Адриен Рабио – Kurir.mk

Рабио го напушта Јувентус: Сакам да играм во ЛШ

Ристе Здравков — Mon, 06 Mar 2023 12:59:14 +0000

Францускиот репрезентативец Адриен Рабио изјави дека сака да ја продолжи кариерата во тим кој игра во Лигата на шампионите. Договорот на играчот од средниот ред со „бјанконерите“ истекува на лето, а тој призна дека се уште не се разговарало за негово продолжување. „Сакам да играм во Лигата на шампионите, тоа ќе биде важна точка во одлуката што ќе ја донесам“, изјави Рабио. „Разговори со Јувентус? Во моментов нема, но имаме време. Нема новости во оваа фаза“, додаде францускиот играч за врска. Адриен Рабио беше донесен во Јувентус во 2019 година од ПСЖ на слободен трансфер.

Упамекано и Рабио се вратија на тренинзите на француската репрезентација

Бошко Тасиќ — Fri, 16 Dec 2022 06:15:20 +0000

Дајот Упамекано и Адриен Рабио се вратија на тренинзите на француската репрезентација и се очекува да бидат подготвени за финалниот натпревар на Светското првенство против Аргентина. Двајцата го пропуштија дуелот против Мароко во полуфиналето, а финалето е закажано за в недела од 16 часот. Коман, кој е соиграч на Упамекано во Баерн, според француските медиуми, денеска останал во хотелот поради вирусот. Ден по натпреварот, француските репрезентативци имаа полесен тренинг, кој вклучуваше трчање и истегнување.

Рабио поради својата мајка останува во Јувентус

Дарко Андоновски — Wed, 17 Aug 2022 14:22:17 +0000

Фудбалерот на Јувентус и француски репрезентативец Адриен Рабио (27) нема да прејде во редовите на Манчестер јунајтед откако не ги договори личните услови со премиерлигашот, јавија денеска британските медиуми. Челниците на Јувентус и Манчестер јунајтед претходно ја договорија висината на обесштетувањето за трансфер на Рабио, кое требаше да изнесува 17 милиони евра. Меѓутоа, британските медиуми тврдат дека мајката на фудбалерот на Јувентус, Вероника Рабио, која е и негов личен менаџер, ги налутила челниците на Јунјатед, бидејќи за Адриен побарала годишна плата од десет милиони евра. Рабио имаше голема желба да ја продолжи кариерата на „Олд Трафорд“, но раководството на Манчестер јунајтед не ги прифати условите на неговата мајка.

Манчестер Јунајтед го нуди Роналдо на Јувентус како дел од трансферот на Рабио

Магдалена Андонова — Fri, 12 Aug 2022 09:11:11 +0000

Претставниците на Манчестер Јунајтед, кои работат на трансферот на играчот од средниот ред на Јувентус, Адриен Рабио, му понудиле на клубот од Торино да го ангажира напаѓачот Кристијано Роналдо. Ова информација на објави новинарот Паоло Паганини, според кој, Јувентус се откажал од 37-годишниот Португалец, но клубот и понатаму добива многу повици од неговиот агент Жорге Мендеш. Да потсетиме дека Роналдо играше за „старата дама“ од 2018 до 2021 година. Минатата сезона напаѓачот постигна 24 гола и даде 3 асистенции на 39 натпревари за Јунајетд. Неговиот договор со клубот е до 30 јуни 2023 година. Рабио му се приклучи на Јувентус од ПСЖ на 1 јули 2019 година. Играчот од средниот ред учествуваше на 45 натпревари за Торино во сезоната 2021/22, на кои имаше две асистенции. Договорот на 27-годишниот Французин со калчолигашот е со важност до летото 2023 година. Претходно во англиските медиуми беше објавено дека Манчестер јунајтед постигнал договор со Јувентус за трансферот на Рабио. (МИА)

Мајката на Рабио последна пречка за негов трансфер во Јунајтед

Катерина Бојаџиева — Mon, 08 Aug 2022 15:28:34 +0000

Манчестер јунајтед се договори со Јувентус за трансфер на Адриен Рабио за 15+5 милиони фунти. За да се реализира трансферот зелено светло треба да даде мајката на играчот, Вероника која е и негов агент. Во моментов, англиските медиуми ја нарекуваат единствена пречка за преселба на Рабио во Манчестер Јунајтед. Според „Manchester Evening News“ клубовите се согласиле да го ангажираат 27-годишниот играч од средниот ред за 15 милиони фунти (17,8 милиони евра). Оваа сума може да се зголеми на 20 милиони фунти (23,8 милиони евра) преку бонуси. Новинарот Фабрицио Романо ја потврдува оваа информација и пишува дека Јувентус не се меша во трансферот на Рабио во Манчестер јунајтед и е отворен за негова продажба, но англискиот клуб се уште не успеал да се договори со агентот на играчот. Минатата недела Јунајтед го прифати фактот дека мора да бара алтернативи за играчот од средниот ред на Барселона, Френки де Јонг. Како што е наведено, Манчестер јунајтед го следи Адриен уште од деновите на Луј ван Гал во клубот. Договорот на Рабио со Јувентус истекува во летото 2023 година. Минатата сезона, играчот од средниот ред настапи на 45 натпревари за клубот и имаше две асистенции.

