адеми – Kurir.mk

Кавески говори за принципи на СДСМ, а Адеми фатен како користи службено возило за партиски цели

Тале Кристо — Thu, 13 Feb 2020 18:20:56 +0000

Во „Само Вистина“ Дарко Каевски уште еднаш ја покажа лицемерноста на СДСМ. Тој говореше како СДСМ е принципиелна партија и нивните функционери не ги користат службените автомобили за партиски цели. Но сепак пред неколку дена по медиуми имаше слика како Едмонд Адеми на партиската дебата на СДСМ замина со службено возило во сопственост на Владата, во сопственост на нас граѓаните. -Министерката да се откаже од нејзината плата, од нејзиниот шофер, од возилото патем кое иде на партиски состаноци. И го користи за партиски цели. Кај што дури и ДКСК јавно излезе и укажа дека не треба да се користат владините ресурси за партиски цели. Ние како СДСМ ги почитуваме сите тие принципи, а од друга страна имаме министерка која што буквално го крши и буквално во најмала мера ги злоупотребува, нагласи Каевски.

Адеми се фали: Според анкетите СДСМ е втора партија кај Албанците

Љупчо Цветаноски — Fri, 24 Jan 2020 10:10:02 +0000

Министерот задолжен за дијаспора, Едмонд Адеми, се пофали дека СДСМ е втора по рејтинг партија кај етничките Албанци во Македонија и дека поддршката за оваа партија кај нив продолжува да расте. -На Балканот имаше повеќе историја отколку иднина. Анкетите покажуваат дека СДСМ е втора партија кај Албанците после ДУИ. Овa e резултатот од една анкета реализирана пред една недела, истражување направено од институт кој што е веродостоен и верувам дека овој електорат во периодот што доаѓа ќе се зголемува – вели Адеми во интервју за „ABC News“. Адеми додава дека СДСМ во своите редови има потпретседател Албанeц, има директори во разни институции, а меѓу нив е и директорот за финанциска полиција. Поткрепа на кажаното на Адеми се и потезите на Заев, Шеќеринска и многумина претставници на партијата, кои сега го „плашат“ народот со поништување на Преспанскиот договор, чин кој има ефект насочен кон Албанците, но не и Македонците. Против договорот се 65% од сите граѓани во Македонија и околу 80% од македонското гласачко тело, покажуваат анкетите. Соочени со оттуѓување на македонското гласачко тело по серијата антинационални потези, промената на името, уставот, историјата им двојазичноста, сега СДСМ се обидува да допре кај Албанците, кои исто како и Македонците ги излажа за многу работи. Сепак, очигледно е дека проценката на екс Бихаќка е дека имаат подобра шанса за помин кај ова гласачко тело. Проблемот е што на ваквите предизборни потези сериозно им пречи серијата скандали и рекети кои го урниса СДСМ кај сите етнички заедници, покажувајќи го вистинското лице на партијата, а последните оценки на Транспаренси, ЕСИ, Економиост и микро растот на платите (четири шлаканици во само два дена) го покажаа и докажаа бедниот учинок на сите полиња на Заевата власт. За потсетување, пред изборите во 2016-та Заев се сретнуваше и со албанската дијаспора во Берн во битка за гласови. И покрај тоа, СДСМ не победи на изборите во 2016-та, кои три пати како опозиција ги одложуваше. Сега се почесто се слуша и ДУИ кои сега инсистираат на него, а тогаш не го почитуваа принципот „победник со победник“ и коалицираа со губитникот. Познавачите велат дека следува тешка и рововска битка меѓу ДУИ, БЕСА, Алијанса од една страна и СДСМ од друга страна во придобивањето на албанските гласови. Главното прашање на аналитичарите е - Што во новите игри без граници сега СДСМ ќе им понуди на Албанците за да го ублажат се поизвесниот поораз на 12-ти април?

