АД Славија – Kurir.mk

Мицкоски: Славија ја продаваат без пари, а е проценета над 20 милиони евра

Дарко Андоновски — Tue, 28 Dec 2021 21:09:57 +0000

Претседателот на ВМРО-ДПМНЕ, Христијан Мицкоски во своето гостување во интервју на Македонско Радио во однос на лошата економска состојба и распродажбата на државен имот како АД „ Славија“ која без проценка се распродава по многу ниска цена од околу 200 илјади евра истакна дека вредноста на капиталот, акциите, и имотот е околу 20 милиони евра а притоа никој не ја споменува можноста и потенцијалот да се градат станбени единици што всушност е и позадината на целиот тој случај. „Има проценка 20 милиони евра е вредноста, капиталот на АД „Славија“ а се продава за 200 илјади евра, криминал од невидени размери или обид за криминал од невидени размери, а никој тука не ги споменува урбанистичките можности, потенцијалот да се градат станбени единици, тука се многу повеќе пари тоа е и позадината на целиот овој случај“ истакна Мицкоски. Птретседателот на ВМРО-ДПМНЕ, Мицксоки додаде и дека од позиција на опозиција градоначалниците од редовите на ВМРО-ДПМНЕ со макотрпно работење и грижа за граѓаните ќе покажат како се работи чесно и во интерес на граѓаните и земјата. „Ме прашавте како , едноставно со чесно работење со макотрпно работење ,бидејќи ние сме во опозиција ние не сме во позиција да влијаеме врз носење закони и реформи во судството. Од позиција на опозиција можеме преку градоначалниците да покажеме како чесно се работи, да имааме луѓе кои што нема да имаат афери, луѓе кои што ќе бидат достапни за граѓаните во рамките на своите можности и надлежности“ нагласи Мицкоски.

ВМРО-ДПМНЕ: Асани и АУОИ не само што не смеат да го продолжат раскрчмувањето на имотот на АД Славија, туку треба да има оставка и одговорност

Тале Кристо — Tue, 28 Dec 2021 07:35:52 +0000

Власта беше фатена жива во криминал во аферата раскрчмување на имотот на АД Славија, велат во партиското соопштение од ВМРО-ДПМНЕ. Власта се обиде шверцерски неколку дена пред празниците да го продаде имотот на АД Славија по цена од само 200 илјади евра, а реалната вредност е над 20 милиони евра. Ова, власта на Заев сакаше да го изведе во стил својствен за криминалната приватизација од деведесетите, кога се обезвреднуваше имотот на компаниите за да може да биде купен од лица и фирми блиски до СДСМ. Така беше и овој случај. Имотот на АД Славија власта на Заев сакаше да го продаде по вредност 100 пати помала од реалната, за на тој имот потоа фирми блиски до Заев и СДСМ да градат станови. Овој криминал не смее да се случи. Фатон Асани, директорот на Агенцијата за управување со одземен имот (АУОИ), не само што не смее да го продолжи овој криминален процес за раскрчмување на имотот на АД СЛАВИЈА, туку треба да си поднесе оставка после ваков скандал. Одговорност за криминогените активности мора да има и за тие кои го нарачаа раскрчмувањето на имотот на АД Славија, но и на оние кои го спроведуваа, стои во соопштението на ВМРО-ДПМНЕ.

„Власта имаше намера да ја даде АД Славија на свој олигарх по нереално ниска сума“

Дарко Андоновски — Mon, 27 Dec 2021 12:19:15 +0000

Власта имаше намера да ја даде АД Славија по нереално ниска сума со обезвреднет имот во рацете на свој олигарх и ништо друго, изјави портпаролот на ВМРО-ДПМНЕ, Наум Стоилковски одговарајќи на новинарско прашање поврзано со Агенцијата за управување со конфискуван имот и законските обврски за продажба на акциите на АД Славија.

Стоилковски истакна дека проблемот е во тоа што не е направена реална проценка на имотот на АД Славија, која што би требало да изнесува неколкукратно повеќе од онаа која што беше дадена во тендер за продавање.

- Реалната проценка во таков случај ќе направи и реална проценка на акциите на АД Славија која ќе биде неколкукратно поголема од тие 200.000 евра колку што беше дадена цената за целокупниот имот. Сето ова од страна на власта беше направено за да по нереално ниска сума обезвреднет имот заврши во рацете на олигарси на СДСМ и ништо друго, потенцираше Стоилковски.