Јувентус може да го продаде Рабио на Њукасл за 15 милиони евра

Ивона Петрова — Thu, 11 Nov 2021 09:36:30 +0000

Фудбалерот од средниот ред на Јувентус, Адриен Рабио може да го промени клубот во јануари. Клубот од Торино ја разгледува опцијата да го продаде 26-годишниот Французин за 15 милиони евра, пренесува „Калчомеркато“. Според италијанскиот медиум, за трансферот на Рабио, Јувентус веќе имал разговори со премиерлигашот. Претходно се дозна дека Јувентус може да го продаде Рабио за да му понуди висока плата на играчот од средниот ред Пол Погба, кој на крајот на сезоната најверојатно ќе се врати во Торино од Манчестер јунајтед. По 12 кола во Серија А, Јувентус се наоѓа на 8.место со 18 бода и биланс од пет победи, три нерешени и четири загубени натпревари.

Официјално: Францускиот репрезентативец потпиша со Јувентус

Ивана Ефремовски — Mon, 01 Jul 2019 19:25:46 +0000

Италијанскиот шампион Јувентус го привлече францускиот репрезентативец Адриен Рабио. 24-годишниот играч од средниот ред пристигна на слободен трансфер од Пари Сен Жермен. Официјалното соопштение на „бјанконерите“ не го споменува рокот на договорот, но според медиумите, тој е за 4 години. Рабио ќе добие 10 милиони евра на рака, а неговата годишна плата ќе биде 7 милиони евра. Тој ќе биде претставен пред медиумите утре. Рабио е производ на академијата на ПСЖ и се проби во сениорскиот тим во 2013 година. Тој запиша вкупно 227 натпревари со шампионот на Франција, откако запиша 25 голови и 20 асистенции. Со парижаните, играчот од средниот ред освоил 6 титули во Лига 1. Францускиот играч од средниот ред е уште еден силен фудбалер кој доаѓа во Јуве без надоместок за трансфер. Истото го направија и Андреа Пирло, Пол Погба и Даниел Алвеш во минатото, а ова лето, покрај Рабио со слободен трансфер беше привлечен и Арон Ремзи од Арсенал. (МИА)

Гвардиола го убедува Рабио да се пресели во Манчестер Сити

Предраг Кукиќ — Thu, 13 Sep 2018 16:16:58 +0000

Менаџерот на Манчестер Сити, Пеп Гвардиола има желба да го земе халфот Адриен Рабио од ПСЖ и да го привлече на „Етихад“, информира „Манчестер Ивнинг Њуз“. Договорот на Рабио со ПСЖ истекува на крајот на сезоната, а халфот одбива во оваа фаза да го обнови договорот. Гвардиола веќе имал прва средба со 23-годишниот фудбалер во Париз, кој се одржа минатата недела. Менаџерот на „граѓаните“, исто така, се сретнал и со мајката на играчот, која е и негов менаџер. Пеп лично се ангажирал со задачата да го убеди Рабио да го претпочита неговиот, пред останатите предлози. Самиот Рабио одбива да потпише нов договор со ПСЖ и може да премине на слободен трансфер во друг клуб следното лето. Барселона и Јувентус покажуваат многу сериозен интерес за францускиот фудбалер. (МИА)

ПСЖ го нуди Рабио и 30 милиони евра за Пјаниќ

Ивона Петрова — Mon, 23 Jul 2018 07:39:00 +0000

Пари Сен Жермен планира да упати интересна понуда до Јувентус за плејмејкерот Миралем Пјаниќ. Францускиот шампион е подготвен да се раздели со Адриен Рабио, а освен тоа ќе предложи и доплата во износ од 30 мииона евра за Бошњакот, тврди „Премиум Спорт“. Јувентус одамна има интерес за Рабио и слична понуда може и да ги заинтригира „бјанконерите“. Сепак договорот на Французинот истекува за една година, па така неговата пазарна цена е пониска. Тимот од Торино веројатно ќе бара поголема доплата од 30-те милиони што ПСЖ ќе ги понуди. Друг проблем може да биде фактот дека самиот играч не сака да го напушти „Алијанц“ стадионот. Тој има желба да игра рамо до рамо со Кристијано Роналдо и претпочита да остане во Торино.