Клоп: Сакам некој од играчите на Ливерпул да го освои Африканскиот куп на нации

Тале Кристо — Sun, 16 Jan 2022 13:09:21 +0000

Тренерот на Ливерпул, Јирген Клоп им даде поддршка на фудбалерите од неговиот тим кој настапуваат на Купот на нации во Африка – Сакам барем еден од нашите играчи да оди до Африканскиот куп на нации и да стане победник на турнирот. Знам што значи тоа за нив. Се надевам дека ќе уживаат во секоја секунда од овој турнир. Засега мораме да играме без нив, но ова е добра шанса за другите играчи да се докажат. Вака гледаме на работите, изјави Клоп за клупскиот сајт на „црвените“ од Енфилд. Денеска (15 часот), 16 јануари, Ливерпул ќе го одигра натпреварот од 22. коло во Премиер лига со Брентфорд.

Африкански куп на нации: Судијата два пати предвреме го заврши дуелот Мали – Тунис

Тале Кристо — Wed, 12 Jan 2022 17:58:07 +0000

Бројни судиски грешки го одбележаа вечерва дуелот од воведното коло во групата Ф во рамки на африканскиот Куп на нации меѓу Мали и Тунис (1:0), а пропустите кулминираа во финишот кога арбитерот во два наврати предвреме отсвири крајот на натпреварот. Мали ја обезбеди победата преку пенал што во 48. минута го реализираше Ибрахим Коне, а Тунис на ист начин можеше да возврати во 77. минута, но Вахби Казри биеше непрецизно од белата точка. Во крупен план на овој натпревар, сепак, беше главниот судија Џани Сиказве, кој со многу грешки го водеше дуелот, а најголемиот пропуст го направи во 85. минута, кога означи крај на натпреварот. Кратко потоа, на сугестија на својот помошник, одлучи да го продолжи натпреварот, означувајќи дефинитивно крај во 90. минута, иако во вториот дел беа досудени два пенали, беа извршени девет измени, а неколку пати се вклучуваше и ВАР системот.

Африкански куп – Kurir.mk

Клоп: Сакам некој од играчите на Ливерпул да го освои Африканскиот куп на нации

Африкански куп на нации: Судијата два пати предвреме го заврши дуелот Мали – Тунис