Арсовски: СДСМ призна вина за АД Славија, со граѓаните спречивме криминална продажба и спасија 20 милиони евра

Магдалена Андонова — Sun, 26 Dec 2021 10:34:40 +0000

Власта и СДСМ со откажувањето на продажбата на АД Славија ја признаа вината. Сакаа да ја продадат на криминален начин, за без пари, да си ја присвојат и потоа да профитираат во милионски суми. Едноставно да се дообогатат преку ноќ одредени луѓе кои што би ја купиле. Нормално, тие луѓе се блиски до СДСМ и до власта. ВМРО-ДПМНЕ заедно со граѓаните спречи продажба на АД Славија на криминален начин и со тоа спаси за државата и граѓаните 20 милиони евра во имот. Почитувани граѓани, продажбата сакаа да ја направат на незаконски начин, без проценки, без реални вредносни суми на имотот и она што е најинтересно - во вакуум период помеѓу смена на 2 гарнитури од СДСМ и непосредно пред Нова Година мислејќи дека никој тоа нема да го види. Е така не може. Така може да си препродаваат само штабови на СДСМ и имот на СДСМ, изјави на денешната прес конференција, Димче Арсовски, портпарол на ВМРО-ДПМНЕ. Тој им честиташе и на вработените во АД Славија, кои одлучно покажаа пркос и поддржаа Славија да не оди на продажба на ваков криминален начин каде што ќе бидат оштетени. - Да потсетиме, Славија сакаа да ја продадат за 218.535 евра, со имот и реални земјишта кои вредат над 20 милиони евра, со годишни приходи од 50 милиони денари и со пари на сметка кои во моментов се оперативни. Сега, откако ја повлекоа оваа криминална продажба во најава која не се служи за среќа на граѓаните, откако им ги помативме сметките и намерите, уште веднаш бараме оставка од Фатон Асани, директорот на агенцијата за одземен имот, бидејќи ова не му е прв случај каде сака да распродаде имот кој е под негова ингеренција на блиски луѓе до СДСМ. Нормално, обезвреднет за многу ниска цена. Фатон Асани е еден од луѓето кој што беше најгласен за продажбата, можеби не по негова волја туку по нечија нарачка, но тој е еден од луѓето кој што беше најгласен, најревносно ја бранеше и се бореше за продажбата на овој криминален начин и мора да си даде оставка за овој случај и мора да се повлече, бидејќи со повлекувањето на продажбата тој ја призна вината за овој криминал во најава, појасни Арсовски. Портпаролот истакна дека како политичка партија покажале дека стојат на страната на граѓаните и дека немаат намера да калкулираат со криминалот и како и сега, така и во иднина вели Арсовски ќе бидат рамо до рамо со граѓаните штитејќи ги нивните интереси. - Ние, како ВМРО-ДПМНЕ имаме јасни намери, цели и принципи да расчистиме со секаков вид на криминал. Тоа го покажавме дури и сега во опозиција. Сакам исто така и да ги потсетам дел од институциите, како на пример антикорупциската комисија, која се уште до неа најверојатно не стигнале информации и не знае дека власта сакала да ја продаде АД Славија, најверојатно затоа што по цел ден играат видео игри во институцијата наместо да се борат против криминалот, исто така да потсетам и на молкот на пиунчето на Зоран Заев, Димитар Ковачевски кој во ниту една прилика излегувајќи секојдневно по медиумите не најде време да го искоментира овој криминал во најава и да побара да биде спречен иако се крена како сериозна тема во јавноста. Наместо тоа, праќаат деца на прес конференции да ги штитат нивните криминални бизнис интереси.Тоа покажува дека им е дојден крајот и дека на изборите ќе изгубат со огромна разлика. Со тоа исто така, Димитар Ковачевски покажа и докажа уште еднаш на самиот почеток од преземањето на функцијата, дека е ист како Зоран Заев, дека ги има истите вредности и принципи и дека го интересира и него заштита на криминалот и дека ќе ги следи во иднина патеките на Зоран Заев, дециден е тој. Арсовски се обрати до СДСМ и власта, и им порача дека вака држава не се води. - Затоа, на предвремените парламентарни избори ќе бидете сменети сите на куп, додаде портпаролот.

