аце коцевски – Kurir.mk

СЕ ВОВЕДУВА ЗОНСКО ПАРКИРАЊЕ ВО ВЕЛЕС – граѓаните револтирани од градоначалникот Коцевски, „ние знаеме за кого НЕ ТРЕБА да гласаме“

Дарко Андоновски — Wed, 14 Jul 2021 09:02:57 +0000

Вчера започна да се монтираат табли за зонско паркирање во Велес. Според најавите на градските власти до крајот на летото ќе започне и наплатата за паркирање во трите зони во градот. Оваа вест буквално ги разочара велешани во пресрет на изборите кои доаѓаа оваа есен, а тие особено се незадоволни од властите на СДСМ и градоначалникот Аце Коцевски. „Кога се кандидираше за градоначалник не им кажа на велешани дека ќе им опнеш такса за паркирање“, „Во Охрид на сите улици наплаќаат, предизборно ветуваа бесплатен паркинг“, „Се ближат избори па ние си знаеме за кого и како да гласаме“, се само дел од коментарите на револтираните велешани.

Вработени од општината Велес и библиотеката во изолација поради близок заразен од коронавирусот

Дарко Андоновски — Mon, 21 Sep 2020 13:29:25 +0000

Вработен во Општина Велес и неговата мајка вработена во Градската библиотека „Гоце Делчев“ се без симптоми но неговиот татко и сопруг е заразен со Ковид-19. Тие се причина во самоизолација да бидат ставени тројца административни службеници на локалната самоуправа и уште толку или сите вработени во библиотеката во Велес. Вработениот службеник во Општина Велес и неговата мајка, врабоена во библиотеката, се ставени во изолација од минатата среда по одлука на градоначалникот на Велес, заедно со тројца колеги од канцеларијата на државниот службеник на општината. Неговите колеги одбиле да одат во самоизолација, но ја почитуваат одлуката за изолација на градоначалникот Аце Коцевски. За да не се создадат услови за појава на нов ткн „општина кластер“ во градот, особено поради безбедноста на вработените во општинската администрација и децатам како и возраснитем кои редовно земаат и враќаат книги во градската библиотека. Превентивно, зградата на општината е дезинфицирана во четвртокот на 17 септември, иако според епидемиолошката анкета и ставот на лекарите од Центар за јавно здравје Велес како и дадените изјави на инфицираното лице не треба да се преземаат дополнителни мерки за заштита на администрацијата. „Прво на вработениот службеник и на неговата мајка сакам да им посакам лесно да ја пребродат оваа криза и на крајот сите да излезат како победници живи и здрави. Но како поука за сите останати вработени ќе размислам какви мерки треба да се превземат затоа што сметам дека сите вработени во јавните установи, особено во општината, треба да имаат многу по високо ниво на здравствена култура од нивото кое го покажа вработениот во општината и вработената во библиотеката. Мојот став е дека веднаш штом дознале дека нивниот сопруг и татко има симптоми на Ковид-19 и му е земен брис најмалку што требало да направи е да ме извести мене, претпоставениот во библиотеката или кој и да е од раководителите во општината и да остане дома за да не претставува опасност за останатите додека да стигнат резултатите. Но според епидемиолозите за да се пренесе инфекција е потребно да се има подолг контакт од 15 минути на блиско растојание без носење на заштитна маска“, рече градоначалникот Коцевски. Додаде дека првично имало паника меѓу општинската администрација и барање за целосно тестирање. Тоа не се реализирало затоа што епидемиолозите соопштиле дека нема да има ефект поради инкубацијата што трае помеѓу 7 до 10 денови како и анализата на Центарот за јавно здравје Велес која покажува дека 80 отсто од заразените велешани се без симптоми на короанвирусот, што значи дека се носители на вирусот.

Аце Коцевски заработи кривична пријава поради злоупотреба на службената положба и овластување

Ристе Здравков — Fri, 04 Sep 2020 17:21:12 +0000

Група на жители на Велес поднесоа кривична пријава против Градоначалникот на Велес Аце Коцевски за сторена злоупотреба на службена положба и овластување член 353 од кривичниот законик.

