афера броило – Kurir.mk

Лефков: Поминаа 2 месеци откако ја обелоденивме „Броило“, Ковачевски во центарот на 26 милионска афера, институциите молчат

Ивана Ефремовски — Tue, 13 Dec 2022 11:31:00 +0000

Поминаа 2 месеци откако ја отворивме аферата Броило, а одговор од институциите нема. Премиерот Димитар Ковачевски беше во средина на оваа афера преку која се свртени над 26 милиони евра од фирмите Пиксел груп, на која основач е самиот тој, КМГ ЕОЛ Квазар, основана од неговиот кум Горан Паунов и АЕ СОЛАР АД од Тетово. Да потсетиме целиот овој картел почнува со доаѓањето на СДС на власт. Ковачевски и Паунов ја формираат Пиксел груп неколку месеци откако Зоран Заев ќе направи влада, и набргу потоа градат цела фабрика, вели Миле Лефков, пратеник и член на ИК на ВМРО-ДПМНЕ. -Преку Пиксел груп тие во тој период од владата земаат 443.285 евра и уште 70 илјади евра преку Фондот за иновации. Во најголемиот дел од периодот кога државата и исплаќа пари на Пиксел груп, Ковачевски е заменик министер за финансии. Додека пак најголемата исплата од над 200 илјади евра се случува на 30 декември 2021 година, во време кога Ковачевски е мандатар за состав на нова влада. Понатаму аферата Броило се разгранува и преку КМГ ЕОЛ Квазар кои како фирма за изведување и други услуги добила тендери од државата во висина од околу 2 милиони евра за инсталирање на соларни панели, и тоа откако СДС е власт. Уште еден бизнис од над 2 милиони евра е и договор склучен помеѓу фирмата на кумот на Ковачевски и ЕВН за изградба соларни централи за ЕВН по принципот клуч на рака. 4 милиони евра само во договори со државни институции, претпријатија и фирми каде државата има интерес за фирмите околу Ковачевски, и тоа во време додека истиот е на функција, вели тој. Лефков потенцира дека целиот овој систем свој пик достигнува откако Ковачевски е избран за премиер. -Имено неколку месеци по назначувањето на Ковачевски на премиерската функција од него основана Пиксел груп заедно со уште една бугарска фирма ја формира АЕ Солар АД Тетово, која треба да гради фабрика во ТИРЗ Тетово од 54 милиони евра. Во АЕ Солар АД Тетово, фирмата основана од Ковачевски има удел од 40%. Тоа е инвестиција од скоро 22 милиона евра кои треба да ги инвестира истата. Постои сериозен сомнеж дека Димитар Ковачевски кој во овој период бил носител на јавна функција можел да влијае на процесите и со тоа да ја донел оваа фирма во надредена положба над другите учесници во деловното работење. Отворено e прашањето дали сега ДКСК ќе се одважи и ќе отвори предмет за овој скандал. Исто така, бараме и од ЈО да не го игнорираат овој случај и да отворат постапка. Но, останува неизбежен фактот дека криминалот и корупцијата се случува во врвот на власта и оваа власт знае да владее и функционира единствено преку задоволување на своите приватни бизнис интереси, истакна Лефков.

„Аферата Броило го откри соларниот картел на дезертерот Ковачевски тежок 26 милиони евра- за ова ќе одговараат и тие кои ги прават и тие кои ги помагаат и тие кои ги заштитуваат“

Катерина Бојаџиева — Mon, 17 Oct 2022 06:30:43 +0000

Аферата Броило откри соларен картел околу дезертерот Ковачевски тежок 26 милиони евра. Фактите ја разобличија мрежата која е создадена во која фирмата ПИксел груп основана од Ковачевски е во центарот на еден систем за добивање државна помош и вносни бизниси правени под сомнение за трговија со влијание, велат од ВМРО-ДПМНЕ. -Оваа компанија Пиксел груп основана од дезертерот Ковачевски добила над половина милион евра државна помош вклучително и во времето кога Ковачевски е на функција, а над 200.000 евра се земени во периодот кога Ковачевски е мандатар за состав на нова влада. Заедно со дополнителните бизниси и сателитските фирми во овој картел, бизнис проилото на Ковачевски превртило мултимилионски бизниси преку модел кој наликува на злосторничќко здружување по сите нишани. И за Антикорупциска во ова нема ништо сомнително, па дури побрзаа да го амнестираат. Го повикуваме Јавното обвиниелство да го провери и исражи скандалот Броило и на тој начин да покаже дигнитет и одважност. Пред вакви факти не може да се молчи. За криминал од милионски размери порано или покасно ќе ги стаса правдата и тие кои го правеле, и тие кои го помагале и тие кои го заштитувале, потенцираат од партијата.

