Ацо Ристов – Kurir.mk

Мицкоски: Радовиш ги живее проектите на дела, ќе се изградат фотоволтаични централи на пет јавни објекти, во вредност од 37 милиони денари

Ристе Здравков — Sun, 15 Jan 2023 08:49:58 +0000

„Радовиш повеќе не е зафрлено место на југоистокот на Македонија. Работиме тимски и најважните одлуки ги заеднички и транспарентно. Радовиш ги живее промените и проектите на дела. Согласно барањата на граѓаните суштински започнавме да ги решаваме најгорливите проблеми, проблемот со сообраќајот, проблемот со недостатокот на модерни и уредени површини за рекреација, спорт и дружење“, изјави во своето обраќање градоначалникот на Општина Радовиш, Ацо Ристов во кампањата „Промените на дело“ во организација на ВМРО-ДПМНЕ. Ристов додаде дека со нов режим на сообраќај и нова хоризонтална и вертикална сигнализација, се воведе и зонско паркирање кое сериозно го подобри сообраќајот во Радовиш. „Започнавме и постапка за изработка на проектно техничка документација за изградба на новиот рекреативен парк, Канлиева воденица со пристапна инфраструктура. За првпат во Македонија воведуваме централно греење со најсовремена технологија за пет згради во општина Радовиш. И ова е само мал дел од многуте проекти и тука нема да застанеме“, нагласи градоначалникот на општина Радовиш. Ристов најави дека со новото модерно и софтверско решение се воведува нов електронски систем за следење и наплата на даночните побарувања. Се подобри и наплатата на данокот за цели 50% во минатата година. „Годинава ќе изградиме 5 фотоволтаични централи на пет јавни објекти, со вредност на проектот од 37 милиони денари. Ќе изградиме диспензиран систем за греење од обновливи извори на енергија вреден преку 56 милиони денари. Новиот обиколен пат вреден 10 милиони денари конечно ќе ја реши обиколницата околу Радовиш. Осум милиони денари изреализиравме за новите речни корита на река Оравиочка и Радовишка река“, рече Ристов. Тој додаде дека се постави целта, а тоа е развиен, модерен, добро уреден, убав и посакуван Радовиш. Претседателот на ВМРО-ДПМНЕ, Христијан Мицкоски нагласи дека изминатата година во општина Радовиш се реализирале сериозни проекти за да се подобри квалитетот на животот на граѓаните. „Заедно со Ацо за Радовиш ветивме сериозни проекти кои ќе го подобрат квалитетот на животот во општината и немаме намера да застанеме. Радовиш годинава ќе започне изградба на градски пазар со катна гаража, капитален проект вреден 124 милиони денари. Мора да размислуваме 20-30 години во иднината, стратешките прашања за развој на општината се решаваат со визија, а не со дневна политика“, нагласи Мицкоски. „Одлучни сме за целта која е поставена пред нас. Радовиш да ги живее проектите на дела“, рече Мицкоски.

Ристов со поддршка за рударите: Владата да спречи затворање на рудниците кои се во тешка состојба

