афера паразити – Kurir.mk

Томовски: Директорите на ЕСМ и МЕПСО Ковачевски и Муртезани се наградени со 1.700 евра плата месечно, а ЕСМ увезува и до 1/3 од дневните потреби за ЕВН

Ивона Петрова — Mon, 21 Nov 2022 11:07:58 +0000

Директорите на ЕСМ и МЕПСО Ковачевски и Муртезани се наградени со 1.700 евра плата месечно, а ЕСМ увезува и до 1/3 од дневните потреби за ЕВН, изјави на денешната прес-конференција Ивица Томовски, член на Централниот комитет на ВМРО-ДПМНЕ. Тој рече дека Ковачевски и Муртeзани се паразитите во ЕСМ и МЕПСО. -ЕСМ на ден купува и над 3.000 мегават часа струја, по цени и над 250 евра, тоа се 750.000 евра на ден кои се одлеваат како девизи од државата, а тоа е така затоа што не работат РЕК Битола и РЕК Осломеј со полн капацитет. Но, тоа не е проблем Ковачевски да зема плата од 1.700 евра месечно, односно над 20.000 евра годишно. Ковачевски за еден мандат ќе ја чини државата над 80.000 евра, придонесот негов не е ниту нула, туку е далеку под нула. Исто е и со Орхан Муртезани, кој како државен паразит зема 80.000 евра плата за еден мандат на чело на МЕПСО. На линија паразити во енергетскиот сектор од ЕСМ и МЕПСО Ковачевски и Муртезани е и Бајрам Реџепи, извршен директор на Национални Енергетски Ресурси, кој месечно зема 1.300 евра плата, и за една година од оваа државна компанија наплаќа 15.000 евра. Реџепи од НЕР, за еден мандат ќе ја чини државата 60.000 евра, а никој не знае кој е неговиот придонес. Кој е придонесот на сите директори во енергетските претпријатија кои ја чинат државата стотици илјади евра, а Македонија дневно одлева по 750.000 евра за купување на струја за регулираниот пазар? Што сработиле Ковачевски, Муртезани и Реџепи за Македонија? И за граѓаните од чии даноци земаат плата од десетици илјади евра годишно? Затоа веднаш по смена на власта, ќе биде направена ревизија на платите. Не смее да има преплатени работни места и мора да има резултати. Функционерите на власта, паразити кои немаат никаков допринос за државата се луѓето кои сакаат оваа власт да остане, за да можат да продолжат со луксузниот живот. А народот е тој кој бара промена за да има подобра иднина. Затоа потребни се предвремени парламентарни избори, вели Томовски.

ВМРО-ДПМНЕ: Власта има приоритет да ги полни џебовите на паразитите во време на криза, наместо да ги помага граѓаните

Ивана Ефремовски — Sat, 19 Nov 2022 08:34:45 +0000

Аферата „Паразити“ секој нов ден покажува нов аздислак на власта на СДС и ДУИ во време на криза. Додека од народот бараат да стега ремен, да се тушира со поладна вода, да готви во мали тенџериња, тие немаат абер да ги скратат баснословните хонорари и плати на функционерите кои ги именуваат, реагираат од ВМРО-ДПМНЕ. Во продолжение следува интегрален текст од нивното соопштение: Еден од најкарактеристичните примери за паразитирање на грбот на граѓаните е Љубе Бошковски кој зема 50 илјади евра за мандат, а никој не знае ни што работи ни што придонесува за тие пари. Фестим Халили, пак, од позиција директор на ФИТР зема 1.000 евра месечно и скоро 50 илјади за мандат, за нешто за кое граѓаните немаат апсолутно никаква корист. Уште еден пример за неразумна плата е и Миѓен Селмани член на Управен одбор и директор во М-НАВ кој зема 3000 евра месечно или 144 илјади за мандат. Сите овие, но и десетината други кои ги обелоденивме ја чинат Македонија околу 2 милиони и 250 илјади евра за еден мандат. Овие средства доколку се скратат од ставката „паразитирање“ и се потрошат наменски сега во време на криза ќе има повеќе пари за лекови, за студентски оброк, за поддршка на земјоделците или за изградба на некое училиште, градинка или амбуланта. Но власта на СДС и ДУИ во оваа криза имаат други приоритети, различни од тие на народот. На власта приоритет им се непродуктивните трошења, криминалот и полнењето на функционерските џебови. Денес скандалот „Паразити“ продолжува со нови имиња и нови непродуктивни трошења во време на криза.

