Африканските земји добија 400 милиони дози вакцини

Ивана Ефремовски — Thu, 28 Jan 2021 12:27:25 +0000

Земјите од Африканската Унија (АУ) добија дополнителни 400 милиони дози вакцини против Ковид-19, соопшти африканскиот центар за контрола на болести. Земјите на африканскиот континент, кои се меѓу најсиромашните на светот, ги набавија дополнителните дози преку Институтот „Серум“ од Индија. Со ова вкупниот број дози за африканскиот континент достигнува 670 милиони. Институтот Серум масовно произведува дози од вакцината Ковишилд, развиена од фирмата „АстраЗенека“ и Универзитетот во Оксфорд за Индија и за земјите во развој. Според властите од Африканскиот центар за контрола на болести би требало сите вакцини да се достапни до идната година, а потребни ќе бидат 1,5 милијарди дози за да се имунизира 60 отсто од населението на континентот. Африканската Унија започна одделна иницијатива од механизмот Ковакс, наречена Аватт за да може да набави вакцини за достапна цена. Механизмот Ковакс што треба да им помогне на посиромашните земји да добијат вакцини сѐ уште е функционален и не се очекува да биде пред оваа пролет најрано. (МИА)

Поголемиот број африкански држави повторно дозволуваат меѓународни летови

Тале Кристо — Mon, 06 Jul 2020 10:50:53 +0000

Египет веќе ги отвори аеродромите за меѓународните летови, а и другите африкански држави ќе го следат примерот и покрај тоа што на континентот има повеќе од 463.000 лица инфицирани со Ковид-19. По избивање на пандемијата, Сејшели долго време немаа нитуе еден случај, се додека новиот коронавирус не беше увезен на островот. Затоа Сејшели не плнираат да дозволат меѓународнби патнички летови се до 1 август. Претставниците на африканските држави тврдат дека континентот се соочува со прва рецесија во изминатите 25 години. Во последните три месеци земјите забележале загуба од речиси 55 милијарди приходи од туризмот. Додека авиокомпаниите изгубиле околу осум милијарди долари. Поголемиот број африкански земји ги укинаа меѓународните летови по избивање на пандемијата. Но, тоа негативно влијаеше на набавката на лекови и вакцини за другите болести, но го пролонгира и премот на пратки со заштитна опрема и тестови за новиот коронавирус. Сенегал најави отворање на аеродромите за меѓународни летови од 15 јули, Нигерија од 8 јули, а Руанда од 1 август. Во Јужна Африка и Сомалија веќе има домашни летови, а Камерун, Екваторијална Гвинеја, Танзанија и Замбија дозволија комерцијални летови, а Кенија повторно дозволува меѓународни летови. (МИА)

африкански земји – Kurir.mk

Африканските земји добија 400 милиони дози вакцини

Поголемиот број африкански држави повторно дозволуваат меѓународни летови