„Стопирањето на продажбата на Славија е признание за матниот бизнис, ВМРО-ДПМНЕ и јавноста го разоткрија овој криминал, за 200 илјади евра продаваа имот вреден 20 милиони“

Магдалена Андонова — Sun, 26 Dec 2021 08:19:14 +0000

Стопирањето на продажбата на Славија е признание за матниот бизнис, ВМРО-ДПМНЕ и јавноста го разоткрија овој криминал, за 200 илјади евра продаваа имот вреден 20 милиони. Власта сакаше за 200.000 евра да ја распродаде Славија која чини над 20 милиони евра, ВМРО-ДПМНЕ и јавноста ја спречија, стои во соопштението на ВМРО-ДПМНЕ. Од партијата велат дека само управната зграда на Славија со земјиштето под и околу неа има вредност од над 9 милиони евра, магацините во Кисела Вода имаат вредност од над 4 милиони евра. - Бројните деловни простори и магацини од околу 6 милиони евра. И сето ова некој близок до власта требаше да го земе за 200.000 евра. Брзата реакција на ВМРО-ДПМНЕ и гласот на народот го спречи овој грабеж. Власта уплашена дека е фатена во правење на матна бизнис зделка за која мора да има одговорност во паника запре, се вели во партиското соопштение. ВМРО-ДПМНЕ додава дека нема да дозволи власта да распродава по багатела, а народот да страда.

Арсовски: Власта призна вина за АД Славија и ја повлече продажбата – ВМРО-ДПМНЕ и граѓаните успеаја да спречат криминал

Магдалена Андонова — Sat, 25 Dec 2021 20:45:15 +0000

Додека сеуште Заев и пиунот Ковачевски молчат за овој скандал, криејќи се зад криминалните пориви на одредени кадри и институции, СДСМ и Владата признаа вина и нечесни намери за продажба на АД Славија за 218.535€, иако вредноста нејзина е над 20.000.000€. Обелоденовајќи го овој огромен скандал, ниту еднаш не бевме колебливи како партија да успееме во намерите да ја спречиме продажбата на оваа државна фирма за без пари, каде што блиски луѓе до власта дебело ќе профитираат во милионски суми, стои во Фејсбук статусот на портпаролот на ВМРО-ДПМНЕ, Димче Арсовски. Тој упати благодарност до јавноста која застана рамо до рамо со ВМРО-ДПМНЕ и бурно ја следеше ситуацијата, попречувајќи им на намерите на криминалците од власта. Честитки и за вработените кои го кренаа гласот иако се угнетувани од власта. - Јавноста и ВМРО-ДПМНЕ спаси и спречи 20.000.000€ на граѓаните да завршат во џебот на СДСМ. Е сега, одлучен сум во намерите да се занимавам и да биде под лупа малку повеќе со инволвираните во овој случај, првично со работата на директорот на Агенцијата за одземен имот. Фатон Асани после вакво признание мора по секоја цена да си даде оставка од позицијата директор. Не му е ниту прва, ниту последна скандалозна зделка доколку остане на позицијата. Мора да си даде оставка! Оставка веднаш, додава Арсовски во својата објава.

Планот за продажба на Славија пропадна

Магдалена Андонова — Sat, 25 Dec 2021 19:36:41 +0000

Агенцијата за управување со одземен имот, предводена од директорот Фатон Асани, се откажа од намерата за продажба на АД Славија, дознава Фокус. Според информации на Фокус, на барање на Агенцијата е откажана јавната берзанска аукција, која, според огласот објавен на почетокот на месецов, требаше да се одржи во понеделник, вторник и среда, со почетна цена од 218 илјади евра. Неофицијално, Агенцијата пред Македонска берза го образложила откажувањето на продажбата со покренатата постапка на поранешни вработени на Славија, кои бараат акциите, а со тоа и имотот на друштвото да не се продаваат, додека не си ги наплатат заостанатите плати и продонеси. Ваквиот епилог следува откако опозициската ВМРО-ДПМНЕ обвини дека власта преку Агенцијата за конфискација сака на блиски луѓе да им продаде за 218 илјади евра имот, кој, според партијата, вреди над 20 милиони евра. Од Агенцијата, пак, се правдаа дека 70 отсто од имотот на друштвото е нетранспарнентно распродаден за време на владеењето на ВМРО-ДПМНЕ, поради што сега, посочуваат од таму, друштвото вреди далеку помалку, особено поради високите долгови. И покрај различните информации за обврските на Славија, сепак, факт е дека се уште располага со атрактивен имот, како управната зграда близу ФОН, магацините во Кисела Вода, објектот на Рузвелтова итн. Инаку, темата за Славија е актуелна долги години, бидејќи додека постојано се продава имот на некогашниот гигант, вработените не можат да си ги наплатат побарувањата, додека дел од нив си ги бараат назад и акциите.

