ВМРО-ДПМНЕ до градоначалникот Коцевски: Безбеден ли е сега градскиот базен во Велес?

Ивана Ефремовски — Wed, 26 Jun 2019 10:29:37 +0000

Би лага и помина! Во оваа прилика како одговорна партија ќе се осврнеме на перфидната игра на градоначалникот Коцевски,кој повеќе од една година се обидуваше вешто да ги манипулира граѓаните на Велес околу состојбата, пуштањето, поправката и што ли уште не за градскиот пливачки базен за на крајот како меур од сапуница се распаднат неговите „шарени “ лаги и небулози, велат од ВМРО-ДПМНЕ Велес. Во продолжение следува интегрален текст од прес-конференцијата Г-дине Коцевски, ако имавте грам совест и одговорност немаше да ја правите онаа парада и пародија од пред повеќе од една година кога со своите подобни новинари на јавноста и ги презентиравте состојбата на базенот, немањето средства и тешката можност за негова санација. Потоа речиси цела година си игравте со довербата на граѓаните уверувајќи ги и за изградба и на нов покриен. Ветивте и не исполнивте односно манипулиравте и лажевте! Под Ваша команда Советот носеше разни одлуки со наводна реконструкција за да на крајот се обидете вешто манипулирајќи да ја избегнете одговорноста за случајот градски пливачки базен. За да не Ве „боли“ глава го одбравте најлошото решение. Дрско и безобразно се одлучивте среде лето објектот да го издадете на тендер со месечна кирија, нешто што можевте да го направите и година дена претходно. Во никој случај не сме против пуштањето на работата и новиот сопственик на градскиот базен ама начинот на кој тоа го сторивте кажува за Вас и Вашата тотална неспособност. Ја замајувавте јавноста покажувајќи фотографии за нефункционалноста и небезбедноста на базенот и сега оп наеднаш пу пу не важи. Безбеден ли е сега градскиот пливачки базен г-дине Коцевски? Прочитани сте Коцевски! Јасно е се! Вашата работа во стилот ЌЕ веќе им е јасна на граѓаните. А тие наскоро ќе Ве „наградат“ за тоа. За затворениот базен во друга прилика бидејќи и со него барем засега ништо не сторивте. ОК на ВМРО ДПМНЕ најостро ги осудува манипулациите од овој вид, а јас на крајот ќе додадам онака како што почнав: би лага и помина Коцевски! Благодарам!

Лидер: И градоначалникот на Велес дел од аферата „Фонд за иновации“

Ивона Петрова — Sat, 28 Jul 2018 08:59:48 +0000

Очигледно нема крај на скандалите кои изминативе недела дена го следат Фондот за иновации и технолошки развој и сомнително доделените грантови на провладини медиуми, партиски функционери и луѓе блиски до власта, пишува порталот Лидер. Во последниот скандал кој го отвора „Лидер“, станува збор за компанијата Хемија-Комерц ДООЕЛ од Велес која е во сопственост на Трајче Трајков прв братучед на градоначалникот од Велес, Ацо Коцевски. Блискиот роднина на градоначалникот Коцевски со неговата фирма Хемија-Комерц која се занимава со технолошка индустрија добил 2.7 милиони денари или околу 45 илјади евра за проектот ,,Сопствено производство на готови керамички маси за производство на трпезни керамички садови’’. Порталот потсетува дека секојдневно во јавноста се појавуваат нови скандали со доделените грантови од ФИТР, за кои Заев тврди дека нема никаков криминал, и покрај фактот што Обвинителството покрена истажна постапка по допрен глас, а претрес во седиштето на ФИТР направи и полицијата. Заев тврди дека дел од грантовите се доделени спротивно на етичките принципи, но не и на законите. Сепак фактите го говорат спротивното, а можеби најдобар пример е фирмата Декодикс, во сопственост на снаата на Цветанка Ласкова, советничка за култура на премиерот Заев, фирма која била регистрирана само 43 дена пред да добие од државата неверојатни 330 илјади евра. Покрај Христина Керкез, сопруга на Горан Кан Керкез, син на Цветанка Ласкова, грантови добија и фирмите на вицепремиерот Кочо Анѓушев и пратеникот на СДСМ Хари Локвенец. Меѓу сомнителните грантови имаше и пари за медиуми и лица блиски до нив, како на пример случајот со грантот за ,,Слободен Печат’’ и грантот за сопругата на новинарот и сопственик на порталот ,,Сакам да кажам’’ , Горан Михајловски.

Ацо Коцевски – Kurir.mk

ВМРО-ДПМНЕ до градоначалникот Коцевски: Безбеден ли е сега градскиот базен во Велес?

Лидер: И градоначалникот на Велес дел од аферата „Фонд за иновации“