Магдалена Андонова — Fri, 26 Aug 2022 11:25:44 +0000

Во предвечерието на големиот христијански празник Успение на Мајка Богородица би сакал оваа прилика да ја искористам да го честитам празникот на сите христијани кои што го слават, меѓутоа денеска имаме еден посебен повод за кој сакам да се обратам до сите граѓани и до сите вработени во рудниците Бучим и Боров Дол. Како што знаете овој празник Успение на Пресвета Богородица исто така заштитничка на рударите е празникот кои што рударите секоја година го слават, а тие се дел од нашето општество, тие се дел од нашиот град, и би сакал во оваа прилика да им го честитам празникот надевајќи се дека ќе ги заштити, надевајќи се дека ќе продолжат со својата работа и во годините пред нас, изјави на денешната прес конференција Ацо Ристов, градоначалник на општина Радовиш. Тој во оваа прилика кажа во овие денови до него стигаат неофицијални информации околу развој на настаните со рудникот поради енергетската и финансиската криза пред се, дека се случуваат некакви превирања околу рудниците за кои што тој нема никакви официјални информации. - Би сакал да ја повикам пред се Владата на Република Македонија и менаџментот на рудникот Боров Дол и рудникот Бучим под итно да стапат во меѓусебна комуникација и да пробаат да најдат решение за сите проблеми кои што се ставени на маса. Знам дека ова е многу тежок период за сите компании, знам дека тежок период е за сите влади, меѓутоа Радовиш постоел и ќе постои исклучиво засновано освен на сите други дејности, една од основната дејност е рударството. И Радовиш без рударството и без функција на овие два рудника би се нашол во многу тешка положба. Затоа апелирам, да се седне под итно да се изнајде решение, дали ќе биде тоа во вид на субвенција на електрична енергија, дали ќе бидат во вид на други поволности кои што владата мора да ги овозможи за да може рудникот да остане да работи, да се направи под итно. За нас неприфатливо и недозволиво е да се размислува воопшто за други опции, бидејќи Радовиш е основа на традицијата на рударството, поврзана е практично целата индустрија и целиот град и споредни дејности за функционирање на овој гигантски објект кој е и носител на економскиот развој и за нас е неприфатливо да се размислува воопшто за други алтернативи. Затоа уште еднаш би апелирал до менаџментот бидејќи се работи за долгогодишна соработка меѓу општината, тие се сепак странски инвеститори во нашата општина, сериозно да ги разгледаат сите можности и опции, меѓутоа најважната опција да бидат згрижени сите вработени, да не се размислува воопшто за било какви отпуштања во периодот пред нас. Ние како Општина сме спремни, и јас како градоначалник да се заложам ако можам во моќта на моите ингеренции да помогнам во комуникации и врски со Владата на Република Македонија да се изнајдат соодветни решенија. Засега никој не се обратил, никој не побарал никаква помош. Се надевам дека овие вакви неофицијални информации нема да се случат, затоа што тоа ние нема да го дозволиме. Прашање дали и колку сме моќни локално да не го дозволиме. Меѓутоа апелирам дека има начини, има методи кои што би ги примениле во случај и да треба да се бориме за правата на работниците, појасни Ристов. - Знам дека се овие тешки времиња, знам дека ова наместо да биде денеска еден среќен ден и да биде ден за честитање на промовирање на успеси, се надевам дека ова ќе биде премостено во периодот кој што е пред нас и се надевам дека до година овој прекрасен празник ќе го славиме сите заедно. Навикнати сме на нови победи на рударите, односно на надминување на своите норми кои што самите ги поставуваат, вели тој. Ристов потсети дека се работи за национално богатство, се работи за богатство на општина Радовиш, и треба работата да се сфати максимално сериозно. - Уште еднаш, на сите граѓани и на сите рудари би им го честитал празникот со надеж дека годините пред нас ќе бидат исполнети со радост, со среќа, со здравје. И се надевам дека мајка Богородица ќе ни помогне сите да се искачиме чекор погоре како би можеле да дојдеме до целта, а тоа е убав и здрав живот во општина Радовиш, додаде тој.

Ристов: Салата за венчавање е проект кој радовишани го чекаа со години, ние го реализиравме, продолжуваме да работиме со несмалено темпо