Градоначалникот на Велес е во самоизолација, се тестира дали има коронавирус

Ивана Ефремовски — Thu, 26 Mar 2020 13:04:19 +0000

Градоначалникот на Велес, Аце Коцевски и неговото семејство се во домашна изолација. Неговата сопруга која е медицинско лице вршела преглед на дел од заболените од корнавирусот кои се појавија токму во овој град. Од советот на општината за Алфа велат дека градоначалникот не оди на работа, а најверојатно се земени брисеви од него и неговата сопруга за да се тестираат дали имаат Ковид 19.

Свечено пуштање на бродовите во Велес: „Качете се на бродовите и заминете“ (ФОТО)

Дарко Андоновски — Fri, 01 Feb 2019 19:03:34 +0000

Градоначалникот на Велес Аце Коцевски никако да започне да ги реализира проектите од програмата кој ги ветуваше пред велешани за време на локалните избори во 2017 година. Велешани со уште една порака до градоначалникот „Качете се на бродовите и заминете“, му порачаа јасна порака дека тој не се грижи за нив и за нивниот град. Граѓаните со оваа пародија му дадоа доказ дека улиците се во катастрофална состојба.

Арсовски до Костадинов: Двојазичноста не функционира , го погледнавтели видеото каде што не може да се разбере вашиот градоначалник со министер од коалицијата?

Ристе Здравков — Thu, 31 Jan 2019 21:47:08 +0000

Дебатирајќи на темата Закон за јазици во вечерашното издание на дебатната емисија Клик Плус на телевизија 21, портпаролот на ВМРО-ДПМНЕ, Димче Арсовски на својот колега портпарол на СДСМ му ја посочи двојазичната прес конференцијата на градоначалникот Ацо Коцевски со министерот за образование од владеачката коалиија како пример дека двојазичноста во Македонија е нефункционална. -Вие самите можете да проверите дека вашиот градоначалник на Велес не можеше да се разбере со министер кој што вие од коалиција, тоа ли е унапредување на Законот за јазици. Дали го погледнавте видеото каде што не може да се разбере вашиот градоначалник со министер од коалицијата?

Здравковски до Коцевски: Сте ветувале двојазичност и сега нема причина за глумење и лутење

Ивана Ефремовски — Thu, 31 Jan 2019 18:27:38 +0000

Овие денови сме сведоци на една трагикомична ситуација која доби едно огромно медиумско внимание од граѓани, а посебно од граѓаните кои што се по националност Македонци. Имено сведоци сме на средбата на градоначалникот Коцевски и министерот за образование и наука, Арбен Адеми на која господинот Коцевски реагираше како да е затекнат од некоја за него непозната ситуација, обвинува Игор Здравковски, претседател на ОК на ВМРО-ДПМНЕ Велес. -Ова очигледно е еден од филмските настапи на градоначалникот во кој глуми загриженост за граѓаните и функционирањето на општината. Глумец на функција градоначалник. Господине Коцевски вие како една од клучните политички фигури во градот бевте свесен што носи изгласувањето на Законот за употреба на јазиците, за кој гласаше и вашиот соработник господинот Панче Иванов. Дури и кога организиравте парадоксални самоуништувачки забави во младински, затскривајќи се зад евроинтеграциите бевте свесен која е цената што треба да ја плати народот за остварување на вашите хирови. Според нашите информации двојазичноста сте ја ветувале на вашите посети во Бузалково, Сливник иако ние како ВМРО-ДПМНЕ укажувавме дека со овој ваш план само ќе се уназади комуникацијата и односите помеѓу Македонците, Албанците во општина Велес кои што живеат и соработуваат одлично. Унапредување на односи, Коцевски се прави со инвестиции, со отворање на нови работни места, со градење на инфраструктура, а не со непромислени потези кои дополнително ќе иницираат нови проблеми кај така политизираното општество, истакна тој. Здравковски му порачува на Коцевски дека сега нема причина за глумење и лутење, кога веќе ветувал нешто. -Сте ветувале господине Коцевски и сега нема причина за глумење и лутење посебно не од некој совесен и пресметлив човек како што сте вие. Вистината е друга господине Коцевски. Народот ви го сврте грбот. Тонете во жив песок со вашите погубни политики што впрочем се виде и на референдумот на кој имавте поддршка од само 27% од гласачите од Велес. Или во бројки изразено намалување за цели 3.500 гласови за една година. Па сега се грепчите за да докачите некоја сламка за спас за враќање на угледот и достоинството кое што за волја на вистината го имавте и ви беа на завидно ниво пред година и половина. Господине Коцевски, сепак ВМРО-ДПМНЕ како општествено одговорна партија и ние како дел од неа и во насока на вашето штедење и секако почитување на законите, доколку имате потреба ќе ви помогнеме колку што можеме, а можеме да ви понудиме македонско-албански речник кој ќе ви послужи во понатамошната комуникација. Можете учејќи да ги избегнете најавените казни од 5.000 евра за неговорење на официјалниот јазик на нашата држава, порача тој.