По најавениот штрајк, Адеми на нова средба со претставниците на СОНК

Ивона Петрова — Tue, 29 Oct 2019 06:36:33 +0000

Министерот за образование Арбер Адеми денеска ќе има средба со претставници на Синдикатот за образование, наука и култура (СОНК), откако во саботата најави историско покачување на платите во образованието и изрази оптимизам дека нема да дојде до штрајк на наставниците, бидејќи, како што рече Министерството и Владата нудат решенија. Средбата ќе се одржи во просториите на Министерството за образование, а таа доаѓа откако викендов Адеми најави дека во текот на оваа недела ќе ги покани претставниците на СОНК, кои најавија штајк за 11 ноември. Советот на СОНК в петокот едногласно донесе одлука дека не го прифаќа предлогот на МОН и Владата за зголемување на платите во дејноста образование и наука за 10 отсто, почнувајќи од април 2020 година. Претседателот на СОНК Јаким Неделков тогаш на прес-конференција рече дека своите интереси ќе ги бранат со штрајк што се предвидува за 11 ноември годинава. СОНК бара предвиденото зголемување да не почнува од април 2020 година, туку од 1 јануари 2020 година, а исто така предлага и понудените 10 отсто да бидат предмет на договарање, односно, како што рече Неделков, да се понуди поголемо зголемување. Придружни барања што ќе се достават до МОН, како што најави Неделков, се измени и дополнувања на колективните договори за основно и за средно образование во кои ќе се иницираат регрес за годишен одмор, надоместоци поврзани со превоз на вработените, прекувремените наставни часови кои досега воопшто не се исплаќале, ревидирање на плаќањето во комбинирана настава… Неделков смета дека е итно барањето за изготвување и потпишување на колективен договор за високо образование и наука кој би бил со период на имплементација од 1 јануари следната година. Адеми, пак, во саботата изрази оптимизам дека до штрајк нема да дојде и нагласи дека досега на два пати се веќе зголемени платите и оти било понудено десетпроцентно зголемување на платите во април. -Следната недела сигурно дека ќе има покана и од наша страна да седнеме заедно, имајќи ги предвид сите параметри и за други реформски процеси за кои има финансиски импликации, верувам дека ќе најдеме начин и решение за следното покачување на платите, рече Адеми во саботата, додавајќи дека нема пазарење туку има конструктивен дијалог и разгледување на сите параметри. Според него, нема причина ниту, пак, потреба за организирање на штрајк најавувајќи, како што вели, историско покачување на платите во образованието. Премиерот Зоран Заев викендов во врска со најавениот штрајк во образованието на СОНК, рече дека е лесно да се организира штрајк, но оти верува дека ќе се изнајде решение. Ќе направиме се, додаде тој, да постигнеме договор со СОНК. -Ние како Влада за 2,5 години веќе два пати ги зголемивме платите. Во 2018 пет отсто, 2019 за пет отсто, кумулативно ако пресметувате доаѓа некаде околу 11 отсто. Понудивме некои решенија од мартовската плата која ќе се исплати за април и тоа е сериозно решение. Сите сакаме тоа до 100, 200 отсто да го зголемиме, но капацитетите мора да бидат разбирливи за сите во државата. Јас апелирам да разговарам да ги гледаме сите детали, рече Заев. Во основните и средните училишта оваа година наставата почна еден ден подоцна, поради предупредувачкиот штрајк на наставници членови на СОНК и тие што солидаризираа со нив. Штрајкувачите на првиот училишен ден беа на работа без обврски, а оние кои не се приклучија кон штрајкот одржуваа настава.

Адеми го пропушта натпреварот со Полска

Тале Кристо — Sun, 13 Oct 2019 15:59:45 +0000

Еден од најдобрите македонски репрезентативци од средниот ред Аријан Адеми, нема да биде во составот на селекторот Игро Ангеловски за вечерашниот дуел со Полска. На веб-страницата на ФФМ попладнево е потврдено отсуството на Адеми на квалификацискиот натпревар во Варшава за пласман на ЕУРО 2020. Фудбалерот на Динамо Загреб поради повреда нема да биде во комбинација за настап. На последниот натпревар против Словенија, Адеми доби удар во левото стопало и беше заменет во 77. минута од дуелот. Поради повреда дуелот на македонската репрезентација со Полска ќе го пропуштат и Енис Барди, Дарко Велковски, Крсте Велковски и Иван Тричковски. Стартот на натпреварот е закажан за 20:45 часот. з

Адеми потпиша нов петгодишен договор со Динамо

Ристе Здравков — Sat, 04 Aug 2018 10:47:32 +0000

Македонскиот репрезентативец Аријан Адеми ја продолжи соработката со Динамо Загреб и потпиша нов петгодишен договор. Адеми, кој воедно е капитен на загрепскиот тим, нагласи дека воопшто не се двоумел за останувањето во клубот кој застана зад него додека ја отслужуваше суспензијата поради допинг. - Пресреќен сум што го потпишав овој договор, а тоа покажува колку е голема љубовта меѓу мене и клубот. Во ниту еден момент не се двоумев. Динамо беше со мене кога ми беше најтешко. Сакам повторно да играме во Лигата на шампионите и да освојуваме титули, истакна Адеми. Летово за македонскиот репрезентативец интерес пројавија повеќе европски клубови, а најсериозна беше понудата од француски Лил.