адријана алачки – Kurir.mk

АЛАЧКИ УДРИ ПО ПОРАНЕШНАТА – бившите мои членови лажно го носат моето презиме, мојата мајка беше разочарана од личноста која пишува поезија за неа по смртта

Дарко Андоновски — Thu, 15 Sep 2022 06:58:09 +0000

Познатиот музичар Горан Алачки, пред неколку дена на својот профил на социјалните мрежи, објави дека се упокоила неговата мајка Натка, а неговите роднини и пријатели му упатија зборови со сочувство. Поранешната сопруга на Горан Алачки, Адријана, на својот профил на социјалните мрежи, се прости од својата некогашна свекрва и објави фотографии од „Вкусот на традицијата“, на кои се гледа дека се дружеле во шоуто. Но, Горан Алачки вчера, ги замоли медиумите да не прават циркус од упокојувањето на неговата мајка, со тоа што објавуваат статуси од негови поранешни членови на семејството. Исто така Горан објаснио дека неговата мајка била разочарана од дотичната особа. „Почитувани медиуми… Ве молам.. Од загубата на мојата мајка Натка Алачка не правете циркусијада од изјави на мои бивши членови на фамилијата Алачки, кои лажно го носат тоа презиме и го користат во комерцијални цели и прават театар од тоа… Оставете ја мојата мајка да почива во мир и спокој… Мојата мајка последните години од животот, беше длабоко разочарана од таа личност која сега пишува поезија за неа…, стои во неговиот пост на Фејсбук.“

И Адријана Алачки се огласи по семејната трагедија – заедно се радувавме и плачевме, барем сега почивај во мир (ФОТО)

Дарко Андоновски — Sun, 11 Sep 2022 09:01:06 +0000

Адријана Алачки сподели емотивна посвета која изненади многумина. Популарната пејачка и авторка на телевизискиот проект „Вкусот на традицијата“ со потресни зборови се прости од мајката на нејзиниот поранешен партнер Горан Алачки која почина пред два дена. „Со голема тага и силна болка ја примив веста за смрта на мојата свекрва, Натка Алачка. Беше борец, силна, одлучна, но тивка и кревка. Беше пример за сопруга, мајка, баба, пријател. Со неа поминав многу долги години од мојот живот, ми беше поткрепа во животните метежи, се радувавме и плачевме заедно и секогаш ќе ми останат сите нејзини совети како една книга оставена во аманет. Беше прекрасна, грижлива и посветена баба на моите деца. Секогаш велеше „терај си ја работата, јас сум тука“. Сега веќе не си тука, но вечно ќе живееш во нашите срца, спомени и времиња. Твоето име ќе се спомнува, затоа што остави добри дела позади себе. Беше столб во семејството, не дозволуваше ниту една бура да те разниша, секогаш беше со главата горе, горда и достоинствена. Се’ уште го паметам мирисот на твоите малешевски зелници, пишии и твоите кадн’ки.. Никој не знаеше подобро од тебе.. Ти благодарам за се’! Летај кај ангелите, светол да ти е патот, почивај барем сега во мир! Лесна ти земја, божествена мајко“, напиша Алачки на „Фејсбук“ споделувајќи и две фотографии со неа. А, токму на социјалните мрежи, докажаниот македонски музичар Горан Алачки често споделуваше фотографии со мајка си. Последната слика ја објави во април годинава под која напиша „Секоја брчка, една приказна“.

Алачки со трогателни зборови за починатите родители: Секогаш ќе ви простат, но ќе биде страшно кога самите нема да си простите (ФОТО)

Дарко Андоновски — Sat, 27 Mar 2021 21:26:24 +0000

Македонската водителка и пејачка Адријана Алачки е доста активна на социјалните мрежи каде често споделува фотографии и од своето семејство. Овој пат таа изненади со фотографија од нејзините родители кои никој досега ги нема видено. -Единствени мои, Јас ја имав таа среќа да бидете мои родители, што и да напишам нема да Ве опише, оти нема такви зборови, Вие бевте посебни и со огромна душа како амбар, за сите имавте место, што ли душа носевте, од Вас многумина учеа што е ,, ЧОВЕК”… ми недостига те со секој нов ден, се повеќе и повеќе, се што сум денес е Ваша заслуга, од Вас научив што е семејство, пожртвуваност, љубов, почитување, дарежливост, милост, жалост….секој ден поминувам покрај вратата каде што ги живеевме среќните денови сите заедно, нозете сами ми oдеа натаму, ќе ја отворев вратата и доволно ми беше да Ве видам само, тоа ми даваше сила…сега истите скали ги минувам, истата врата, навратувам понекогаш во истиот дом, но празно е СЕ внатре, само фотографиите, старите украси и миленциња што мајка ми ги штиркаше, старите перничиња плетени на рака, спомените и грижата на совест што не поминува, од ден на ден е поголема што можеби несакајќи ве повредив а не ми кажавте…и немав доволно време за Вас..Родителот секогаш ќе Ви простува, но ќе биде страшно кога самите нема да си простите, затоа преслушајте го секој збор пред да Ви излезе од устата, најдете време за малку внимание и топол збор пред да биде доцна за се…Ве сакам со секој атом од мојата душа. Почивајте во мир!“, напиша Алачки покрај објавата.

