Џафери на комеморативната седница по повод смртта на Демачи

Ивона Петрова — Fri, 27 Jul 2018 07:44:15 +0000

Претседателот на Собранието Талат Џафери денеска ги одложи своите активност поради тоа што ќе присуствува на комеморативната седница во Собранието на Косово за починатиот косовски активист за човекови и национални права, Адем Демачи. Кабинетот на претседателот на Собранието Џафери утринава информираше дека неговите денешни активности нема да се одржат. Претпладнево во 9:30 часот пред Џафери свечени изјави требаше да дадат новоизбраните членови на ДИК, а потоа тој имаше закажано и средба со романската премиерка Виорика Данчила.

Почина „косовски Нелсон Мандела“

Ивана Ефремовски — Thu, 26 Jul 2018 17:09:01 +0000

Познатиот косовски активист и долгогодишен политички затвореник во времето на поранешна Југославија, Адем Демачи, почина попладнево во Приштина на 82-годишна возраст, јави дописникот на МИА од Приштина. Веста за смртта на Демачи, кого многумина го нарекуваа „косовски Нелсон Мандела“ поради 28-те години минати во југословенските затвори заради политички активности и убедувања, на попладневната седница на косовското Собрание ја објави собранискиот потпретседател Џавит Халити. - Почина нашиот учител, човекот кој помина 28 години од својот живот низ српските зандани. Тој не напушти, но неговото дело ќе остане да се памети за век и веков, рече Халити, кој ги повика пратениците да му одадат почит на Демачи со едноминутен молк. Откако беше пуштен од затвор во 1990 година, Демачи беше активен во неколку политички партии, а беше и политички претставник на Ослободителната војска на Косово (ОВК) за време на војната во 1998-99 година. (МИА)

адем демачи – Kurir.mk

Џафери на комеморативната седница по повод смртта на Демачи

Почина „косовски Нелсон Мандела“