Томовски: Директорите во М-НАВ ја чинат државата над 630.000 евра за еден мандат

Ивона Петрова — Fri, 18 Nov 2022 10:49:58 +0000

Аферата Паразити продолжува во М НАВ. Покрај Фахрудин Хамиди и Владо Крстевски, плата од 3.000 евра месечно зема и Миѓен Салмани, член на Управен Одбор и Извршен Директор за финансиски работи, за правни работи, развој и инвестиции во М НАВ, вели Ивица Томовски членот на Централниот комитет на ВМРО-ДПМНЕ. Нагласи дека Салмани за една година од М НАВ зема и до 36.000 евра, а за еден мандат ќе наплати 144.000 евра. -Кој е придонесот на Салмани, за оваа висока плата? Што направил Салмани за да ги одработи тие 3.000 евра месечна плата? Салмани, заедно со Фехрудин Хамиди и Владо Крстевски, го чинат државното М НАВ над 630.000 евра за плати за време од 4 години. Да, над 630.000 евра за 4 години ја чинат М НАВ овие тројца директори, а никој не знае кој е нивниот придонес. Дел од Паразити е и Фестим Халили, директор на ФИТР, тој месечно зема плата од 1.000 евра. А за еден мандат тоа се речиси 50.000 евра, вели Томовски. Тој прашува кој е бенефитот за Македонија од работата на Халили? -Со плата иста како Халили е и Љубе Бошкоски, кој зема 50.000 евра за еден мандат, а резултатот од неговото работење како советник во владата никој не го знае. Аферата Паразити покажува десетици функционери именувани од владата како земаат десетици илјади евра на име плата, а притоа немаат никаков резултат, со што би ги оправдале така високите примања, додека народот гладува, истакна членот на ИК на ВМРО-ДПМНЕ.

ВМРО-ДПМНЕ: Афера Паразити – над 2 милиони евра тежат хонорарите и платите за само 11 функционери, за нив нема криза и штедење

Дарко Андоновски — Fri, 18 Nov 2022 08:02:21 +0000

Владата бара од граѓаните да штедат, да готват во помали тенџериња, се правдат дека нема пари за стопанството, нема пари за здравството, земјоделството, студентите, ама затоа не им ги чепка баснословните хонорари и плати на своите функционери, ова денес преку соопштение до јавноста го истакнаа од ВМРО-ДПМНЕ. -Вчера објавивме дека само тројца функционери ја чинат Македонија околу 500 илади евра за еден мандат. Кире Наумов како директор на македонската банка за обнова и развој зема 2.500 евра, или за еден мандат ќе инкасира 120.000 евра. Директорот на АЕК во услови кога граѓаните едвај врзуваат крај со крај има месечна плата од над 2000 евра или 30.000 евра годишно. Во Телеком пак, кај што Владата има свој удел Славко Пројковски како финансиски директор има плата од над 6000 евра, односно за еден мандат добива дури 288.000 евра. Ако на овие плати ги додадеме и надоместоците на функционерите кои претходно беа обелоденети во аферата Паразити, како што се тие на Жерновски, Љушев од Телеком, Станкоски од Тутунски комбинат, Хамиди и Крстевски од М-нав, Тунтев ид Цивилно воздухопловство, Ѓорѓиев од ПУИК, Зиков од МЕПСО, тогаш доаѓаме до фантастична бројка од над 2 милиони евра за еден мандат за 11 функционери, велат од партијата. Од таму прашуваат колку семејства може да живеат со 2 милиони евра? -Колку студенти може да се прехранат? Колку медицински апарати и лекови може да се набават? Аферата Паразити го откри лицемерието на оваа власт на СДС и ДУИ. Оваа афера покажа дека за елитата на власт нема криза. Паразити покажа дека лажните социјалдемократи кркаат дебели хонорари додека народот гладува. Аферата Паразити и денес ќе открие нови случаи на аздисано трошење, истакнуваат од партијата.

