Ацо Колевски – Kurir.mk

Колевски: „Рекет“ фрла дамка врз целата јавнообвинителска функција

Ивона Петрова — Fri, 30 Aug 2019 13:59:27 +0000

Новоизбраниот претседател на Советот на јавни обвинители Ацо Колевски, денеска оцени дека случајот „Рекет“ во кој осомничена е и специјалната јавна обвинителка Катица Јанева, фрла дамка врз целата јавнообвинителска функција. – Верувам дека колегите преземаат се што е во нивна моќ и во нивна надлежност да го расветлат овој случај кој морам да признам дека фрла темна дамка врз целата јавнообвинителската функција, изјави Колевски, одговарајќи на новинарски прашања по неговото именување на фунцијата. Ацо Колевски денеска едногласно беше избран за претседател на Советот на ЈО со двегодишен мандат. Изборот на новиот претседател доаѓа ден по одлуката на Советот на ЈО да почне постапка за разрешување на СЈО Катица Јанева порад случајот „Рекет“. МИА

Колевски: „Рекет“ фрла дамка врз целата јавнообвинителска функција

Предраг Кукиќ — Fri, 30 Aug 2019 13:11:56 +0000

Едногласно, со десет гласа „За“, Советот на јавни обвинители го избра Ацо Колевски за свој нов претседател. Тој се избира од редот на членовите на Советот, а Колевски бил единствен кандидат. Новиот претседател доаѓа на чело на институцијата во период на отпочна постапка за разрешување на шефицата на Специјалното јавно обвинителство, Катица Јанева. Тој не сакаше да коментира дали Советот би назначил в.д шеф на СЈО по разрешувањето на Јанева. „Сакам да потенцирам дека Советот одлуките ги носи со мнозинство гласови, па доколку ова прашање се постави во работата на Советот јас ќе го изнесам на седница за да го слушнам мислењето на секој од членовите и евентуално заедно да донесеме некоја одлука доколку сметаме дека има потреба. Не би можел да кажам мој став бидејќи би го прејудицирал мислењето или одлуката која би ја донел Советот во однос на тоа прашање“, рече Ацо Колевски – претседател на Совет на јавни обвинители. Колевски, кој како член на Советот неделава имаше увид во списите за истрагата за случајот „Рекет“, не сакаше да коментира дали има основи истрагата да се прошири. „Верувам дека колегите преземаат се што е во нивна моќ и во нивна надлежност да го расветлат овој случај кој морам да признаам дека фрла црна дамка врз целата јавнообвинителската функција“, додава Колевски. Ацо Колевски има долгогодишна обвинителска кариера. Работел во Основното јавно обвинителство, како и во Обвинителството за гонење организиран криминал. Член на Советот на јавни обвинители е од 2018-та.

Ацо Колевски избран за нов претседател на Советот на јавни обвинители

Ивана Ефремовски — Fri, 30 Aug 2019 12:28:05 +0000

Ацо Колевски е избран за нов претседател на Советот на јавните обвинители на Република Македонија. Тој добил едногласна поддршка од членовите на Советот на денешната седница и немал противкандидати. Ацо Колевски е член на Советот од февруари 2018 година кога беше избран од редот на јавните обвинители и дојде на местото на Љубомир Јовески кој ја презеде должноста државен јавен обвибител. Колевски ќе го наследи досегашниот претседател Коле Штрејев кој ја извршуваше функцијата од 31 август 2017 година. Претседателот на Советот на јавни обвинители се избира од членовите со тајно гласање. Неговиот мандат трае две години, без право на повторен избор

Ацо Колевски избран за член Советот на јавните обвинители на РМ

Ивона Петрова — Fri, 16 Feb 2018 11:25:34 +0000

Јавниот обвинител Ацо Колевски е избран за член на Советот на јавните обвинители Република Македонија (СЈОРМ). Од Советот информираат дека вчера било спроведено гласање за избор на еден член на Советот на јавните обвинители на Република Македонија од општата листа на кандидати од подрачјето на Јавното обвинителство на Република Македонија, изборна единица 5. - доби Ацо Колевски - јавен обвинител во Јавното обвинителство на Република Македонија доби шест гласа, додека Бодан Лазаревски - јавен обвинител во Јавното обвинителство на Република Македонија доби пет гласа, се наведува во денешното соопштение од СЈОРМ.