Лефков: ДКСК пуштени низ вода, дезертерот Ковачевски призна дека додека бил заменик министер е исплаќана помош на „Пиксел груп“, која е во центарот на аферата Броило

Магдалена Андонова — Tue, 11 Oct 2022 09:41:00 +0000

Дезертерот Ковачевски сам призна дека додека бил заменик министер за финансии е исплаќана помош на фирмата Пиксел груп, основана од него, а сега во центарот на аферата „Броило“, тешка 26 милиони евра. ДКСК се буквално пуштени низ вода по вчерашната изјава на Ковачевски, кој сам призна дека наводите од нашите прес конференции се целосно точни, и дека во време кога тој е заменик министер за финансии е исплаќана помош на фирма основана од него, а сега во посед на неговиот кум, изјави пратеникот од ВМРО-ДПМНЕ Миле Лефков на денешната прес конференција. Тој посочи дека вчера ДКСК предвреме се обиде да го амнестира Ковачевски. - Јасно е дека гласот на ДКСК е Ковачевски кој сака да гоа испере криминалот преку наводна констатација на ДКСК дека нема криминал. Како тоа утврдија дека нема судир на интереси и трговија со влијание кога Пиксел груп формирана од самиот Ковачевски е основана 5 месеци откако СДС доаѓа на власт во 2017 година? И за само една година оваа фирма гради фабрика за фотоволтаици. Кои факти ги анализираше ДКСК и врз основа на кои документи утврди дека нема судир на интереси треба да елаборира пред јавноста? Истата оваа Пиксел груп, 8 месеци откако Ковачевски станува премиер влегува во инвестиција од 54 милиони евра, за изградба на фабрика во ТИРЗ Тетово за производство на фотоволтаични панели заедно со бугарски партнер. Бугарската фирма - партнер на Пиксел груп основана од Ковачевски, е основана неколку месеци откако Ковачевски станува премиер во Македонија. Кога ДКСК одлучи повторно да ја штити власта, сега останува ЈО да го истражи патот на парите во Пиксел груп, основана од Ковачевски и неговиот кум, а сега водена само од неговиот кум. Како оваа фирма се наоѓа во вртлогот на аферата Броило од 26 милиони евра, и дали се користени државни влијанија? Не смее да се заборави, ниту дека Пиксел груп е фирмата која ги произведува фотоволтаичните панели, кои КМГ ЕОЛ Квазар на кумот на Ковачевски ги монтира на тендерите добиени од државата во висина од 2 милиони евра, и договорот со ЕВН во вредност од над 2 милиони евра Дека се наликува на злосторничко здружение околу Пиксел груп е и фактот што оваа фирма добива над половина милион евра државна помош, а за половина од тоа време Ковачевски е заменик министер и мандатар за избор на нова влада, појасни Лефков. Пратеникот порача ЈО да не чека и да истражи, дали и колкаво е влијанието на Ковачевски и дали тој ја злоупотребил својата положба во трупањето на милиони на соларниот картел. - А ДКСК да престане политички да го амнестира врвот на владата, а со тоа и соларниот картел, а за многу кратко ќе објавиме и кои се причините поради ваквата заштита, додаде тој.

„ДКСК и ЈО да отворат случај за аферата Броило, во која Ковачевски и Паунов преку соларен картел заработиле 26 милиони евра“

Магдалена Андонова — Tue, 11 Oct 2022 07:51:43 +0000

ДКСК и ЈО да се охрабрат и да отворат случај за Димитар Ковачевски и неговиот кум Паунов кои на сомнителен начин заработиле 26 милиони евра. Ковачевски и Паунов злосторнички се здружиле и 5 месеци откако антимакедонската СДС е на власт во 2017та година ја основале Пискел Груп. Во рок од една година Ковачевски и Паунов отвораат фабрика за производство на фотоволтаични панели, а преку државна помош земале 2 милиони евра, додека пак во период кога Ковачевски е заменик министер за финансии, фирмата на кумот на Ковачевски прави договор со ЕВН во вредност од над 2 милиони евра, стои во соопштението на ВМРО-ДПМНЕ. Од партијата велат дека Аферата „Броило“ покажува сериозна спрега помеѓу криминалот и Димитар Ковачевски. - Институциите да не го оправдуваат криминалот на Ковачевски и Паунов и веднаш да отворат случај по допрен глас. Дополнително, истата фирма која е основана од Ковачевски, само 8 месеца по стапување на функциката претседател на Владата влегува во инвестиција во фабрика во ТИРЗ Тетово, заедно со ново формирана бугарска фирма, која пак е во висина од 54 милиони евра, а според учеството во уделите, делот кој Пиксел Груп треба да го инвестира е скоро 22 милиони евра. Ковачевски ја користи функцијата за лично богатење, додека народот осиромашува. И самиот Ковачевски вчера во гостување на национална телевизија призна дека неговата компанија добила државни пари, што е доволен доказ дека тој свесно ја користел позицијата за лично богатење. Токму затоа ДКСК и ЈО веднаш да отворат случај за Ковачевски и Паунов и да не се ставаат во одбрана на криминалот, во спротивно истите се соучесници во соларниот картел тежок 26 милиони евра, се појаснува во партиското соопштение. ВМРО-ДПМНЕ додава дека со промена на власта и ослободување на институциите ќе следи одговорност.

