, училишта и универзитети. Практично ќе им биде забрането на невакцинираните лица да влегуваат во градот, освен во супермаркетите и аптеките. Абу Даби веќе воведе систем за зелено поминување што строго го ограничува пристапот до местата за луѓето кои или примиле вакцина или може да покажат негативен тест за вирусот. Земјата сè побрзо го заснова своето брзо економско отворање на вакцинацијата. Владата наведува дека најмалку 93 проценти од населението примило барем една доза на вакцина. Соседниот центар Дубаи, седиштето на „Емирати ерлајнс“ воведе и некои ограничувања кога само вакцинираните лица имаат дозвола да присуствуваат на масовни забави и спортски настани. Сепак, трговските центри и другите продавници се отворени за невакцинирани лица. Обединетите Арапски Емирати можат да се пофалат со една од најбрзите програми за вакцинација со 15,1 милиони дози дадени на девет милиони жители. Земјата најмногу се потпираше на кинеската вакцина Синофарм.

Верстапен ја искористи пол-позицијата и победи на ГН на Абу Даби

Тале Кристо — Sun, 13 Dec 2020 15:06:22 +0000

Возачот на Ред Бул, Макс Верстапен беше најбрз на денешната трка за Големата награда на Абу Даби, последна за сезоната 2020. За Холанѓанецот ова е втора сезонска победа и десетта во неговата кариера. Втората позиција ја освои пилотот на Мерцедес, Валтери Ботас кој го потврди второто место во Генералниот пласман. На третото место се пласира другиот возач на Мерцедес, Луис Хамилтон кој од поодамна ја имаше обезбедено шампионската титула. Од 4-10 позиција се пласираа: Александер Албон, Ландо Норис, Карлос Сајнц, Даниел Рикардо, Пјер Гасли, Естебан Окон и Ленс Строл.