адама траоре – Kurir.mk

Барселона нема да брза со одлука за Адама Траоре

Ристе Здравков — Fri, 04 Mar 2022 08:17:22 +0000

Траоре во Барселона игра на позајмица од Вулвс со опција комплетно да биде откупен, и покрај неговите одлични изданија, клубот нема веднаш да ја активира клаузулата. Адама Траоре се врати седум години подоцна откако ја напушти Барселона, тој е производ на Ла Масија. Траоре веќе импресионираше, има четири асистенции во првите шест настапи за Барса во сите натпреварувања. Чави е задоволен од неговото влијание, но Барселона нема да брза со активирање на откупната клаузулата за перманентен трансфер која изнесува 30 милиони евра. Раководството на клубот ќе остави уште време за да направи проценка за Траоре, не сакаат да носат одлука уште сега за да не се покаже како избрзана. Се е во рацете на Траоре, доколку ја задржи формата, ќе се избори за перманентен договор со својот матичен клуб.

ВИДЕО: Траоре се врати во Барселона и испрати порака до навивачите

Ивона Петрова — Sat, 29 Jan 2022 20:17:29 +0000

Адама Траоре е најновото засилување на Барселона во зимскиот преоден рок. Крилниот напаѓач на „Камп Ноу“ пристигна како позајмен од Вулверхемптон со можност за перманентен трансфер во летниот трансфер прозорец. Траоре се враќа во Барселона каде што настапуваше во младинските категории, и во вториот тим, но никогаш не дебитираше за првата екипа. -Многу сум среќен што се вратив тука. Ова за мене е посебен момент. Тука пораснав, заедно со моето семејство и пријателите. Таа среќа која ја чувствувам сакам да ја пренесам и на теренот, – изјави Траоре кој ќе има официјална презентација на 2 февруари.

Returning home is always special. 💪 @AdamaTrd37's first day back pic.twitter.com/ZRRHdK37fJ
— FC Barcelona (@FCBarcelona) January 29, 2022

❝ I'm so happy to come back here! ❞ — @AdamaTrd37 pic.twitter.com/rooMTeBzHR
— FC Barcelona (@FCBarcelona) January 29, 2022

Францускиот суд побара нова медицинска експертиза за смртта на Адама Траоре

Магдалена Андонова — Fri, 10 Jul 2020 15:18:31 +0000

Француските истражни судии нарачаа нова медицинска експертиза за смртта на Адама Траоре, за што постојат сомневања за евентуално полициско насилство, јави дописникот на МИА. Траoре почина во 2016 година по неговото апсење од жандармите и се претвори во симбол на борбата против полициското насилство во Франција. Нова медицинска експертиза е нарачана по сослушувањето на сведокот, кај кого Траоре се засолни на денот на неговото апсење. – По сослушувањето од страна на истражните судии на 2 јули на сведокот, кај кого се засолни Адама Траоре, истражните судии одлучија, да наредат нова медицинска експертиза која им е доверена на белгиските лекари , изјавија адвокатите. Досега се направени две судски експертизи во Франција и нивните заклучоци се различни. По смртта на Џорџ Флојд и антирасистичките демонстрации ширум целиот свет, сестрата на Траоре организира протести за време на мерките на изолација во Париз, на кои учествуваа илјадници лица. (МИА)

Траоре во Вулверхемптон за рекордни 23 милиони евра

Матеја Петровски — Wed, 08 Aug 2018 13:15:36 +0000

Младиот шпански фудбалер Адама Траоре го напушти Мидлзбро и потпиша за Вулверхемптон, објави на клупскиот сајт новиот премиерлигаш. Трансферот е вреден 23 милиони евра, што е нов клубски рекорд, а договорот е потпишан со важност од пет години. Траоре кариерата ја почна во Барселона, каде што одигра само четири натпревари, а пред Мидлзбро беше позајмен на Астон Вила. Пред него во Вулверхемптон за новата сезона се засили со Руи Патрисио, Жоао Мутињо, Џони Кастро и Раул Хименез. (Миа)