Градоначалникот на Велес му се закани на министерот за образование: „Или преведете на македонски или ќе си заминам“ (ВИДЕО)

Дарко Андоновски — Tue, 29 Jan 2019 09:40:03 +0000

Градоначалникот на Велес, Аце Коцевски, бурно реагираше на говорот на министерот за образование Арбр Адеми, кој на новинарско прашање поставено на албански јазик одби да одговори и на македонски. Покрај градоначалникот и новинарите Македонци инсистираа да дознаат што всушност се случува на прес конференцијата.

Градоначалникот на СДСМ Коцевски со навреди кон Србите: Србија ќе стане белградски пашалак

Предраг Кукиќ — Wed, 26 Sep 2018 11:10:20 +0000

Градоначалникот на општина Велес Аце Коцевски, кој доаѓа од редовите на СДСМ во вчерашното гостување во емисијата 24 Отворено јавно ги навреди Србите и Република Србија кога отворено кажа дека ако биле доволно паметни и мудри немало да го изгубат Косово, а ако вака продолжат можно е еден ден да ја изгубат и Војводина со што Србија ќе стане белградски пашалак. - Како што има во Македонија, така и во Србија има многу радикални кругови тоа не треба воопшто да не загрижува, доколку тие беа мудри и паметни немаше да го изгубат Косово. Ако продолжат со погрешната политика можеби ќе ја изгубат еден ден и Војводина и ќе станат белградски пашалак, рече Коцевски. Додека Заев декларативно на големо гради добрососедски односи со соседите, потпишувајќи договор и распродавајќи ги националните и државните интереси, градоначалникот Коцевски не ги бира зборовите и јавно упатува навредливи зборови кон српскиот народ и Република Србија.

Aце Коцевски: Не можам да го контролирам братучедот

Даниел Василев — Sat, 28 Jul 2018 20:12:06 +0000

Градоначалникот на Велес од редовите на СДСМ, Аце Коцевски, за 24 Вести изјави дека не може да ги контролира постапките и да се меша во одлуките на неговиот братучед, чија фирма е една од 79-те кои добија неповратни средства за проекти од Фондот за иновации и технолошки развој, пишува порталот Фактор. - Јас имам своја фирма и сметам дека е неетички да конкурирам за грант како функционер, но не можам да ја контролирам волјата на членови од мојата фамилија, кои не се дел од моето потесно семејство. Разбирам дека јавноста е сензитивна, но треба и да знае до каде можам да делувам јас, вели Коцевски за 24 Вести. ВМРО-ДПМНЕ објави дека станува збор за компанијата Хемија-Комерц ДООЕЛ од Велес која е во сопственост на Трајче Трајков прв братучед на градоначалникот од Велес, Ацо Коцевски. Блискиот роднина на градоначалникот Коцевски со неговата фирма Хемија-Комерц која се занимава со технолошка индустрија добил 2.7 милиони денари или околу 45 илјади евра за проектот „Сопствено производство на готови керамички маси за производство на трпезни керамички садови“.