АД Пошта на Македонија – Kurir.mk

МАКЕДОНИЈА ОСТАНА БЕЗ ПОШТЕНСКИ ПРАТКИ: А.Д. Пошти неделава не издава препорачани пратки!

Катерина Бојаџиева — Wed, 02 Nov 2022 16:27:22 +0000

Поштенскиот систем во нашата земја престана да функционира, од саботата А.Д. Македонски пошти не издава препорачани пратки. На граѓаните им стигнале картончиња за препорачани пратки на нивните домашни адреси, но кога одат на шалтерите во Пошта од таму ги враќаат и им велат дека не им функционира компјутерскиот систем и токму затоа не можат да ги издаваат препорачаните пратки. -Од саботата залудно се обидувам да ја подигнам препорачаната пратка од пошта. Велат компјутерскиот систем не функционира и не може да ми ја издадат пратката, вели граѓанин кој го затекнавме пред поштата во Центар, пишува Лидер.мк. Во исто време, нашиот соговорник се плаши дека може да остане без својата пратка. -На картончето кое ми стигна пишува дека пратката треба да ја подигнам во рок од 8 деназќ, трет ден не можам да ја подигнам, се плашам дека истата ќе се врати назад, вели граѓанинот. Според информациите на Лидер системот е паднат и не функционира во цела држава и препорачани пратки од саботата па наваму не се издаваат. Не функционира ни веб страницата на А.Д. Пошта на Северна Македонија. Дали станува за хакерски напади, технички проблем или некадарност, од Пошти не одговараат. Само јасно е дека во 21 век Македонија е оставена без пратки.

Уапсен малолетник кој крадел во зградата на Пошта

Магдалена Андонова — Thu, 25 Aug 2022 07:54:23 +0000

На 24.08.2022 во 23.15 часот на ул.„Орце Николов“ во Скопје, полициски службеници од Полициската станица Центар лишиле од слобода малолетник од Скопје. Тој бил затекнат при обид да одземе предмет од управна зграда на Дирекција на „Пошта на Северна Македонија“. Малолетникот бил приведен во полициска станица и по целосно документирање на случајот против него ќе биде поднесена соодветна пријава.

ЕЛС со поддршка на Македонски пошти, спремни да разнесуваат пратки за време на штрајкот

Ивана Ефремовски — Wed, 13 Apr 2022 13:12:46 +0000

Согледувајќи ги актуелните случувања со Националниот оператор АД Пошта на Македонија, сакаме да дадеме целосна поддршка на синдикатот и не се сомневаме дека заедно со менаџментот на АД Пошта на Македонија ќе изнајдат најдобро решение за сите страни, порачуваат од Еко Логистик Сервис. -Воедно ЕЛС како најголем приватен поштенски оператор, кој располага со најголеми капацитети и најголем број на возила и канцеларии, подготвени сме да да излеземе во пресрет на потребите на јавниот и приватниот сектор, како и на граѓаните за извршување непречена функционалност во доставата на нивните писма и пратки бидејќи ЕЛС ги поседува сите дозволи и лиценци за вршење поштенска дејност и врши достава до сите населени и рурални места во државата, велат тие.