Адам Силвер – Kurir.mk

Се проширува НБА лигата

Бошко Тасиќ — Thu, 13 Jul 2023 04:29:50 +0000

Комесарот на НБА лигата, Адам Силвер неодамна најави дека најквалитетното кошаркарско натпреварување на светот би можело да се прошири за уште две екипи. Првиот тим на листата е славната франшиза на Сиетл Суперсоникс, за која ова би било враќање во НБА лигата после петнаесет години, додека втората екипа е новоформираната франшиза на Лас Вегас, кој за првпат би се натпреварувала во американскиот кошаркарски „крем“. „Проширувањето на лигата не е никаква тајна и тоа е логичен чекор за НБА. Постојат повеќе тимови кои се во игра, а први на листата се секако Сиетл и Лас Вегас. Има голем интерес за лигата и од други пазари, а ние мораме внимателно да ја разгледаме ситуацијата и да ги донесеме вистинските одлуки. Во моментов сè уште не сме започнале конкретни преговори со никого, но тоа може да се случи многу наскоро. Сакаме да ја зголемуваме популарноста на НБА лигата и секогаш работиме на тоа. Сите сме фокусирани на успешни проекти, одлични франшизи со неверојатни кошаркари и спектакуларни натпревари“, заврши Силвер. Во моментов триесет тимови се натпреваруваат во НБА-лигата. Оваа сезона ќе стартува и Купот на НБА, чија завршница ќе се одигра во Лас Вегас, а дополнително се очекуваат и нови информации за евентуалното проширување и додавање на двете нови екипи.

Силвер: Од следната сезона и дефинитивно ќе има НБА куп

Бошко Тасиќ — Wed, 07 Jun 2023 05:08:03 +0000

Најсилната кошаркарска лига во светот НБА од следната сезона и дефинитвно ќе има свое куп натпреварување на средината од регуларниот дел од сезоната. Не е ново што челниците на НБА лигата од година во година се трудат да внесат дополнителен шарм на натпреварувањето кое го водат, а за таа цел веќе смислија нешто што досега не е видено во рамката на најсилната кошаркарска лига во светот – Куп натпреварување. НБА веќе од следната сезона ќе треба да има Куп потврди комесарот на натпреварувањето и прв човек на НБА лигата Адам Силвер. „Тимовите не би се бореле само за тој нов трофеј, бидејќи би се играл во екот на сезоната и секоја победа би се броела како досега. Најдобрите четири екипи би играле за трофејот на неутрална локација која се уште не е одредена. Трофејот што ќе го добие победникот е различен од оној што му е доделен на шампионот на целата лига“, изјави Силвер.

Клубови од Евролигата може да станат дел од новиот турнир на НБА

Бошко Тасиќ — Sun, 19 Feb 2023 13:47:28 +0000

Комесарот на НБА, Адам Силвер, предложи Евролигата и другите тимови кои не се од САД да станат дел од официјалната сезона на најсилната лига во светот во догледна иднина. Ова потенцијално би можело да се случи како дел од новиот турнир во средината на сезоната за кој НБА во моментов активно размислува. – Размислуваме за внатресезонски турнир со кој сакаме да ја направиме регуларната сезона уште поинтересна. Можеби во одреден момент, клубови надвор од НБА ќе се приклучат на таков турнир. Имаме различни идеи, разгледуваме опции, изјави Силвер. НБА ја разгледува можноста за одржување на нов турнир во текот на регуларниот дел од сезоната.

Силвер: Ако некој од играчите не сака да учествува во рестартирање на сезоната, тоа нема да претставува повреда на договорот

Тале Кристо — Tue, 16 Jun 2020 06:33:27 +0000

Комесарот на НБА, Адам Силвер изјави дека ја разбира загриженоста на некои кошаркари за планот за продолжување на сезоната 2019/20, што го предложи лигата. – Сакам да забележам дека ова можеби не е за секого. Ова ќе бара големи жртви од играчите и од сите што ќе учествуваат во продолжувањето на сезоната, тренери, судии. Доколку некој од кошаркарите одлучи да не дојде во Орландо, тоа нема да претставува повреда на условите на неговиот договор. Ние сме подготвени да ја прифатиме оваа позиција, изјави Силвер. Претходно беше објавено дека најсилната светска кошаркарска лига планира да ја продолжи сезоната, одржувајќи ги сите натпревари во Орландо пред празни трибини. Кошаркарите ќе живеат во истиот кампус.