Мицкоски: Власта е полна со паразити кои земаат плата а не работат ништо, мора да има плата по учинок

Ивона Петрова — Fri, 18 Nov 2022 07:56:59 +0000

Претседателот на ВМРО-ДПМНЕ Христијан Мицкоски во утринската емисија „Еспресо со Златев и Боцевски“ во Радио Лидер вели дека во државата има многу функционери паразити кои земаат високи плати, а не работат ништо, потенцирајќи дека власта на ВМРО-ДПМНЕ тоа ќе го промени на начин на кој ќе се направи систем на вредности во општеството. Треба да се направи систем на вредности во општеството кое што функционира од From the bottom to the top, односно од дното практично нагоре, оние кои што се неквалификувани па се најквалификуваните. И сега ние треба да видиме да земеме пример како тоа функционира во развиените земји затоа што ние се стремиме да одиме таму, рече тој. Претседателот Мицкоски нагласи дека мора да има плата по учинок, односно како пример го зема образованието за кој рече дека доколку ВМРО-ДПМНЕ дојде на власт во програмата ќе предложи примања за високото образование на наставно образовниот кадар да биде по два критериуми, едниот оној фиксниот и вториот е по научен придонес, односно доколку некој објави научен труд во часопис со фактор на влијание, државата следната година ќе му овозможи уште едно примање во висина колку неговата месечна плата. Јас имам искуство како тоа функционира и не треба ние топла вода да измислуваме, само треба тоа да го направиме кај нас и ако тоа ние го направиме јас сум сигурен дека нема да бидат ваквите ликови како бели мечки заштитени, нема да бидат ваквите ликови луѓе кои што се расфрлаат со неодговорни изјави, туку ќе може поинаку да функционираат. Ние да речеме во нашата програма, повторно ќе се вратам на образованието во 2020 година, а тоа сега ќе го надградиме за следните избори и ќе го прошириме предвидовме примања за високото образование на наставно образовниот кадар да биде по два критериуми. Едниот е фиксниот надомест поради образовната дејност која што ја врши секој од нив, а вториот е поради научниот придонес. Ако некој успее да објави оваа година два труда во часопис со фактор на влијание, добива следната година двојна плата, ако сега државата за редовен професор одвојувала да речеме 38.000 денари, следната година ќе зема 76.000 денари само од државата затоа што објавил трудови во часопис и со фактор на влијание. Тоа значи место погоре на Шангајската листа, кога вие имате место погоре тогаш станувате атрактивни и за светски умови, истакна Мицкоски.

Томовски: Кире Наумов од СДС за еден мандат зема 120.000 евра плата, а никој не знае што тој сработил за Македонија за тие пари

Катерина Бојаџиева — Thu, 17 Nov 2022 11:29:21 +0000

Додека народот гладува, и семејство каде двајцата сопружници земаат минимална плата, со истата не можат да ги обезбедат сите потребни намирници, и да ги задоволат животните потреби за еден месец, функционери именувани од владата земаат плати од неколку илјади евра месечно, а за еден мандат цифрите се движат и во неколку стотици илјади евра, истакна Ивица Томовски, член на Централниот комитет на ВМРО-ДПМНЕ на денешната прес-конференција. -И не е единствен проблем немаштијата во која живеат поголемиот број на граѓани, туку и тоа што овие функционери со ништо не ги оправдале парите кои ги земаат. Народот, не гледа бенефит од нивната работа. Кире Наумов од СДС, директор на Македонска банка за обнова и развој, е уште еден во низата функционери дел од аферата Паразити. Наумов, кој беше допопнителен заменик министер за финансии на СДС, денес месечно зема над 2.500 евра плата, за една година тој наплаќа над 30.000 евра, а за еден мандат дури 120.000 евра. Значи додека владата им зема оброк на студентите, Наумов заработува на грбот на државата 2.500 евра секој месец. Директорот на АЕК, Јетон Акику, зема плата од 132.000 денари, поточно над 2.000 евра месечно или за една година околу 30.000 евра. Уште еден во низата функционери со високи плати, е и Славко Пројковски, финансиски директор во Телеком, каде сопственост има и државата, е со плата од над 6.000 евра месечно. Тој, за една година зема 72.000 евра, а за еден мандат од 4 години дури 288.000 евра. Тоа е исто, како директорот на Телеком Љушев, кој за само еден месец зема 11.500 евра, тоа за една година се над 138.000 евра, додека за еден четири годишен мандат над 552.000 евра. Овие тројца функционери, кои ги презентиравме денес, за еден мандат земаат, речиси 1 милион евра. Што сработиле овие тројца функционери, и кој е бенефитот кој го има државата од нивното работење, за тие за еден мандат да наплатат 1 милион евра? Аферата Паразити го јаде системот. Со нови детали од истата продолжуваме утре, додава Томовски.

