афантазија – Kurir.mk

Овој тест открива дали сте меѓу 3% луѓе на светот кои имаат афантазија

Ивона Петрова — Thu, 23 Feb 2023 11:26:56 +0000

Повеќето луѓе можат да го визуелизираат најдобриот оброк што некогаш го јаделе или лицето на некој близок, но има и такви кои не можат. Тоа е феномен наречен афантазија, кој се опишува како „неспособност да се создаде визуелно искуство кога размислувате за работи во нивно отсуство“, а луѓето кои ја имаат обично не можат да ги замислат ликовите или ситуациите. Луѓето со афантазија сочинуваат 3 до 4 отсто од светската популација, вели д-р Адам Земан, кој разговарал со повеќе од 10.000 од нив. Како да знаете дали имате афантазија? Во далечната 1973 година, психологот Дејвид Маркс развил прашалник што ги тера луѓето да визуелизираат различни сценарија и потоа да ги оценуваат нивните способности, а тоа може да покаже дали имаат афантазија. Замислете изгрејсонце. Можете ли да замислите дека сонцето изгрева над хоризонтот во облачно небо? А сонцето да изгрева додека небото е ведро и сино? Можете ли да ги видите облаците и бурата со молњи? А виножитото што се протега низ небото? Оценете ги способностите врз основа на скалата: Воопшто нема слика. Темна и нејасна слика. Донекаде јасна и живописна слика. Јасна и живописна слика. Совршено јасна и живописна слика, речиси како да ја гледате. Како луѓето добиваат афантазија и дали може да се промени? Ако не можевте да замислите ниту една слика, големи се шансите да имате афантазија, што обично е нешто со кое луѓето се раѓаат и има врска со генетските предиспозиции. Иако некои луѓе се обиделе, тоа не може да се врати назад, но тоа не значи дека не можете да бидете креативни со него. Некои луѓе со афантазија се насочуваат кон кариера во попрактични области, но има и такви кои се занимаваат со пр. со пишување или дури и цртање. Еден забележлив исклучок од ова правило е Глен Кин, аниматорот кој ја нацртал Ариел од Малата сирена, кој вели дека не може да ја замисли во својата глава, иако тој ја создал. Тој вели дека нема визуелна идеја за тоа што ќе нацрта додека не го види на хартија, туку едноставно оди со концептот за тоа што сака да нацрта.

Замислете си песочна плажа: Проверете дали имате „афантазија“!

Катерина Бојаџиева — Fri, 24 Jun 2022 11:42:16 +0000

Замислете си песочна плажа, каде што брановите од морето удираат на брегот, а сонцето заоѓа на хоризонтот. Успеавте? За многумина ова е лесна задача, но за еден мал дел од човештвото е невозможна. Докторите за прв пат успеале да идентификуваат состојба наречена „афантазија“ која не им дозволува на луѓето да формираат ментални слики во нивниот ум. Се верува дека секој 50-ти човек може да има афантазија. Некои од луѓето кои биле идентификувани со оваа состојба признале дека се чувствуваат осамено и изолирано, бидејќи знаат дека не можат да ги гледаат нештата како што повеќето можат. Исто така тие се чувствуваат вознемирено бидејќи не можат да си ги замислат дури ни блиските во своите мисли. Од друга страна, некои од нив тврдат и дека едноставно научиле како да живеат со афантазијата и сметаат дека го доживуваат животот на малку поразличен начин од другите. Когнитивниот невролог, професорот Адам Зимен, бил првиот кој ја именувал оваа состојба во својата студија. Таа најпрво била идентификувана во 1880 година и одвреме-навреме била објаснувана како резултат на голема мозочна повреда, но феноменот досега привлекол многу малку внимание. Се верува дека визуелизацијата е резултат од низа региони кои се расфрлани ширум мозокот, но кои заедно работат за да создадат слики базирани врз сеќавањата. Се претпоставува дека оние кои имаат афантазија, некако имаат и попречување во врските на овие области во мозокот. Тоа исто така објаснува и зошто оваа состојба настанува како последица од голема мозочна штета. За нештата да бидат уште почудни, оние со афантазија не можат доброволно да создаваат слики во своите мисли, но сепак можат да сонуваат.

Замислете си песочна плажа: Проверете дали имате „афантазија“!

Ивана Ефремовски — Fri, 06 Aug 2021 14:17:14 +0000

Дали знаете што е тоа афантазија? Проверете дали страдате и вие!

Ивана Ефремовски — Tue, 13 Oct 2020 13:02:54 +0000