административци – Kurir.mk

И тие заслужуваат исти третман: Административците од ГОБ „8 септември“ излегоа на протест, бараат награда од 30 илјади денари

Дарко Андоновски — Thu, 04 Feb 2021 14:31:18 +0000

Тие велат дека 195 вработени не добиле помош, а работеле со ковид пациенти. Админстративците велат дека сите што биле ковид пациенти доаѓале на шалтер и имале контакт со нив, објавува Канал 5. Докторите и сестрите добија еднократна парична помош од 30 илјади денари на крајот од 2020 година. Од министерството за здравство објаснија дека парите се наменети од Светска Банка и се само за вработените кои биле директно во процесот на лекување на болните од Ковид 19. Парична награда добија околу 7.600 вработени, а министерот побара од директорите на ковид центрите да ги разгледаат списоците на оние кои треба да добијат награда. Директорот д-р. Христијан Костов за Канал 5 вели дека сите вработени заслужуваат да добијат награда, зошто во изминатава година сиот персонал и медицински и немедицински покажал несебична и целосна одговорност во справување со епидемијата на корона вирусот. Според него треба да добијат награда може половична, бидејќи медицинскиот кадар кој беше директно вклучен не може да биде со истата награда. Во оваа болница 880 вработени добија награда. Докторите и медицинските сестри реагираат исто така бидејќи работата на медицинскиот персонал и администрацијта не ни приближно иста. Во моментов во оваа болница се лекуваат околу 80 пациенти болни од корона вирусот.

Извори од ДУИ за Лајм: Наредна недела ќе биде објавен конкурс за 800 административци од кои 640 албанци

Магдалена Андонова — Tue, 20 Oct 2020 09:01:21 +0000

После долга пауза, следната недела се очекува да биде објавен оглас за вработување на албанци во администрацијата, велат партиски извори од ДУИ. Конкурсот кој што се подготвува, предвидува вработување на вкупно 800 административци, од кои 640 ќе бидат Албанци, а 160 од други етнички заедници, велат извори од ДУИ за весникот „Лајм“. Сега ни е полесно. Првиот вицепремиер е од редовите на ДУИ, Артан Груби, министерот за финансии е наш, Фатмир Бесими. Ќе има повеќе вакви конкурси за постигнување адекватната застапеност, најавуваат од ДУИ, објавувајќи ги овие долго очекувани информации од јавноста, особено од младите кои штотуку дипломирале. Паралелно со подготовката на конкурсот, се подготвуваат законски измени за да се надмине аномалијата кога претставниците на една заедница се декларираат како членови на друга заедница, само за да бидат вработени. Министерството за информатичко општество и администрација нема механизам за итно да ги блокира Македонците кои заземаат работни места наменети за Албанците заради правичната застапеност во државните институции. Од ова министерство за Алсат велат дека единствениот спас е во соодветните законски измени, постапка што би траела неколку месеци. Министерство за информатичко општество и администрација: „Работната група во нашиот ресор подготвува измени и дополнувања на Законот за државни службеници, кои според динамиката на работа се очекува да бидат готови до крајот на декември.“

Села: Нема да има отпуштање на административците, ќе ги поставиме на соодветни работни места

Тале Кристо — Fri, 26 Jun 2020 20:16:17 +0000

Коалицијата Алијанса за Албанците и Алтернатива во рамките на предизборната кампања со мотото „Сега е време“ денеска го отвори општинскиот штаб во Кичево. Претседателот на Алијаната Зијадин Села од кичевското Китино Кале Кичево истакна дека тие нема да ги отпуштат административците, туку напротив, ќе ги распределат на соодветни работни места. – Вие како жители на Кичево се соочивте со разочарување, ние го поддржавме албанскиот кандидат во Кичево, додека оние во Струга се собраа за да не соборат, но Албанците ги разбраа овие манипулации. Ние ќе ги оствариме реалните и оригиналните соништа на Албанците. Ние ќе ги вратиме работните места кај Албанците на кои некои незаслужено им ги земаа. Ние ќе ставиме крај на кражбата на пари од народот. Ние ќе сториме се вашите даноци да останат тука на локално ниво во Кичево. Нема да дозволиме потта на Албанците да оди кај одредени поединци . На 15 јули убедени на победа тргнуваме од Кичево, но и од Арачиново бидеќи ние сме вистинскиот избор за Албанците, рече Села. На кичевци ми се обратија и Сурија Рашиди, носител на петтата изборна единица и Ремзи Мехмеди, кандидат за пратеник во шестата изборна единица, кои го истакнаа нивното убедување за победа на нивната коалиција на парламентарните избори закажани за 15 јули.