адвокатска комора – Kurir.mk

ЈП Службен весник и Адвокатската комора потпишаа Меморандум за соработка

Катерина Бојаџиева — Tue, 03 May 2022 11:01:18 +0000

Директорот на ЈП Службен весник на Република Северна Македонија, Владимир Кроневски и претседателот на Адвокатската комора на РСМ, Љубомир Михајловски, потпишаа Меморандум за соработка, со кој уште еднаш се потврдуваат долгогодишната тесна соработка и добрите намери за унапредување на заемната институционална поврзаност. Со склучувањето на овој Меморандум за соработка, како што соопшти од ЈП Службен весник, ќе се овозможи правна рамка за соработка, а воедно и за давање на повластена понуда за адвокатите – членови на АКРСМ, за претплата на Електронската база со мобилната апликација на прописи со редакциски (консолидирани) пречистени текстови коja ja изработува претпријатието. -Базата на прописи во Република Северна Македонија во електронска форма, како и на апликација за мобилен телефон, претставува сеопфатна база на важечки прописи во правниот систем на Републиката, систематизирани на начин да може на брз и едноставен начин корисникот да го пронајде прописот кој му е потребен. Воедно, во наведената база се содржани и пречистените текстови на законите, подредени по соодветни хронолошки верзии и по секоја нивна нова измена или дополнување на одделен закон, како и електронското издание на службеното гласило, се наведува во соопштението. Согласно со членот 7 од споменатиот закон, електронското и печатеното издание на „Службен весник на Република Северна Македонија“ имаат ист текст и содржина и еднаква правна важност. По исклучок, доколку се појави неусогласеност помеѓу текстот и содржината на електронското и печатеното издание, за точен, односно правно важен, ќе се смета текстот објавен во електронското издание. Новиот Меморандум за соработка, всушност, е надополнување на скоро една деценија воспоставената комуникација со адвокатската фела во сферата на законодавството во Република Северна Македонија низ услугите кои ги нуди ЈП Службен весник на РСМ и поволностите во користењето на електронската база на прописите како извонредна алатка за секојдневно безбедно правно постапување.

Адвокатската комора бара одложување на судските рочишта, освен на итните

Дарко Андоновски — Sun, 15 Mar 2020 18:24:11 +0000

Одложување на сите судски рочишта, освен итните постапки – предметите со времени мерки и притворските предмети, бара Адвокатската комора поради состојбата со корона вирусот.

Во барањето адресирано до премиерот Оливер Спасовски, министерката за правда Рената Десковска, претседателот на Врховниот суд Фаук Арслани и министерот за здраство Венко Филипче, од Адвокатската комора се наведува дека брои околу 5.000 членови – адвокати, адвокатски стручни соработници и адвокатски приправници, кои секојдневно вршејќи ги своите работни ангажмани, се движат со голема динамика, и тоа во судовите, јавни обвинителства, казнено поправни устанво и други државни институции и центри. – Во текот на дневното работење, пред судовите се закажани огромен број на рочишта по разни предмети посебно во граѓанските судови, што изнесува околу 1000 судења на ден. Конкретно, според податоците објавени само на веб страната на Основниот граѓански суд Скопје, за ден 16.03.2020 година за период од 8:30 до 10:30 часот се закажани 100 рочишта. Тоа значи дека само за наведениот период од 2 часа во Основниот граѓански суд Скопје циркулираат најмалку 500 лица (адвокати, судии, записничари, стрнаки, сведоци и други). Имајќи го предивд наведеното, очигледно е дека во текот на денот на територијата на државата се одржуваат илјадници судења, на коишто присуствуваат повеќе од илјада лица кои се во меѓусебен контакт, се вели во барањето од Адвокатската комора. Ситуацијата е безмалку иста и во кривичните судови, од причина што и таму има предмети со повеќе обвинети, повеќе бранители и повеќе сведоци. Вообичаено, според карактерот на судењата, истите траат подолго. – Посебен проблем претставуваат контактите со притворените лица, особено при доведување на притворените лица и нивен контакт со другите учесници во кривичните постпаки. Ваквата ситуација доведува до голема опасност да корона вирусот се рашири и во казнено поперавните установи, кое нешто сметам дека би претставувало голема опасност, дотолку повеќе што лицата кои издржуваат казна затвор во КПУ немаат соодветен лекарски третман за ваков вид на боелсти, стои во соопштението. Исткануваат дека адвокатите за обавување на својата дејност се движат надвор од градовите каде што живеат, и притоа стапуваат во контакт со голем број на луѓе државјани на РСМ или странци.