Тале Кристо — Thu, 12 May 2022 11:57:45 +0000

Денеска во Радовиш беше отворен нов простор за венчавање, кој и исто така ќе биде истовремено и мултифункционален. Односно во него ќе биде сместена и галерија, постојана галерија каде што уметниците ќе ги излагаат своите дела и каде што ќе креираат. Во продолжение интегрален текст и видео од обраќањето на градоначалникот на општината Ацо Ристов: Добар ден, да ви посакам добредојде едно топло во Радовиш, денеска сте сведоци на еден многу мил настан кој за радовишани многу значи, а тоа е отворање на нов простор за венчавање кој што исто така ќе биде истовремено и мултифункционален. Односно во него ќе биде сместена и галерија, постојана галерија каде што уметниците ќе ги излагаат своите дела и каде што ќе креираат. Ова Општината Радовиш го направи по барање на граѓаните кои што со години просторот за венчавање им беше многу понижувачки да ви кажам искрено, меѓутоа сега го гледате она позади нас е тоа го крстивме – Музеј на љубовта и уметноста. Затоа што овде ќе се склучуваат бракови, овде ќе се случуваат најубавите настани. И се надеваме дека граѓаните во Радовиш конечно ќе добијат достоинствено место. Освен овој проект денеска исто така ќе пуштиме уште два објекти во употреба, тоа е централната градска улица која што е комплетно реновирана со сета урбана опрема, со сите инфраструктурни објекти, тоа беше исто барање на граѓаните да стане таа конечно прометна улица бидејќи целиот простор и сето движење од овде беше уништено. Се надеваме сега со ставањето на улицата во промет овој дел од Радовиш ќе го заживееме. Исто и Паркот на младите ќе доживее наскоро нови содржини и на тој начин ќе добие градот и граѓаните на ова место. На крај ќе пуштиме уште една голема улица во употреба тоа е во Урбан блок 9 каде што граѓаните после долги години дојдоа до инфраструктурен објект улица која што ќе ја користат генерации, изјави Ристов.

Ристов: За 100 дена во Радовиш се изгради мини брана и акумулирање на вода за наводнување и сточарство во с.Злеово и се набави проектна документација за поставување на фотоволтаични панели

Катерина Бојаџиева — Wed, 02 Mar 2022 13:20:40 +0000

Во овие 100 дена период на прилагодување, најпрво започнав со студиозен пристап на капацитетите на општинската администрација но и на сите поголеми и помали проекти од различни области, а кои се со подеднакво значење за развојот на општина Радовиш. Но, за жал, уште на почетокот наидов на многубројни и сериозни проблеми и предизвици од неодговорното и несовесно работење на претходната локална власт, истакна градоначалникот на општина Радовиш, Ацо Ристов на регионалниот отчет „Промени што носат иднина - 100 дена локална власт отчет на ВМРО-ДПМНЕ“. Ристов додаде при своето стапување на функцијата градоначалник затекнал сериозни проблеми во несовесното работење на образовните установи во делот на неискористување на одобрените финансии согласно потребите на учениците и образовниот кадар. Благодарение на сериозниот и практичен пристап, се успеа да се набави потребна количина на наставни помагала и опрема од средства кои доколку не реагирал ќе беа повлечени како неискористени. „Веднаш започнавме со нова иницијатива за нова законска концесиска надомест од преработка на минерални суровини – односно одлагање на флотациска јаловина, која во иднина ќе претставува сериозна можност за нов прилив во општинскиот буџет, а која итекако ја заслужуваат граѓаните на општина Радовиш. Побарав целосна ревизија на договорот за уличното осветлување и покренав сериозна иницијатива преку сите можни институции за решавање на проблемот со превисоките цени на електричната енергија и очекувам овој сериозен проблем наскоро да добие позитивна завршница“, рече Ристов. Ристов посочи дека покренал иницијатива преку Министерството за труд и социјална политика за трајно решевање на статутот на вработените во детските градинки согласно закон, а со цел намалување на обврските на општинскиот буџет и превземање на истите од страна на централната власт. Додаде дека, веднаш по преземањето на одговорноста прв човек на општина Радовиш, започна со изградивме новиот паркинг простор во урбаната заедница Комуна, како и изградба на нов градски пазар со што ќе го решат проблемот на граѓаните, особено на земјоделците. „Ќе потенцирам некои од проектите кои се завршени или започнати во првите 100 дена од мојот мандат: -Асфалтирана е дел од улицата „Бел Камен“; -Асфалтиран пристапниот пат кон новиот проширен дел на градските гробиштата; -Асфалтиран пристапен пат од населеното место Штурово до новото планирано излетничко место; -Изградба на водовод и канализација на ул. кејска и ул 3 во УБ 9; -Изградба на водовод и канализација на ул. бр 3 во УБ 9; -Изградена мини брана и акумулирање на вода за наводнување и сточарство во с.Злеово; -Исчистено речното корито на река Ступница во Подареш; -Асфалтирање на спортско игралиште во ООУ „Кирил и Методиј“ – Ораовица; - Реализиран проекот за спроведување на мерки за енергетска ефикасност во ООУ „Кирил и Методиј“; -Пуштено во употреба подрачно училиште во с.Калаузлија, нагласи Ристов. Ристов појасни дека исто така во тек се и неколку проекти кои сериозно ќе го подобрат квалитетот на живот во општина Радовиш. Во тек е изградба на мултифункционална сала за венчавки со галерија, изградба на улица Кејска и ул бр. 3 во урбан блок 9.2, изградба на улица бр. 3 во урбан блок 9, изградба на моста на река Марлада, избран е изведувач за изградба на локален пат Дамјан-Погулево. „Ветивме дека Радовиш ќе биде еколошки и енергетски независен град. -Набавивме ново возило во јавното претпријатие Плаваја за собирање на комунален отпад, ново после 30 години; - Воведуваме субвенции за користење на велосипед и изградба на мали фотоволтаични проекти - И она што е најважно, склучивме договор во износ од скоро милион евра за реализација на проектот зелена топлина“, нагласи Ристов меѓу другото. Додаде дека за прв пат во Македонија воведуваат централно греење со најсовремена технологија за пет згради во општина Радовиш, со можност за проширување на услугара и кон останатите објекти и станбени згради.