Арсовски: Историјата во СДСМ се повторува и со обидот за скандалозна продажба на „АД Славија“ на луѓе блиски до Заев

Магдалена Андонова — Sat, 25 Dec 2021 12:02:49 +0000

На денешната трибина „Исти луѓе, исти вредности“ која што се одржа во Палатата др. Христо Татарчев портпаролот на ВМРО-ДПМНЕ, Димче Арсовски истакна дека негативниот континуитет во СДСМ се повторува, односно исти луѓе исти вредности кои што датираат од минатото а историјата се повторува и со обидот на скандалозната продажба на „АД Славија“ на луѓе блиски до структурите на Заев. - Гледаме дека историјата се повторува вклучително и со онаа тема која што ја говорев јас изминатиот период со акционерското друштво Славија каде што власта тргна тивко во време кога се менуваат две структури, односно менување на две гарнитури во СДСМ но и во власта се обидоа да продадат фирма, компанија, пакет на акции кои што имаат вредност повеќе од 20 милиони евра да ги продадат само за 218 000 евра. И од ден во ден се главеа се повеќе и повеќе во оние нивни препелкања во онаа жива кал наречена криминал и корупција. Видовме дека многу ревносно излегоа да ја бранат таа зделка во најава, која што е за одредени блиски луѓе до власта секојдневно пуштаат деца буквално да ја бранат, деца од нивната партија, се кријат зад деца за да можат да го сторат овој криминал во најава, но се уште веруваме дека се доволно свесни институциите и јавноста и ќе го спречат заедно со нас ова криминално дело во најава продажба на АД Славија, нагласи Арсовски. Портпаролот на ВМРО-ДПМНЕ, Арсовски истакна и дека АД Славија има вкупен имот од вредност над 20 милиони евра а фирмата функционира рентабилно има 30 вработени кои што секој месец на време им се исплаќа плата и има приход годишен од 50 милиони евра а на сметка има 100-тина илјади евра. - Само за потсетување АД Славија има имот од стотици илјади квадратни метри површина, има десетици и десетици објекти кои што се на атрактивни локации, управната зграда, магацините во Гази Баба, магацините во Кисела Вода, потоа локации како на Рузвелтова, во Ѓорче Петров, во Пржино, кои што се многу атрактивни и коишто сите за потенцијалниот откупувач кој што е близок до оваа структура на власат до Заеви сакале да ги купат за подоцна да можат да градат згради и објекти дебело да профитираат. Инаку фактичката состојба да потсетиме фирмата не е загубар како што ја претставуваат, фирмата чини над 20 милиони евра, односно акциите чинат со целата своја вредност, фирмата функционира рентабилно има 30 вработени кои што секој месец на време им се исплаќа плата има приход годишен од 50 милиони евра и на сметка има според нашите информации 100 тина илјади евра, иако тоа се обидуваат да го демантираат од власта, дека немало 100 тина имало помалку, што значи дека сепак одлично функционира таа фирма иако е во стечајна постапка а сепак сакаат да ја продадат и да ја раскрчмат, истакна Арсовски. Арсовски апелираше веднаш да се прекине со ваквата срамна продажба на „АД Славија“. - Очигледно е дека сериозно се вмешани во коруптивни скандали и криминали и она кое што уште еднаш го апелираме од оваа панел дискусија е да уште веднаш ја прекинат оваа срамна продажба на „АД Славија“ и да тоа се стори онака како што треба со проценка, со извештаи, со државни протоколи од институциите подоцна да биде продадена онака како што доликува односно за сумата за која што вреди, бидејќи сепак тоа е државен имот, имот на граѓаните, заклучи Арсовски.