Адвокатската комора бара да се обезбедат потребните услови на судењето за „27 април“

Ивона Петрова — Wed, 17 Oct 2018 10:15:22 +0000

Адвокатската комора на РМ апелира да се обезбедат потребните услови за нормално одвивање на судскиот процес за „27 април“, се со цел за непречено и фер судење. Група адвокати ангажирани како бранители во предметот КОК БР. 40/18 што се однесува на случувањата од 27 април минатата година во Собранието на РМ, што се води пред Кривичниот суд во Скопје, вчера во попладневните часови ја известиле Адвокатската комора на РМ дека на вчерашното рочиште на адвокатите не им биле овозможени елементарни услови да го следат распитот на загрозениот сведок, да можат да водат прибелешки и да поставуваат вкрстени прашања во интерес на лицата кои ги застапуваат. Заради надминување на состојбите околу условите за работа, Адвокатската комора на РМ апелира да се обезбедат потребните услови за нормално одвивање на судскиот процес, а се со цел за непречено и фер судење. Во контекст на погоре наведеното од Адвокатската комора во денештото соопштение напоменуваат дека е потребно учесниците во постапката да укажат взаемно почитување, да го почитуваат и чуваат угледот меѓусебно и со коректен однос да придонесат за спроведување на законитоста во постапката. Таквите тенденции се должни да ги овозможуваат на пристоен начин и со допуштените правни средства. - Сметаме дека во интерес на законитоста на постапката потребно е сите учесници во истата доследно да ги почитуваат одредбите од Законот за кривичната постапка, а се со цел нормално и непречено одвивање на судењето, велат од Адвокатската комора на РМ. МИА

Кога не сакаат амнестија од Заев, политички прогонетите за 27 април нема да добијат ниту правда, адвокатите бараат фер постапка

Ивона Петрова — Wed, 17 Oct 2018 07:43:29 +0000

Адвокатите на обинетите за случувањата од 27 април, кои вчера од судијката Добрила Кацарска беа казнети со 1.000 евра, доставија известување до Адвокатката комора на Република Македонија во врска со случувањата. -Денеска, на ден 16.10.2018 година грубо беа прекршени правата на одбраната, а со тоа и на обвинетите, на начин што на бранителите не им беа овозможени елементарни услови за да го следат распитот на загрозениот сведок, да можат да водат прибелешки за да поставуваат вкрстени прашања, во интерес на лицата кои ги застапуваат, стои во известувањето. Во известувањето, адвокатите наведуваат дека барањето за адекватни услови за работа воопшто не е дозволено да се внесе во записник, со недавање на збор на ниту еден од бранителите. -Судот, односно Претседателот на Советот, во записникот внесе исклучиво сопствени забелешки со констатации на Судот дека истиот се однесувањето на бранителите, се навредува и се оневозможува негова работа. Напоменуваме, дека станува збор за комплексен предмет со 33 обвинети и околу 30 адвокати - бранители, и токму поради комплексноста на предметот, кој се води за едно од најтешките кривични дела предвидено во КЗ, адвокатите ги побараа елементарните права и услови за своето работење, при што судот на крајно незаконски и деградирачки начин, кои не го нарушуваа редот во судницата, туку молкум само стоеја и на тој начин покажуваа дека инсистираат на своите законски права. Укажуваме дека до овој миг до префрлање во друга судница без технички услови, одбраната немаше други барања и уредно ја извршуваше својата работа, стои во дописот. Адвокатите како што потенцираат нивното однесување не била причина за ваквата одлука на судот, туку неговата немоќ да обезбеди елементарни услови, и покрај новоизградената зграда за Кривичниот суд, за што се вложени огромни средства. -Претседателот на Советот повикувајќи се незаконски на член 361 од ЗКП, неосновано ни го одзема правото за застапување на обвинетите со решение на записникот, со укажување дека на обвинетите ќе им бидат поставени бранители по службена должност, и покрај нивниот веќе направен избор на бранители согласно член 70 од ЗКП, при што секој од нас бранителите поединечно беше казнет со парична казна од по 1.000 евра. Бараме од АКРМ, да преземе мерки за заштита на угледот на адвокатурата како уставна категорија и д се престане со деградирање на присутни адвокати во судницата со одземање на нивните на нивните законски права со постојани закани од казнувања, оневозможување на ставање на процесни предлози и пружање на квалитетна заштита на своите клиенти. Адвокатите од Комората бараат истата правно да се произнесе по ова прашање и да го изрази својот став, а во заштита на правата на нивните членови.

