Адеа Шабани – Kurir.mk

ФОТО: Вака Аделина Тахири се прости од Адеа Шабани

Катерина Бојаџиева — Wed, 28 Mar 2018 17:25:57 +0000

Откако се обелодени веста дека Адеа Шабани е пронајдена мртва во гроб во Калифорнија, од неа се прости познатата пејачка Аделина Тахири. Таа со фотографија кажа последно збогум на Инстаграм.

Шабани последен пат била видена во лифт со Крис- биле заедно па дознала дека е верен

Катерина Бојаџиева — Wed, 28 Mar 2018 15:59:03 +0000

Светот и Македонија се потресени од веста за смртта на исчезнатата студентка по глума, Адеа Шабани, по која полицијата во САД трагаше со месеци. Американските медиуми кои со внимателност го следеа случајот, јавуваат дека Адеа последен пат била видена во лифтот во зградата кај што живеела, заедно со актерот Споц кој се самоуби викендов пукајќи си во глава. 25-годишната Адеа и Крис се запознале на академијата за глума „Стела Адлер“ каде што студирале и двајцата. Биле заедно додека не дознала дека има вереница. Засега тој е осомничен откако таа беше пронајдена во гроб.

Исчезнатата македонска актерка Адеа Шабани пронајдена мртва

Ивона Петрова — Wed, 28 Mar 2018 06:50:11 +0000

Македонската актерка Адеа Шабани, која исчезна пред повеќе од еден месец e пронајдена мртва. Телото на 25- годишната Адеа било пронајдена во нов ископан гроб, на околу 80 километри од Сакраменто, во Јужна Калифорнија, и тоа минатиот четврток, но телото се идентификувало денеска. Викендов и момчето на Адеа, 33-годишниот Крис Споц, бегаше од полицијата и си пукаше во главата. Истовремено, медиумите пишуваа дека полицијата има сведок кој видел како македонската актерка била насилно турната во багажникот на автомобилот на Крис. По исчезнувањето на младата девојка која студираше глума, сите се кренаа на нозем, а беше понудена и награда од 25.000 долари за било каква информација. Полицијата закажа прес-конференција.

Актерка од Македонија исчезна во Холивуд, пријателите и полицијата бараат помош од јавноста (ВИДЕО)

Катерина Бојаџиева — Fri, 02 Mar 2018 15:13:58 +0000

Адеа Шабани, 25, исчезнала минатиот петок, 23 февруари, под сомнителни околности, според полицискиот оддел во Лос Анџелес, пренесува КТЛА. Студентката по актерство исчезнала истиот ден околу 11 часот наутро, соопшти полицијата. Пријателите велат дека ја оставила вратата отклучена, како да очекувала брзо да се врати. Загрижените пријатели ја пребарувале областа во четвртокот, надевајќи се дека ќе најдат некакви траги, а нејзината мајка полетала од Македонија, од каде што е нејзиното семејство. „Не знам, не знам што да мислам“, рекла Мишел Љунгранџ за КТЛА. „Само сакам да ја најдам“. Оние што ја знаат Шабани во почетокот мислеле дека е зафатена, но сомнежот се зголемил откако таа пропуштила важен час на Академијата за актерство на Стела Адлер. Тогаш тие се јавиле кај полицијата на Лос Анџелес. Нејзината пријателка Ема Џо вели дека не е вообичаено за Шабани да не комуницира со своите најблиски. „Ова не личи на неа, ова не личи на неа“, рече Џо. „Нешто се случува со неа, не знаеме каде е. Толку е тажно, само се надеваме дека е жива“. Исто така, обично активната корисничка на социјалните мрежи се нема појавено цела недела, според Антонио Есковар. „Ѝ ѕвоневме, ѝ праќавме мејлови, ѝ пишувавме на Фејсбук, на Инстаграм – сè пробавме, и ништо“, изјави тој за КТЛА. Последниот текст испратен од Шабани не дава никакви траги и бил за црвени свеќи, велат блиските. Иследниците не објавија никакви информации што укажуваат на нешто сомнително, но пријателите веруваат дека некој ја држи против нејзината волја. Полицијата ја опиша 25-годишната скопјанка како белкиња со руса коса и сини очи. Висока е 165 сантиметри, а тешка шеесетина килограми. Пријателите бараат секој што можеби ја видел да се јави во полиција, вели Еј-би-си. „Третирајте го ова како таа да е член на вашето семејство, ваша пријателка, бидејќи верувајте ми, ако ја запознаевте оваа девојка, ако ја знаевте оваа девојка, таа ќе им беше голем пријател на сите што ја познаваат“, рече Лисјен Јовановски.