адел – Kurir.mk

Адел откри дека била на работ на алкохолизам: Не пијам три месеци, но ми недостасува

Ивона Петрова — Wed, 25 Oct 2023 14:51:08 +0000

Англиската пејачка Адел им открила на своите фанови дека престанала да пие алкохол откако признала дека била на работ на алкохолизам, пренесуваат британските медиуми. Адел (35) на својот настап во Лас Вегас и призна на публиката дека престанала да пие алкохол пред околу три и пол месеци, велејќи дека тоа воопшто не е забавно. Сепак, таа изјави дека алкохолот многу и недостасува. -Мислам, јас бев буквално на работ на алкохолизам во поголемиот дел од моите дваесетти, но многу ми недостига. Уживајте во вашето виски. Многу сум љубоморна, му рекла пејачката на еден обожавател за време на настапот. Додала дека се откажала од кофеинот заедно со алкохолот. Пејачката во последните две години е во врска со Рич Пол (41), спортски агент со кого е свршена.

Адел откри како настанал еден од нејзините најпознати хитови

Ивона Петрова — Tue, 29 Aug 2023 06:35:29 +0000

Кариерата на британската пејачка Адел ја одбележаа хитови како „Someone Like You“, „Hello“, „Rolling in the Deep“ и „Set Fire To The Rain“. Токму за последнава песна, на неодамнешниот концерт во Лас Вегас, САД, таа реши да го открие вистинското значење. Позната по нејзините емотивни текстови засновани на лични искуства, Адел реши да ѝ раскаже на публиката како настанал хитот од пред 12 години, што овојпат не е така длабоко философски. Таа откри дека „песната е за еден обид да запали цигара додека врне“, иако текстот е навидум емотивен. Таа тие денови била скарана со тогашното момче, па „излетала од дома“ на дождот, за да не ја види дека е вознемирена. Во тој миг тој рекол: „Нема да ја запалиш таа цигара на дожд“, но таа успеала, па следната песна го добила насловот „Запали оган на дождот“. Адел имаше низа настапи во Лас Вегас што завршија во март, но повторно му се врати во американскиот „Град на гревот“ летово. - Настапите во градов ме враќаат во живот... Мојот живот некогаш беше возбудлив кога бев помлада, но се чини дека колку што беше поголема мојата кариера, толку повеќе бев исплашена и вознемирена. Затоа се дружам со моите кучиња, син ми и моето момче и разговарам со мојата домашна помошничка, рече Адел. Како што истакна, таа со нетрпение го очекува секој настап во Лас Вегас, чувствувајќи се како на ноќно излегување со пријателите.

Адел ја купила вилата на Сталоне, но имала еден важен услов

Ивона Петрова — Wed, 21 Jun 2023 20:53:16 +0000

Актерот Силвестер Сталоне пред година ипол објави дека ја продава својата величествена палата во Лос Анџелес. Иако првично сакаше да ја продаде палатата за 110 милиони долари, тоа не му успеа. Имено, тој го продаде својот имот за 58 милиони долари на британската пејачка Адел. Таа имаше еден услов. Сталоне требаше да ги исели своите работи, но Адел сакаше статуата на Роки, херојот на филмот што го прослави актерот, да остане таму каде што е - во дворот покрај базенот. Во спротивно немало да ја купи куќа. „Таа ми рече дека ако ја извадам статуата од двор, договорот се прекинува“, рече Сталоне со насмевка за американските медиуми и додаде: „Адел има добар вкус.“ Актерот откри дека статуата се наоѓа кај базенот и е моделирана по сцената кога Роки се качува по скалите на музејот во Филаделфија.

Време е да одам дома: Џејмс Корден го завршува своето шоу, урнебесно последно возење со Адел (ВИДЕО)

Ивона Петрова — Tue, 25 Apr 2023 07:24:43 +0000

По осум сезони доаѓа крај на познатото шоу „The Late Late Show with James Corden“. Во последната епизода, пејачката Адел која е добра пријателка со Џејмс Корден, доаѓа во неговиот дом за да го разбуди и таа да го однесе до работа за последното шоу. Адел го прашува Џејмс за неговите спомени како домаќин на шоуто, Carpool Karaoke и значењето на неговото завршување. И двајцата се емотивни размислувајќи за нивното пријателство и времето кога биле таму еден за друг. -Ќе ми недостасува се'. Потценив колку многу пријателства создадов со шоуто. Ќе ми недостасува сето тоа. Но, време е да се посветам на семејството, со оглед на годините кои доѓаат и возраста на некои членови на семејството, време е да одам дома, истакна Џејмс.