Лефков: Ковачевски и кумот, со длабоки врски во СДС наликуваат на злосторничко здружение кое свртело 26 милиони

Магдалена Андонова — Sun, 09 Oct 2022 10:02:22 +0000

Аферата „Броило“ го извади на површина соларниот картел, кој е сконцентриран околу дезертерот Ковачевски. Обелоденивме како две поврзани фирми „Пиксел Груп“ основана од Ковачевски и неговиот кум Паунов, и КМГ ЕОЛ Квазар основана само од кумот, откако е СДС на власт влегле во бизниси од над 26 милиони евра. Сите факти досега укажуваат дека соларниот картел околу Ковачевски наликува на злосторничко здружение кое се формира по доаѓањето на СДС на власт, изјави на денешната прес конференција пратеникот од редовите на ВМРО-ДПМНЕ, Миле Лефков. Тој ги наброја и фактите: 1. Ковачевски и неговиот кум, кој е функционер во СДС скоро 20 години ја основаат фирмата „Пиксел Груп“, околу која понатаму се врти аферата „Броило“. 2. „Пиксел Груп“ е фирмата која ги произведува фотоволтаичните панели, а КМГ ЕОЛ Квазар ги продава и монтира истите. 3. Преку фирмата на кумот на Ковачевски земени се 2 милиони евра државни тендери, и склучен е договор со ЕВН од дополнителни над 2 милиони евра. „Пиксел Груп“ основана од Ковачевски произведува фотоволтаици, а фирмата на кумот се јавува на тендери и продава. И така фирмата основана од Ковачевски не се јавува како директен извршител на работите пред државните органи, а практично кај неа завршуваат парите. 4. „Пиксел Груп“ основана од Ковачевски со СДС на власт добива и над половина милион државна помош, а исплати се вршени и додека е заменик министер за финансии и мандатар за состав на новата влада. 5. Злосторничкото здружение зазема димензии од десетици милиони евра кога Ковачевски станува премиер. Имено тогаш „Пиксел Груп“ основана од него влегува во фаза на градење на фабрика во ТИРЗ Тетово, каде има посебни даночни и царински ослободувања, а фирмата ќе преговара и за државна помош. - Јасни се цртите на аферата „Броило“, која го следи доаѓањето на СДС на власт и растот на Ковачевски во политиката, како тој напредува во хиерархијата во СДС и владата, така договорите и зделките на „Пиксел Груп“ и КМГ ЕОЛ Квазар се сѐ поголеми, додаде Лефков.

Лефков: Ковачевски и кумот ја основаат Пиксел груп 5 месеци откако СДС прави влада, а утре повеќе детали за тоа кој е кумот и врските со СДС

Магдалена Андонова — Fri, 07 Oct 2022 09:17:32 +0000

Пет дена со Аферата #Броило... Ковачевски и кумот ја основале Пиксел гроуп 5 месеци откако СДСМ прави Влада! Оваа фирма добива: 4 исплати од Фонд за Иновации во вкупна вредност од 4.324.363 ден(70 314€)! Државна помош во 8 исплати во вредност од 27.262.082 ден (443 285€)! Кумот ја основа КМГ ЕОЛ Квазар Оваа фирма добива: - Тендери од ЈКП Комуналец Св.Николе во вредност од 100 000€! - Тендери од ЈП Пасишта, две набавки од 172.000€ и од 343.000€! - Општина Ѓорче Петров, тендер од 48.000€! - Општина Чаир 108.000€ - Тендер од ЕВН над 2.000.000€, стои во Фејсбук објавата на пратеникот од ВМРО-ДПМНЕ, Миле Лефков. Тој напиша дека три месеци откако Ковачевски е премиер се основа фирма АЕ Солар Хорајзонт во Софија со основачки влог од 15.000 лева! - Осум месеци откако е премиер Ковачевски, фирмата основана од него и фирмата од Софија ја основаат АЕ Солар АД Тетово, вредна 54.000.000€. Пиксел има 40%, АЕ Солар Хорајзонт од Софија 60%. Оваа компанија чека на државна помош која треба да ја исплати премиерот… Видовме исплати на државни пари за Ковачевски како сопственик на Пиксел, исплати за фирмата кога Ковачевски бил заменик министер, ОГРОМНА исплата од Владата во оставка за фирмата основана од него два дена по станувањето на МАНДАТАР, гледаме огромни суми на тендери за фирмата на кумот додека кумашинот е премиер… Се ќе се објави и дознае, нема веќе криење, не смее државната помош да завршува во фирми основани и во фирми блиски на ПРЕМИЕРОТ! Продолжуваме утре! #Броило, додава Лефков во објавата.