ФОТО: Адријана Алачки доби снаа – синот Благоја ќе се жени

Магдалена Андонова — Mon, 21 Dec 2020 19:21:59 +0000

Македонската водителка, пејачка и претседател на кулнарското друштво „Гастромак“, изминатиот викенд имаше убав повод за славење, радување. Имено, таа е доста активна на социјалните мрежи каде секојдневно објавува нешто поврзано со нејзината професија или пак со емисијата „Вкусот на традицијата“. Меѓутоа, овој пат Алачки сподели детали од приватниот живот, однсоно се пофали дека доби снаа. Имено, нејзиниот син, Благоја Алачки ја побара за сопруга неговата девојка Јована. Водителката овие радосни вести ги сподел на Фејсбук пишувајќи емотивна порака. Моменти за кои живееме, кои ни даваат смисол на животот…ерупција од емоции…како што доликува со сите нишани…да им е вечна љубовта, да имаат убав збор еден за друг, семејството да им биде столбот, слогата да им е секојдневие.да бидат добар пример на своето поколение, како огледало да се огледуваат еден во друг..да им е полна куќата со дечиња….честитки деца мои златни! Од Бога да сте благословени, напиша таа под фотографијата на која се гледа свршеничкиот прстен. Под објавата се нижеа се честитки, а еве како изгледа идната снаа на Алачки. Извор: Убавина и Здравје

Адријана Алачки славеше роденден сама во карантин – откри колку години наполни

Дарко Андоновски — Wed, 10 Jun 2020 09:20:00 +0000

Македонската водителка и пејачка Адријана Алачки изминатиот викенд славеше роденден, но таа го прослави сама поради тридневниот карантин. За Женски магазин таа вели дека овој е бил еден од најзабавните родендени. „Внуката, ќерка ми и зетот не можеа да ми дојдат на гости. А како да дојдат, бевме во карантин. Син ми беше заминат во викендица. Затоа, овој роденден го поминав сосема сама. Внука ми Јана ми испеа роденденска песна и ми подари торта, но еден ден пред да започне карантинот. Со син ми се видовме на вибер“ вели Алачки. Таа опиша како изгледал нејзиниот роденденски ден. „Имав илјадници повици од целиот свет. Телефонот не престана да ѕвони цел ден. Сите судии од „Гастромак“ од сите кониненти ми се јавија. Од Москва пријателите ми снимија специјално видео, од Маурициус коктели ми правеа. Не можете да замислите колку ми беше забавно“, сподели Адријана за женски магазин. Инаку иако малкумина веруваат поради одличниот изглед, таа наполни 52 години.

Адријана Алачки си направи „фејс билдинг“: Објави фотографија без грам шминка

Катерина Бојаџиева — Wed, 07 Aug 2019 16:45:24 +0000

Адријана Алачки, пејачката и тв водителка, важи за жена која внимава на својот изглед. Овој пат таа на својот Инстаграм профил објави фотографија без шминка, додека е на третман за затегнување и измазнување на кожата. -„Фејс билдинг“ напиша таа во опис на фотографијата.

ФОТО: Алачки прослави роденден- Еве колку години наполни

Предраг Кукиќ — Thu, 06 Jun 2019 08:23:45 +0000

Адријана Алачки вчера имаше убав повод да се собере со своето семејство и да прослави роденден. Адријана наполни 52 години, а на нејзиниот „Фејсбук“ се нижеа честитки и убави желби од нејзините пријатели. - „Ме поканија на мојот роденден, моите Граци и Баже, а Јана ме изненади во свој стил со роденденска торта. Колку сум богата и среќна мајка…вреди да се живее…ова е сѐ на светот“, напиша Алачки на социјалните мрежи.

ФОТО: Адријана Алачки со емотивна порака му го честиташе роденденот на својот син

Дарко Андоновски — Wed, 19 Dec 2018 06:45:45 +0000

Македонската пејачка и водителка Адријана Алачки напиша емотивна порака на својот Фејсбук профил, како честитка за роденденот на својот син. -Синко, кога беше мал беше едноставно да си ги искажам желбите за тебе и остварам. На возраста на која си сега желбите на мајката се непроменливи, но се е во твои раце за нивна релизација. Одговорно и храбро пред сите само ти можеш да ги исполниш и да стоиш цврсто пред твоите планови и одлуки. Се зависи од тебе. Биди жив и здрав, напиша Алачки.

Искри седум години по разводот: Горан забранува Адријана да го користи презимето Алачки

Ивана Ефремовски — Thu, 18 Oct 2018 20:28:24 +0000

После цели седум години од разводот кој беше прилицно медиумски неинтересен, се чини дека кај некогашната брачна двојка Алачки се распалија искри на нетрпеливост. Тоа го потврди лично познатиот композитор, испраќајки јавно соопштение до сите медиуми во кое децидно го нагласи следното: “Презимето АЛАЧКИ не смее никој да го злоупотребува. Време е медиумите да не го употребуваат моето презиме конектирано со мојата бивша сопруга која го користи мојот бренд за медиумска популарност, моето презиме. Нејзиното презиме е Атанасовска. Инаку таа никогаш не била АЛАЧКИ туку АЛАЧКА во сите исправи и во пасош”…Ви благодарам! Извор: Свет-Австралија

Не е Холивуд, но ќе помине: Алачки ја пречекаа во Кратово, но еден детаљ им „боде очи“ на сите (ФОТО)

Дарко Андоновски — Tue, 22 May 2018 20:12:25 +0000

Фолк пејачката, водителка и амбасадор на македонската кујна, Адријана Алачки, деновиве имаше работна посета во еден наш град. Деновиве Алачки присустуваше во Кратово каде што беше пречекана од граѓаните. Како што е ред, со цел водителката да биде достојно пречекана среде плоштад и постелаа килм ама наместо во црвена боја, истиот беше во кафена нијанса. Можеби имаа некоја замисла, но на скромното килимче Алачки ги собра граѓаните на малото градче да уживаат во нејзината трпеза, а на крајот и падна и македонско оро. Извор: Вистина.мк