адмирал – Kurir.mk

АДМИРАЛ ПАРТНЕР НА МАКЕДОНСКИОТ СПОРТ

Дарко Андоновски — Mon, 12 Sep 2022 11:22:33 +0000

Надвор од средствата, кои задолжително се слеваат во државниот буџет од организаторите на игрите на среќа за програмите на Агенцијата за млади и спорт, членките на Групацијата Новоматик Македонија и Апекс Македонија продолжуваат преку различни проекти да го поддржуваат развојот на спортот. „МА Гаминг“ ДООЕЛ Скопје, кој е застапник на брендот „Адмирал“ во Северна Македонија, преку спонзорски договори станува партнер на македонските спортски гиганти. Автомат клубовите „Адмирал“ се присутни на домашно тло од 2009 година, како претставник на австриски „Новоматик“ и овој глобално реномиран бренд редовно е дел од различни донаторски проекти. Кошаркарскиот клуб МЗТ Скопје ги потврди големите амбиции за натпреварувачката 2022/23 година, со објавата на новиот спонзор „Адмирал“, што ги израдува навивачите, но истовремени и ги зголеми очекувањата за потенцијалниот спортски успех на тимот од Аеродром на сите фронтови. Несомнено е дека секој вид поддршка за професионалниот спорт значи сериозен придонес во правилниот развој и воспитувањето на младината од различни генерации. Младите гледаат свои идоли во професионалните спортисти и неретко се идентификуваат со индивидуалните и колективните успеси. Не случајно на повидок е и ново партнерство на „Адмирал“ во македонскиот ракомет, за што јавноста дополнително ќе биде запознаена. „Во рамки на нашите деловни можности продолжуваме и понатаму да придонесуваме во општествениот развој. Во нашиот корпоративен код е вградена општествената одговорност. Не само тука, туку и секаде во светот каде е застапен Адмирал. Младите се иднината на секоја држава и затоа наш фокус е подршката на проекти кои инвестираат во нивниот правилен развој, едукација и воспитување. Веруваме дека партнерството на Адмирал со МЗТ е еден вистински чекор во таа насока “, изјави г-дин Петар Пенчев, директорот на „МА Гаминг“ ДООЕЛ Скопје. Групацијата Новоматик Македонија и Апекс Македонија, како претставник на реномирани компании од ЕУ, продолжува да демонстрира висока општествена одговорност преку хуманитарни и спонзорски активности во најзначајните општествени сегменти, јавното здравство, спортот и културата. Без разликата на сериозните економски последици од повеќегодишната здравствена и енергетска криза, никогаш не отстапи од деловното мото - секогаш општествено одговорни компании! Така продолжуваат и во иднина!

„Адмирал“ со демант до „Антикоцкање“: Ги повикуваме надлежните институции до крај да ги расчистат сите околности

Ивана Ефремовски — Sun, 14 Jun 2020 09:41:20 +0000

Жалиме што во период кога целото општество се справува со тешките последици по здравјето на граѓаните и економијата предизвикани од пандемијата со Ковид-19, движењето „Антикоцкање“ продолжува со својата негативна кампања и ширењето лажни вести, реагираат од Автомат клуб „Адмирал“. Нивниот демант го пренесуваме во продолжение: Посоченото лице кое наводно нападнало член на движењето „Антикоцкање“ воопшто не е вработен во автомат клубот „Адмирал“. Сепак, ги охрабруваме и ги повикуваме надлежните институции до крај да ги расчистат сите околности согласно законите кои важат во нашата држава. Конечно, бидејќи со месеци сме цел на неосновани обвинувања, обиди за дискредитација, како претставници на реномирана странска компанија, ќе побараме од дипломатската мисија на Европската Унија во Република Македонија да изврши мониторинг на тоа како се третираат одредени странски инвестиции, кои вршат дејност исклучиво согласно домашните позитивни законски прописи. Автомат клуб „Адмирал“ Членка на Групација НОВОМАТИК во Македонија

Влегле со фантомки и одзеле 2.000 евра: Две момчиња под истрага за грабежот во казино „Адмирал“