Ацо Ристов од ВМРО-ДПМНЕ слави победа во Радовиш (ВИДЕО)

Ивана Ефремовски — Sun, 31 Oct 2021 20:21:17 +0000

Кандидадот за градоначалник на Радовиш од ВМРО-ДПМНЕ и коалицијата, Ацо Ристов пред малку прогласи победа на локалните избори. -Ви благодарам на сите за оваа голема победа за Радовиш, во која вие се докажавте дека го имате правиот начин и метод како да стигнеме до целта. Ви благодарам за упорноста, стрпливоста и мудроста. Од утре почнуваме да го градиме Радовиш таков каков што се договоривме, изјави Ристов по прогласувањето на победата.

Ристов: На 31-ви да излеземе масовно да го вратиме достоинството на Радовиш

Магдалена Андонова — Thu, 28 Oct 2021 12:38:42 +0000

Чест ми е да застанам пред вас денес, после изминатите два месеци од изборната кампања, од кои што еден месец ни беше припрема, а едниот ни беше интензивна кампања, мислам дека успеавме во овој месец дена да ви ја предложам програмата која што имам намера да ја реализирам во Радовиш со сите оние проекти кои што беа презентирани, изјави денеска за медиумите, Ацо Ристов, кандидат за градоначалник на општина Радовиш. Тој се заблагодари за големата поддршка во првиот круг, и посочи дека жителите на Радовиш се луѓе кои што нема да дозволат да им биде купена иднината, туку дека сами ќе си ја изградат заедно со него. - Затоа ве повикувам на 31-ви октомври да излезете масовно, бидејќи давајќи го вашиот глас вие ќе помогнете во процесот кој што веќе е почнат. Процесот е почнат затоа што ние веќе имаме мнозинство во Советот, советничката група гарантира дека сите проекти кои што сме ги понудиле, кои што јас лично ќе ги реализирам, Советот на Општината и градот имаат отворен пат за реализација. Се надевам и дека тоа ќе биде дополнителен поттик кој што граѓаните ќе ги мотивира да излезат и да си го дадат својот глас за својот град. Радовиш да остане на радовишани, да си го вратиме достоинството, истакна Ристов. Тој ги повикува уште еднаш жителите на Радовиш да гласаат за бројот 7, за Ацо Ристов, за градоначалник на Радовиш.