„АД Славија годишно има добивка од над 800 илјади евра, а криминалната власт на СДСМ сакаат целиот имот да го продадат за околу 218 илјади евра“

Магдалена Андонова — Sat, 25 Dec 2021 08:31:22 +0000

СДСМ е синоним за раскрчмување на државниот имот по багателни суми. Кога СДСМ е на власт секогаш имаме распродажба на имотот на граѓаните, така беше и со мрачната транзиција, така е и овие 4 години. Зоран Заев, Димитар Ковачевски и СДСМ сакаат да го продадат целиот имот на АД Славија кои вреди повеќе од 20 милиони евра, за само 218 илјади евра. 100 пати помалку од моменталната реална вредност на акционерското друштво Славија. Тотално лудило на оваа криминална власт предводена од Зоран Заев и неговиот пиун Димитар Ковачевски, стои во соопштението на ВМРО-ДПМНЕ. Од партијата велат дека АД Славија вреди далеку повеќе од онаа вредност за која сакаат криминалците од власта да ја продадат говори и фактот дека АД Славија пријавува приходи на годишно ниво од над 800 илјади евра. - Или поточно АД Славија на месечно ниво има приходи од над 70 илјади евра, додека пак на моменталното салдо на акционерското друштво има повеќе од 100 илјади евра. Власта бескруполозно лаже дека долгот на АД Славија е повеќе од 17 милиони евра. Јасно може да се види од документите кои се јавно достапни дека долгот на АД Славија е нешто повеќе од 4 милиони евра. И покрај ваквата моментална состојба, вредноста на имотот на ова акционерско друштво е над 20 милиони евра. Криминалната власт на СДСМ треба веднаш да ја стопираат продажбата на АД Славија, бидејќи фирмата приходува и книжи добивка на годишно ниво и има имот во вредност од над 20 милиони евра, се појаснува во партиското соопштение. ВМРО-ДПМНЕ додава дека одговорност за овој грабеж, кој е ист како во транзицијата од 90-тите, мора да ќе има.

Арсовски: АД Славија секоја година има приходи од 50 милиони денари

Магдалена Андонова — Fri, 24 Dec 2021 11:55:15 +0000

Молкот на цела Влада на СДСМ, вклучително и на новиот пиун на Заев, Димитар Ковачевски, кој се уште се нема произнесено по ниту едно прашање, па ниту и за продажбата на АД Славија, е само показател дека сакаат АД Славија да ја продадат свесно обезвреднета, по цена од основачкиот удел од 218.000 евра, а не по пазарна проценета вредност од страна на институциите. Срам, блам и лудило на власта. Целиот имот на АД Славија , уште еднаш да повториме, со се атрактивни земјишта и имоти чини над 20 милиони евра, изјави денеска за медиумите Димче Арсовски, портпарол на ВМРО-ДПМНЕ. Тој истакна дека со овие документи кои денеска ќе ги изнесе за јавноста и медиумите, ќе ги демантира СДСМ во неколку наврати, во обидот да се извлечат од овој криминален процес во најава со нивни прес конференции. - Ова е документ официјален од Централниот регистар, каде што се гледаат годишните приходи и текови на парите на АД Славија. Ова е листинг од обработена годишна сметка од Централен регистар на АД Славија. Секоја година, АД Славија има приходи од работењето на самата компанија од околу 50 милиони денари. Тоа се околу 70-80.000 евра месечно приходи зависно од месец кои што легнуваат на контото на АД Славија. Според нашите информации во моментов на сметката на АД Славија има околу 6 милиони денари или 100.000 евра, што значи новиот купец кој што би ја купил за 218.000 евра Славија доколку не се одложи како што апелираме, би си добил и пари на сметка кога ќе ја купи фирмата и акциите и практично може да му се за фати за 100.000 евра да купи таква компанија бидејќи нели ќе му се вратат овие 100.000 евра на сметка. Од друга страна, во делот пасивата во годишната сметка може јасно да се види дека обврските на АД Славија се 253.271.232 денари или 4.2 милиони евра обврски и долг. Како и што рековме во изминатите прес конфереции, не е долгот како што лажеа во Владата на оние прес конференции дека бил 17 милиони евра или многу повеќе, долгот е само 4.2 милиони евра, појасни Арсовски. Портпаролот посочи дека и покрај ваков долг, со вакви приходи на годишно ниво, АД Славија со целиот свој имот, земјишта и работење има вредност од над 20 милиони евра. - Сакам уште еднаш јавно да им порачам, да се повлечат од продажбата на АД Славија која што ја подготвуваат на ваков срамен начин. Фирма која приходува и книжи добивка на годишно ниво, не може да биде продадена како фирма која на пример долгува над 50 милиони евра. Не, оваа фирма долгува само 4,2 милиони евра, приходува секоја година околу 50 милиони денари, има на сметка стотина илјади евра и има земјиште и целокупен имот во акциите околу 20 милиони евра. Навистина е срамота ова и ако не се повлечат од продажбата некој сериозно ќе одговара, додава Арсовски.