Томовски: Жерновски зема плата од 1000 евра месечно за градба на Клинички кој не се гради

Катерина Бојаџиева — Wed, 16 Nov 2022 10:17:08 +0000

Аферата „Паразити“ со години го јаде системот. Од владата именувани функционери, звучни имиња, земале илјадници евра, додека народот мизерува. Функционерите од аферата „Паразити“ не можат да ги оправдаат парите кои ги земаат со реална работа, придонесот кој тие треба да го даваат за тие пари не се гледа, истакна Ивица Томовски, член на Централниот комитет на ВМРО-ДПМНЕ. -Со еден таков пример ќе ја отвориме оваа прес конференција, се работи за Андреј Жерновски, кој повеќе од година ипол е дел од проектната единица за Клинички центар, и за тоа зема месечен надомест од 1.000 евра. Жерновски, до сега земал над 18.000 евра од министерството за здравство. А, намената за која што ги зема тие средства не е оправдана. Клинички центар нема, ниту се гради тој во Штип, а тој во Скопје не е ниту во фаза да почне да се гради. Зошто се држи Жерновски на позицијата и зошто му се исплаќаат по 1.000 евра месечно, иако за тоа нема потреба, треба да ни одговорат од Владата. Сосема неоправдано се трошат парите од министерството за здравство, а во исто време гледаме како секојдневно луѓе собираат пари за лекување преку донации, вели Томовски и додава: „Иста е ситуацијата и со Кире Станкоски, генерален директор на Тутунски комбинат Прилеп, кој зема месечна плата од над 2.000 евра. И додека тутунарите се сѐ посиромашни, и едвај врзуваат крај со крај, генералниот директор на Тутунски комбинат за еден мандат ќе инкасира без малку 100.000 евра. Неоправдано трошење на средства на граѓаните гледаме и во М НАВ, таму како што веќе објавивме двајцата директори земаат скоро 500.000 евра плата за еден мандат од четири години. Фахрудин Хамиди зема плата од 6 илјади евра месечно, додека Владо Крстевски зема 4.5 илјади евра месечно. И за двајцата јавноста не знае што прават, ниту дали ги оправдуваат овие високи плати, или пак целиот товар на работата во М НАВ паѓа на вработените стручни лица, кои имаат далеку помали плати од директорите. Аферата „Паразити“, покажува како група функционери именувани од владата земаат огромни суми пари по основ на плата во време кога имаме економска криза, а притоа не гледаме со што тие ги оправдале овие примања. Нема нови инвестиции, нема позитивни биланси на компаниите, нема задоволни граѓани кои се корисници на овие услуги“.

Аферата „Паразити“ открива дека 4 функционери именувани од владата заработуваат 858.000 евра за еден мандат во услови кога народот гладува

Дарко Андоновски — Wed, 16 Nov 2022 08:06:27 +0000

Аферата „Паразити“ открива голем број функционери именувани од оваа аздисана власт на СДС и ДУИ кои земаат баснословни плати во време на криза, ова денеска преку соопштение до јавноста го истакнуваат од ВМРО-ДПМНЕ.

-Додека народот гладува Томислав Тунтев, кадарот на СДС како именуван директор во Агенцијата за цивилно воздухопловство зема месечна плата од 203.000 денати, односно за еден мандат ќе бидат исплатени 9.744.000 денари. Директорот на ПУИК, Зоран Ѓорѓиев добива месечна плата од 105.000 денари, а во текот на еден мандат ќе инкасира 5.040.000 денари. На јавноста познатиот провладин аналитичар Љупчо Зиков е функционер во МЕПСО за месечна плата од 80.000 денари, што значи дека за еден мандат ќе добие 3.840.000 денари. Членот на УО во Телеком Никола Љушев добива месечен надоместок од 713.000 денари, што за еден мандат достигнуваат 34.224.000 денари, велат од партијата.

Од таму додаваат дека само овие 4 функционери именувани од владата за еден мандат добиваат баснословни 858.000 евра, колку што сите вработени во една просечно голема конфекција заедно нема да ги добијат во време од 4 години.