„Ќе следи одговорност, не може во услови на голема енергетска криза кога се губат работни места, кога се затвараат бизниси, некој да профитира на грбот на граѓаните“

Магдалена Андонова — Thu, 06 Oct 2022 11:14:08 +0000

Претседателот на ВМРО-ДПМНЕ, Христијан Мицкоски денска на новинарско прашања поврзано со аферата Броило посочи дека станува збор за голем скандал каде наместо да им се помага на граѓаните и на стопанството, некој седи и ги брои парите кои што ги добива од државата. -Ние секојдневно држиме прес конференции и информираме јавноста во услови на енергетска криза некој богами добро се офајдува и некој добива помош, брои евра на грбот на граѓаните, аферата има вредност од 26 милиони евра. Шокантно. Наместо да им се помага на граѓаните и на стопанството, некој седи и ги брои парите кои што ги добива од државата како поддршка за инвестиции, за развој или веќе не знам за што, а воедно од друга страна злоупотребува и државни тендери, се тргува со влијание, така што сето ова претставува навистина еден голем скандал кој што ве повикувам вас медиумите да го истражите до детал и јас можам да предупредам дека за сето ова ќе има и одговорност. Дури и во текот на вчерашниот ден колку што можев да видам еден од учесниците во овој скандал доби и кривична пријава за еден таков тендер во општина Гази Баба за јавно осветлување, ако не се лажам, рече Мицкоски. Мицкоски во текот на своето обраќање истакна дека се следи целиот случај со оваа афера и укажа дека постои сомневање за сторен криминал и дека за сето ова ќе следи одговорност бидејќи не може во услови на голема енергетска криза кога се губат работни места, кога се затвараат бизниси, некој да профитира на грбот на граѓаните. -Така што внимателно го следиме целиот случај и веднаш после ослободување на Македонија и институциите од оваа влада јас можам да ви кажам дека детално лично ќе се занимавам со сето ова и дека лично ќе навлезам во суштината на овој проблем, а постои основано сомневање за сторен криминал и доколку тоа се потврди нормално низ една фер и транспарентна судска истражна постапка мора луѓето да одговараат бидејќи не може во услови на голема енергетска криза кога се губат работни места, кога се затвараат бизниси, некој да профитира на грбот на граѓаните, додаде Мицкоски.

Лефков: Институциите се узурпирани, аферата „Броило“ ќе биде тест за институциите

Катерина Бојаџиева — Tue, 04 Oct 2022 19:14:48 +0000

Денеска обвинителството за гонење на организиран криминал и корупција поднесе кривична пријава до кумот на Ковачевски затоа што не се извршени работите за надзор при поставување на улично осветлување во Општина Гази Баба, рече членот на ИК и пратеник од редовите на ВМРО-ДПМНЕ, Миле Лефков во вечерашното гостување во дебатната емисија „Топ Тема“ на Телма Телевизија. „На 31.05.2021 година добиле 48 илјади евра е поднесена кривична пријава затоа што комисијата утврдила дека не се извршени соодветните работи кои биле превземени, мислам дека за тоа станува збор за надзор“, рече Лефков. Лефков посочи дека во етичкиот кодекс се вели дека врвен интерес треба да биде јавниот интерес а на интерес за себе или за свои лични блиски лица. „Замислете било кој премиер во Европа да има вакви исплати на државна помош на фирмата на својот кум и на фирма која сам ја основал замислете тоа каков скандал ќе биде“, кажа Лефков. Тој чувствува дека се узурпирани институциите. Аферата „Броило“ ќе биде тест за институциите. „Ако вие имате кум и вашиот кум има одредена фирма и таа фирма користи државна помош во време кога ни затвараат 6,500-тини фирми, па ќе го видите министерот за финансии како не убедува дека тој бил природен процес“, изјави Лефков. Тој посочи дека откако ќе се соберат сите околности ќе се отиде до обвинителство и ќе се тестираат институциите. „Сакаме најпрвин на јавноста на серија прес-конференции да ги изнесеме сите околности кои ги имаме околу овој случај, а тие се многу на крајот кога ќе ги собереме сите ќе отидеме во обвинителство и ќе ги тестираме институциите“, потенцираше Лефков.