Адел признала пред публиката колку алкохол испила во еден ден, а публиката занеми – „тоа е типично за алкохоличари“

Дарко Андоновски — Thu, 30 Mar 2023 09:39:02 +0000

Пејачката Адел на концерт во Лас Вегас призна дека пиела големи количини алкохол за време на карантинот. Држејќи чаша вино на сцената, Адел ѝ признала на публиката дека еден ден за време на „локдаунот“, до пладне испила четири шишиња вино. „Се сеќавам кога дојдов овде за време на карантинот, испив четири шишиња вино до 11 часот наутро. Како и сите ние. Сакав да издадам албум во 2020 година, но завршив дома со алкохол“, рече пејачката пред публиката. Таа го исклучила алкохолот од својот живот кога почнала да вежба и да се храни здраво, вели таа. „Престанав да пијам. Тоа е одличен начин да се запознаете себеси - да пиете вода и да останете трезна“, заклучила таа.

ВИДЕО: Адел се расплака поради обожавателка која го славела разводот на нејзиниот концерт

Ивона Петрова — Tue, 17 Jan 2023 10:06:55 +0000

Обожавателка на Адел отпатувала заедно со своите 14 пријателки на нејзиниот концерт во Лас Вегас за да го прослави својот развод. Овој потег ја расплака пејачката. Ребека Феинглос (33) се развела неодамна и овој животен настан одлучила да го прослави со своите пријателски во Лас Вегас. На листата работи кои ќе ги направат во Вегас бил и концертот на Адел каде Ребека држела лист со натпис „Ми помогна да пројдам низ мојот развод“. Адел истакнала дека го обожава тоа, но кратко потоа на сцената се расплакала. -Тоа што си ги донела пријателските ме трогна. Чувајте ги своите пријатели бидејќи се подобри од било кој маж или жена. Вашите пријатели се со вас за цел живот, рекла Адел. Потсетуваме, Адел во 2019 година се разведе од Симон Конецки по што јавно говореше за болното искуство откривајќи дека во тој период се спријателила со Џенифер Лоренс и Никол Ричи кои многу и помогнале во процесот.

Адел кажа како точно се изговара нејзиното име

Ивона Петрова — Thu, 03 Nov 2022 08:13:41 +0000

Музичката ѕвезда којашто речиси цел свет ја знае како Адел, сподели како всушност се изговара нејзиното име. Поп-пејачката, имено, одговарајќи во нејзино видео за прашања и одговори под наслов „Happy Hour with Adele“, забележа дека една обожавателка го погоди изговорот на нејзиното име. – Го сакам ова, таа совршено го кажа моето име!, рече британската музичарка, повторувајќи го своето име. Така, се чини, таа никогаш не била Адел, туку – Адејл („Uh-dale“).

Фановите на Адел бесни: Пејачката прави концерти само за богати, цената на билетите до 40.000 долари

Ристе Здравков — Wed, 27 Jul 2022 12:20:46 +0000

Билетите за првиот настап на британската пејачка Адел во Лас Вегас се продаваат за повеќе од 40.000 долари на одредени веб-страници, додека билетите за другите концерти можат да се најдат по цена од 20.000 долари. Во понеделникот пејачката објави нови датуми за серија концерти во Лас Вегас, откако претходно беше принудена да ги одложи своите настапи само 24 часа пред премиерата во јануари оваа година. Заедно со 24-те одложени настапи, најавени се уште 8 нови, а истите ќе траат од 18-ти ноември 2022 година до 25-ти март 2023 година.

Words can’t explain how ecstatic I am to finally be able to announce these rescheduled shows. I truly was heartbroken to have to cancel them. pic.twitter.com/PQLiaPVYgO
— Adele (@Adele) July 25, 2022

Според соопштението на „Ticketmaster“, компанија за продажба и дистрибуција на билети, сите постоечки билети важат за новиот датум. Понатаму, ќе бидат достапни помал број дополнителни билети за сите 32 изведби. Сепак, пристапот до секоја претпродажба ќе биде ограничен, а предност ќе имаат фановите кои купиле билети за претходните настапи. Набргу по ваквата информација, беше објавено и дека билетите за премиерата чинат помеѓу 600 и 41.000 долари на веб-страницата „Stubhub“. Во понеделникот, „Bloomberg“ објави дека од 17:30 часот по њујоршко време, биле достапни две влезници од 41.280 долари за настапот на Адел на 18-ти ноември.