-Да потсетиме дека други двајца владини функционери за еден мандат добиле 473.000 евра, односно Фахрудин Хамиди и Владо Крстевски како директори во М-НАВ добиваат месечна плата од 345.000 денари, односно 266.000 денари. Власта на СДС и ДУИ бесрамно бара од народот на штеди а тие аздисуваат со исплати на неверојатни плати на своите функционери. Крати пари за студенти и земјоделци, а има за милионски хонорари. Додека државата се задолжува, мала група се богати на сметка на народот. Аферата „Паразити“ ја покажа целата забеганост и хипокризија на власта. Денес ќе следи ново продолжение, истакнуваат од партијата.

Томовски: Аферата Паразити во голем број институции- Тунтев од СДС како директор на Цивилно воздухопловство за еден мандат како плата ќе земе 160.000 евра

Катерина Бојаџиева — Tue, 15 Nov 2022 11:26:11 +0000

Денес продолжуваме со нови детали од аферата Паразити, голем број владини функционери земаат месечни плати неколкукратно поголеми од минималната, додека народот тоне во сиромаштија. А на индексот на мизерија сме втори во Европа. Дел од аферата Паразити е Томислав Тунтев, директор на Агенцијата за Цивилно воздухопловство, кој зема плата од 203.000 денари месечно. Односно 3.300 евра месечно. Тоа се 40.000 евра за една година. Додека народот има просечна плата од 470 евра, за Тунтев од СДС тоа се 3300 евра, истакна Ивица Томовски, член на Централниот комитет на ВМРО-ДПМНЕ, на денешната прес-конференција. -Јавноста ниту го видела Тунтев по заминувањето од функцијата пратеник, ниту слушнала за неговата работа. Тунтев не е директор во Германија или некоја друга развиена земја, тој е именуван функционер од владата во Македонија. Во Македонија во која што народот не може да се прехрани, а тој зема годишна плата од 40.000 евра. И за еден мандат ќе инкасира цели 160.000 евра. Аферата Паразити покажува дека низ институциите лежат скриени поголем број именувани функционери кои во услови на криза додека најголемиот број од работниците работат за плата под просечната земаат плати кои на годишно ниво изнесуваат неколку десетици илјади евра, вели Томовски и додава: „Дел од аферата Паразити е и директорот на ПУИК, Зоран Ѓорѓиев, со месечна плата од 105.000 денари. Истиот за една година наплаќа 1.260.000 денари, односно 21.000 евра. Никола Љушев како дел од УО на Телеком зема месечна плата од 713.000 денари, односно 11.500 евра. За година дена тоа се 139.000 евра, а за еден мандат од 4 години 560.000 евра. Љупчо Зиков, дежурен аналитичар на власта, а во принцип именуван функционер месечно од МЕПСО зема 80.000 денари, што за една година е 960.000 денари или 16.000 евра. Во текот на еден мандат тој од оваа енергетска компанија ќе инкасира 54.000 евра. Ова се дел од функционерите од аферата Паразити, утре продолжуваме со нови детали, на нова прес конференција“.

НОВИ ДЕТАЛИ ВО 12 ЧАСОТ: Афера Паразити – Директорите во М НАВ земаат плата од пола милион евра за еден мандат

Ивона Петрова — Tue, 15 Nov 2022 07:10:22 +0000

Фахрудин Хамиди, претседател на Управниот одбор и Извршен директор во СВН во М НАВ, именуван од страна на владата месечно зема плата од 6 илјади евра. За една година истиот само како плата зема над 70 илјади евра. За мандат од 4 години тоа се над 280.000 евра, велат од ВМРО-ДПМНЕ. Од партијата велат ништо поразлично не е ниту за членот на УО и Извршен директор во СВТ на М НАВ, Владо Крстевски, кој зема 4.5 илјади евра плата месечно. -За една година тоа се над 50.000 евра, а за еден мандат од четири години Крстевски од државата ќе земе над 200.000 евра како плата. Овие двајца директори во М НАВ земаат скоро половина милион евра само како плата од М НАВ за еден мандат. И додека директорите на М НАВ земаат стотици илјади евра за еден мандат на име плата, народот страда. Нити две минимални плати не ја покриваат потрошувачката кошница. Тоа што до пред една година можело да се купи за 500 денари како намирници во продавница, сега не може ниту со 1.000 денари, велат од ВМРО-ДПМНЕ. Аферата Паразити покажува зошто власта не се грижи за економијата и зошто нема слух за проблемите и високата инфлација. За функционерите на власта инфлацијата не значи ништо, таа удира по народот. Затоа се потребни промени.