Љубомир Михајловски- Џанго нов претседател на Адвокатската комора на Македонија

Матеја Петровски — Sun, 06 May 2018 07:13:34 +0000

Адвокатската комора на Македонија доби нов претседател, на местото на досегашниот Никола Додевски, функцијата ја презема Љубомир Михајловски- Џанго. Управниот одбор кој се избра вечерва на конститутивна седница акламативно го избра Џанго. За него се одлучи и мнозинството делегати на 63тото годишно собрание. За негови заменици се изгласани Јелена Ристиќ и Бесим Реџепи.Изборот на новиот одбор заедно со новиот претседател траеше цели 10 часа а присуствуваат 250 делегати. Освен изборот на нов претседател комората прославува 73години постоење како носител во идеите и борбата за заштита на човековите права и слободи.

Адвокатската комора на Македонија ќе избира нов претседател

Ивона Петрова — Sat, 05 May 2018 07:06:02 +0000

Адвокатската комора на Република Македонија денеска во Струга ќе го одржи 63. Годишно собрание на кое ќе се изврши избор на нови органи на Комората. Откако ќе биде избран нов Управен одбор на Комората, ќе биде избран и новиот претседател, откако му истече четиригодишниот мандат на Никола Додевски. Како што објавија дел од медиумите, во игра за претседателското место на Адвокатската комора се петмината адвокати Љубомир Михајловски-Џанго, Александар Тортевски, Наташа Трпеновска Тренчевска, Димитар Панчевски и Звонко Давидовиќ. Воедно денеска ќе бидат одржани и „Денови на македонската адвокатура“, со што се одбележува 73 година од основањето на Адвокатската комора и 73 години адвокатура во Република Македонија, која во континуитет претставува носител во идеите и борбата за заштита на човековите права и слободи. На настанот, како што информират од Адвокатската комора, се очекува да присуствуваат претставници на македонското правосудство, претставници на дипломатскиот кор, претставници на академската заедница, претставници на адвокатски комори од повеќе држави, членови на Адвокатската комора на РМ и бројни почитувачи на адвокатурата и правото. Во рамки на настанот свое излагање ќе има претседателот на АКРМ, Никола Додевски, претставници на институции, како и претставници на адвокатски комори од регионот. МИА

Адвокатската комора на Македонија ќе избира нов претседател

Катерина Бојаџиева — Fri, 04 May 2018 11:49:30 +0000

Адвокатската комора на Република Македонија утре во Струга ќе го одржи 63. Годишно собрание на кое ќе се изврши избор на нови органи на Комората. Откако ќе биде избран нов Управен одбор на Комората, ќе биде избран и новиот претседател, откако му истече четиригодишниот мандат на Никола Додевски. Како што објавија дел од медиумите, во игра за претседателското место на Адвокатската комора се петмината адвокати Љубомир Михајловски-Џанго, Александар Тортевски, Наташа Трпеновска Тренчевска, Димитар Панчевски и Звонко Давидовиќ. Воедно утре ќе бидат одржани и „Денови на македонската адвокатура“, со што се одбележува 73 година од основањето на Адвокатската комора и 73 години адвокатура во Република Македонија, која во континуитет претставува носител во идеите и борбата за заштита на човековите права и слободи. На настанот, како што информират од Адвокатската комора, се очекува да присуствуваат претставници на македонското правосудство, претставници на дипломатскиот кор, претставници на академската заедница, претставници на адвокатски комори од повеќе држави, членови на Адвокатската комора на РМ и бројни почитувачи на адвокатурата и правото. Во рамки на настанот свое излагање ќе има претседателот на АКРМ, Никола Додевски, претставници на институции, како и претставници на адвокатски комори од регионот.