Hyde Park Night 2! My heart is absolutely full! I’ll never forget these shows with you, slap bang in the middle of London, outdoors, during Pride weekend! You brought everything and more! Thank you so so much for having me. Thank you to the entire line up you were all incredible. pic.twitter.com/1j8Kib05My
— Adele (@Adele) July 4, 2022

Според извештајот на публикацијата, билетите во најмалку 6 други ценовни категории се продавале за 20.000 долари или повеќе. Две влезници за божиќното шоу биле продадени за повеќе од 23.000 долари на веб-страницата за препродажба, „Gametime“. Во изјава за „Bloomberg“, извршниот директор на „Gametime“, Метју Радос, ги припишал високите цени за препродажба на одложените концерти и на фактот дека Адел „нема многу настапи во живо“.

Адел ѕвезда на годинешните Британски музички награди

Катерина Бојаџиева — Wed, 09 Feb 2022 08:41:21 +0000

Британската пејачка Адел го обележа овогодишното доделување на Британските музички награди, познати и како „БРИТ“. Свеченоста се одржа во лондонската „О2 арена“. Ова беше првото издание на Британските годишни награди, кои се доделуваат од 1977 година, со кое се укинаа родовите поделби, па сега нагласката е на категориите Уметник на годината и Странски уметник на годината наместо претходните категории за машки и женски изведувач. На годинешното доделување доминираше Адел, која освои три награди. „Кралицата на БРИТ“, како што ја нарече водителот Мо Гилиган, ги доби одличјата за албум, за најдобар изведувач и песна на годината, за „Easy on Me“. – Би сакала да ја посветам оваа награда на мојот син и на Сајмон, неговиот татко. Овој албум беше целото наше патување, не само мое, рече Адел во солзи, мислејќи на нејзиниот поранешен сопруг Сајмон Конецки. И покрај тоа што беше објавен само во ноември, „30“ – четвртиот студиски албум на Адел, е најпродаваниот албум во Велика Британија за 2021 година, со повеќе од 600.000 примероци за само шест недели. Адел неодамна изјави дека го снимила албумот за да му го објасни својот развод на синот ѝ. Адел за наградата за уметник на годината, ги победи Литл Симз и Дејв, Ед Ширан и Сем Фендер. Меѓу другите победници беше рок групата „Волф Алис“, којашто ја освои наградата за најдобра група, а раперот Литл Симз е најдобар нов изведувач. Ед Ширан беше прогласен за текстописец на годината. Американските пејачки Били Ајлиш и Оливија Родриго ги освоија наградите, соодветно – првата за најдобар странски изведувач и втората – за странска песна, за „good 4 u“. Наградата за најдобра странска група ја освои американското ар-ен-би дуо „Силк соник“, коешто го сочинуваат пејачот Бруно Марс и раперот-пејач Андерсон Паак. Сем Фендер ја освои наградата за алтернатив – рок, а Дејв за хип-хоп – грајм – рап. Пејачката Дуа Липа ја доби наградата за најдобра поп – ар-ен-би изведба, а Беки Хил ја доби наградата за најдобар денс изведба.

Емотивна исповед на Адел: Алкохолот ме остави без татко, поради него не знам што е љубов

Ивана Ефремовски — Tue, 16 Nov 2021 09:22:03 +0000

Пејачката Адел (33) минатиот викенд гостуваше кај Опра Винфри (67) со која разговараше за многу скокотливи теми од нејзиниот приватен живот. Таа во ексклузивен разговор откри детали од приватниот живот, музичката кариера, но зборуваше и за разводот со поранешниот сопруг Сајмон Конецки (47). Таа развила опсесија да има функционално семејство поради нејзиниот татко алкохоличар Марк Еванс, кој ја оставил кога била мала. -Ми недостигаше присуството на татко ми. Но, конечно сфатив дека тоа беше алкохолот, тој го зеде татко ми. Имав буквално нула очекувања од другите луѓе затоа што од примерот на татко ми научив дека ги немам. Тој беше причината што не разбрав целосно што значи да се има љубовен однос со некого, изјави таа. Беше во брак со Сајмон осум години, а се разведоа во 2018 година. -Се чувствував како да не го почитувам бракот бидејќи толку брзо се разведов. Се срамам затоа што се случи толку брзо. Чувствував дека го разочарав син ми, дека се разочарав себеси, призна пејачката и откри дека се уште го сака. „Најтешко беше да му објаснам на шестгодишното дете дека го сакам неговиот татко, но дека не сум заљубена во него“. Таа призна дека токму тој и го спасил животот откако станала голема ѕвезда. -Бев млад и мислам дека многу лесно можев да се уништам и да тргнам во погрешна насока бидејќи бев оптоварена со славата. За среќа, тој беше најстабилната личност во мојот живот. И сега толку многу му верувам што нему му го доверувам мојот живот, изјавила Адел.