Мицкоски: Аферата Броило покажува колку власта силно го има разорен системот со трговија со влијание, и затоа се служат со лаги и клевети кон мене

Магдалена Андонова — Tue, 04 Oct 2022 07:44:56 +0000

Ја разбирам потребата на СДСМ и нивните инсталации континуирано да водат црна кампања полна со невистини, клевети и омаловажувања кон мене, повеќе од четири години, но македонската јавност мора да ја знае вистината. Имено, во текот на вчерашниот ден 3 октомври 2022 година, на прес конференција https://sdsm.org.mk/pres-konferencii/51032, изнесени се бројни лаги, невистини и клевети со цел да ми се нанесе штета во јавноста, но кога сме кај вистината би сакал да приложам пред македонската јавност два докази, стои во Фејсбук статусот на лидерот на ВМРО-ДПМНЕ, Христијан Мицкоски. Тој напиша дека првиот доказ е одлука на државната комисија за спречување на корупцијата од ноември 2019 година, која постапувајќи по допрен глас утврдила дека не постои судир на интереси, а на тој начин предметот е затворен и архивиран со појаснување на член од комисијата дека сите наводи во јавноста се неточни (слика 1). - Вториот доказ е пресуда на граѓанскиот суд во Скопје од април 2022 година со која судот констатира дека СДСМ со намера да наштети на мојата чест и углед изнела невистинити факти на својата официјална страна на социјалната мрежа Facebook (слика 2 и 3). Нервозни се бидејќи аферата броило покажува колку силно го имаат разорено системот со трговија на влијанија, бизниси и матни тендери. Потполно сум свесен дека се исплашени, доаѓа денот кога ќе има одговорност за криминалот, предавствата и срамот што го нанесоа на македонскиот народ и Македонија. Мојата борба против криминалците во политиката е безусловна. Колку повеќе лажете и клеветите толку повеќе ме мотивирате. Со секој изминат ден Македонија е поблиску до слобода, а политичките криминалци до одговорност. Одиме до крај, додава Мицкоски во својата Фејсбук објава.

ВМРО-ДПМНЕ: Аферата Броило тешка 26 милиони евра покажа дека постои соларен картел составен од Ковачевски и неговиот кум кој заработува милиони од тендери – ќе се обелоденат нови фрапантни информации

Ивона Петрова — Tue, 04 Oct 2022 05:50:15 +0000

Аферата Броило тешка 26 милиони евра ја извади на виделина вистината за соларниот картел составен од Димитар Ковачевски и неговиот кум Горан Паунов. Ковачевски е основач на компанијата Пиксел груп заедно со неговиот кум, а овој пак е сопственик на КМГ ЕОЛ Квазар. И двете компании се основата на соларниот картел кој го врти милионското броило, велат од ВМРО-ДПМНЕ. Од партијата истакнуваат дека додека граѓаните едвај врзувааат крај со крај од кризата, броилото на Ковачевски вртело милиони. -Преку КМГ ЕОЛ Квазар, откако е СДС на власт се земени над 4 милиони евра државни тендери од јавни претпријатија и општини и од ЕВН каде бизнисот е добиен откако Ковачевски добива функција. Наместо Ковачевски да дезертира и да бега од клучните одговори траба јасно и гласно да каже: 1. Дали е основач на фирмата Пиксел груп, која е централен дел од аферата „Броило“? 2. Дали фирмата КМГ ЕОЛ Квазар на кумот на Ковачевски има добиено скоро 2 милиони евра државни тендери додека СДС е на власт? 3. Дали КМГ ЕОЛ Квазар на кумот на Ковачевски склучила договор од 2 милиони евра со ЕВН, откако тој добива функција? Јавноста чека одговори. Треба да се знае кои фирми профитирале во време на кризи, додека 12 илјади други компании ставија клуч на врата, додека граѓаните плаќаат поскапа струја и едвај успеваат да обезбедат леб за своите семејства. На прес конференција ВМРО-ДПМНЕ ќе обелодени нови фрапантни информации за овој скандал, најавуваат од партијата.