Аеросмит – Kurir.mk

„Аеросмит“ го најави својот крај со прошталната турнеја

Ивана Ефремовски — Tue, 02 May 2023 06:53:03 +0000

Американскиот рок-состав „Аеросмит“ објави повлекување од сцената со турнејата „Peace Out“, којашто, се чини, е и проштална. Групата вчера соопшти дека претстојат нивни 40 настапи низ Северна Америка, со специјалните гости „Блек кроус“. Во известувањето се вели и дека тапанарот Џои Крејмер нема да ѝ се придружи на групата. „Додека Џои Крејмер останува сакан основачки член на 'Аеросмит,' тој донесе одлука да ги одложи настапите на тековната турнеја за да се сосредоточи на неговото семејство и здравјето. Многу ќе ни недостига непогрешливото и легендарно присуство на Џои на тапаните“, соопшти бендот. Инаку, во 2020 година, Крејмер го тужеше рок-составот за прекршување на договор, велејќи дека му било забрането да настапува откако претрпел „лесни повреди“ претходната пролет. Тој побара забрана за настапи на цела група откако планираа да свират без него на доделувањето на „Музикерс“ личност на годината и „Греми“ наградите за 2020 година, но го изгуби случајот. Составот „Аеросмит“ е основан во Бостон, Масачусетс, САД, 1970 година и има продадено 150 милиони плочи ширум светот, како и освоно четири „Греми“ признанија. Познати по нивниот хедонистички, див начин на живот, исто како и нивните „рифови“, впрочем, групата беше примена во „Рокенрол-куќата на славните“ во 2001 година. Истата таа година настапија и на полувремето на „Супербоул“ финалето во американско рагби. Новата турнеја ќе биде продуцирана од „Лајв нејшн“ и ќе почне во Филаделфија, САД, на 2 септември, а ќе продолжи во Лос Анџелес, Њујорк, Остин, Сиетл, Чикаго, како и во Торонто и Монтреал, Канада. (МИА)

Аеросмит ги откажа концертите, Стивен Тајлер оди на одвикнување

Ивона Петрова — Thu, 26 May 2022 12:12:51 +0000

Рок групата Аеросмит откажа неколку концерти во Лас Вегас бидејќи пејачот Стивен Тајлер (74) се пријави на лекување од наркотици. Пејачот повеќе од една деценија не користел наркотици, но им се вратил по земањето лекови против болки поради операција на стапалата. Самоиницијативно се пријавил на програма за лекување и сега е посветен на здравјето и заздравувањето, се наведува во соопштението на бендот. Аеросмит требаше да почне серија концерти на 17 јуни. Сите датуми за концертите во јуни и јули се откажани.

Thank you for your understanding and for your support for Steven during this time. If you purchased your tickets via Ticketmaster, you will be refunded and will receive an email shortly with details, otherwise please contact your point of purchase for information on refunds. pic.twitter.com/1nuUc5Gj1j
— Aerosmith (@Aerosmith) May 24, 2022

Пејачот на Аеросмит стана свештеник

Ивона Петрова — Tue, 06 Nov 2018 08:33:20 +0000

Пејачот на Аеросмит, Стивен Тајлер платил 80 долари за да стане свештеник на Универзалната црква на животот, и сега може легално да венчава двојки ва САД. Првиот брак се склучил викендов, а новопечениот свештеник ги венчал синот и неговата избраничка. Тајлер титулата свештеник ја добил откако го завршил интернет курсот организиран од црквата, за којшто платил 80 долари. А пак, минималната цена за неговите услуги изнесува 200.000 долари, наведува изворот. Рок ветеранот потоа се понудил да ги венча и Џастин Бибер и манекенката Хејли Болдвин. Неодамна и тапанарот Мик Флитвуд го мина курсот за свештеници. МИА