Димовски и Сарач со поддршка за Ацо Ристов во Радовиш (ВИДЕО)

Ивана Ефремовски — Wed, 27 Oct 2021 07:39:37 +0000

Претседателот на Социјалистичка партија на Македонија, Љупчо Димовски и првиот човек на Движење на Турците, Ердоган Сарач со јавна поддршка за Ацо Ристов, кандидат за градоначалник на ВМРО-ДПМНЕ за Радовиш. -Ве повикувам сите да ја потврдиме големата победа за Радовиш и големата победа за Македонија. Ги повикувам сите членови, симпатизери и поддржувачи на СПМ, својот глас повторно да го дадат за Ацо Ристов, истакна Димовски. -Ацо Ристов е човекот кој точно знае во која насока треба да се движи мултиетничката интеграција и како успешно да продолжи традиционалниот соживот во Радовиш, истакна Сарач.

Ристов: Создаваме нова иднина за Радовиш – Нови паркови и уредување на речното корито, на пат е победа во Радовиш, а со тоа и многу проекти

Катерина Бојаџиева — Thu, 21 Oct 2021 18:50:06 +0000

Вечерва пред радовишани се обрати кандидатот за градоначалник, Ацо Ристов. Тој ја изрази својата благодарност до сите што во првиот круг во голем број ја покажале слободната волја и ја дале поддршката за ВМРО-ДПМНЕ и рече дека е убеден на уште поголема поддршка во вториот круг. - За овој дел од Радовиш разговаравме многу и јас лично со мојот тим во наредните четири години ќе го направиме место кое сите ќе сакаат да дојдат и да го посетат. Почнувајќи од зафатот на Радовишка река, преку планираниот парк за забава, паркот за млади, паркот за возрасни, со уредување на реката, со донесување на ДУП од двете страни на реката од овде па до Крнлива воденица ќе добиеме една убава и урбана средина во која што сите радовишани ќе сакаат да живеат и ќе покажеме како изгледа современо живее за сите, - рече Ристов. Ристов рече дека тука не застануваат и дека ќе почне и уредувањето на речното корито и ќе ја уреди реката за повеќе да не ги поплавува радовишани. Ристов кажа дека на пат е голема победа во Радовиш а со тоа и многу проекти и ги повика граѓаните да дадат поддршка и во вториот круг за заедно да изградат една поубава општина Радовиш.

Ристов: Ќе субвенционираме поставување на сончеви колектори за граѓаните

Магдалена Андонова — Tue, 19 Oct 2021 11:56:32 +0000

Додека другите прават полиња од марихуана, ние решивме полиња со сончеви централи. Се наоѓаме на локацијата на еден сончев кров кој што е за поздравување, тоа се наши инвеститори од Радовиш кои што решија да се вклучат во проектот „Независен енергетски град Радовиш“, изјави денеска за медиумите, Ацо Ристов, кандидат за градоначалник на општина Радовиш. Тој истакна дека проектот е за поздравување, а дека тие ќе го подржуват овој проект и сите проекти што најверојатно во Радовиш ќе се случуваат. - Ова се пионерски потфати се до крајната цел, за сите оние кои ќе бидат заинтересирани да се вклучат во овој проект ќе добијат субвенција од Општина Радовиш за да си ги решат енергетските проблеми. Светот се наоѓа во енергетска криза и ние на тоа треба да бидеме спремни да издржиме и да им помогнеме на граѓаните, додаде тој.

Мнозинство на ВМРО-ДПМНЕ и во советот на општина Радовиш

Катерина Бојаџиева — Mon, 18 Oct 2021 14:32:00 +0000

ВМРО-ДПМНЕ освои мнозинство и во советот на општина Радовиш. Имено, ВМРО-ДПМНЕ и Коалицијата но новиот совет на општината во Радовиш ќе има 8 советници, СДСМ 6 и ЛДП/ДОМ 3. Во Радовиш ќе има и втор круг за избор на нов градоначалник- во првиот круг води со повеќе од 1.600 гласови води кандидатот на ВМРО-ДПМНЕ Ацо Ристов.