Ивана Ефремовски — Tue, 23 Jul 2019 07:18:38 +0000

Две момчиња на возраст од 22 и 19 години се под истрага за грабежот на казино „Адмирал“ на 20 јули годинава. Според полицијата 22-годишникот и уште едно засега непознато лице влегле во казиното со фантомки на главата и им се заканиле на вработените. На тој начин успеале да одземат 2.000 евра, додека 19-годишникот ги чекал надвор во возило за бегство. Разбојништвото се случило околу 22.00 часот во казиното „Адмирал“ лоцирано на улица „12 Македонска Бригада“. Против двете момчиња ќе биде покрената истражна постапка за разбојништво, додека еден од разбојниците се уште не е идентификуван. „Осомничениот 22-годишен скопјанец, на 20 јули 2019 година , околу 22.00 часот, заедно со едно засега непознато лице – негов соизвршител, со употреба на опасно орудие пиштол се заканиле на двајца вработени во казиното „Адмирал“ лоцирано на улица „12 Македонска Бригада“. Притоа тие, маскирани со фантомки, влегле од задната врата на казиното и одзеле парични средства во вкупен износ од 126.161,00 денари. Во исто време, второосомничениот, 19-годишен скопјанец ги чекал двајцата сторители во возилото марка „Ауди А5“ кое го ставил на располагање за обезбедување превоз , со што помогнал во вршењето на кривичното дело. Откако осомничените излегле од казиното, биле пресретнати од овластени службени лица по што се дале во бегство. Јавниот обвинител кој постапува во предметот ценеше дека за едно од осомничените лица се исполнети законските основи за обезбедување на непречено водење на кривичната постапка , па до судија на претходна постапка во Основниот кривичен суд Скопје достави предлог за определување на мерката притвор. Предлогот на обвинителството беше прифатен од судот, по што на осомничениот му е определен притвор со траење од 30 дена“, соопштија од Обвинителство. На осомничениот кој помогнал во вршењето на кривичното дело му се определени мерки на претпазливост и тоа забрана за напуштање на живеалиште, обврска повремено да се јавува на определено службено лице во надлежен државен орган и одземање на патна исправа, односно забрана за нејзино издавање.

Скопјанец во притвор поради разбојништвото во казиното „Адмирал“

Ивана Ефремовски — Tue, 23 Jul 2019 06:38:57 +0000

Јавен обвинител од Основното јавно обвинителство Скопје донесе Наредба за спроведување истражна постапка против две лица за кои постои основано сомнение дека извршиле кривично дело – Разбојништво од член 237 став 4 во врска со став 1 од Кривичниот законик. Еден од осомничените го сторил делото како соизвршител, додека второто осомничено лице помогнало во вршењето на кривичното дело. Осомничениот 22-годишен скопјанец, на 20 јули 2019 година , околу 22:00 часот, заедно со едно засега непознато лице – негов соизвршител, со употреба на опасно орудие пиштол се заканиле на двајца вработени во казиното „Адмирал“ лоцирано на улица „12 Македонска Бригада“. Притоа тие, маскирани со фантомки, влегле од задната врата на казиното и одзеле парични средства во вкупен износ од 126.161,00 денари. Во исто време, второосомничениот, 19-годишен скопјанец ги чекал двајцата сторители во возилото марка „Ауди А5“ кое го ставил на располагање за обезбедување превоз , со што помогнал во вршењето на кривичното дело. Откако осомничените излегле од казиното, биле пресретнати од овластени службени лица по што се дале во бегство. Јавниот обвинител кој постапува во предметот ценеше дека за едно од осомничените лица се исполнети законските основи за обезбедување на непречено водење на кривичната постапка , па до судија на претходна постапка во Основниот кривичен суд Скопје достави предлог за определување на мерката притвор. Предлогот на обвинителството беше прифатен од судот, по што на осомничениот му е определен притвор со траење од 30 дена.

Американски адмирал ја повика Русија да набљудува вежба на НАТО

Ристе Здравков — Sat, 06 Oct 2018 08:30:53 +0000

Американскиот адмирал Џејмс Фого, кој ќе командува со големата воена вежба на НАТО чија цел е да симулира одговор на Алијансата на евентуален напад на Русија врз Норвешка, ја покани Москва да го прифати повикот да испрати свои набљудувачи на вежбата. Фого во Пентагон изјави дека мисли оти Русија ќе сака да биде присутна на вежбата на НАТО која почнува на 25 октомври. Тој додаде дека Русите, со набљудување на одбранбените маневри, повеќе ќе научат за способностите на НАТО. Фого нагласи дека се работи за најголема вежба на НАТО од 2002 година. Во вежбата ќе учествуваат 45.000 војници од САД и други земји членки на НАТО, како и војници од Шведска и Финска, односно земјите кои соработуваат со Алијансата, но не се членки. Ќе учествуваат и околу 150 авиони, повеќе од 60 бродови и 10.000 воени возила.